Árbók VFÍ/TFÍ - 01.06.2002, Qupperneq 21

1.1.2 Skýrslur fastanefnda og deilda VFÍ
starfsárið 2001-2002
Austurlandsdeild
Aðalfundur AVFÍ var haldinn í Lagarfossvirkjun 11. maí 2001, samtímis aðalfundi ATFI,
í boði RARIK. Fundargestir skoðuðu mannvirki stöðvarinnar og fengu fyrirlestur um
starfsemi og skipulag RARIK á Austurlandi.
Fyrri stjórn var endurkjörin en hana skipa Ingólfur Arnarson formaður, Kristján Guðlaugs-
son og Óli Metúsalemsson. Varamaður í stjórn er Jóhannes Pálsson. Sumarið 2001 ákvað
Kristján að flytja og sagði sig þá úr stjórn. Sæti hans í stjórninni tók Jóhannes Pálsson.
Starf félagsins lá að mestu leyti niðri yfir veturinn. Þó var ákveðið að vinna að skoð-
unarferð á nýjum brúarmannvirkjum sem verið er að reisa í Fljótsdalunm, ásamt kynn-
ingu á Hitaveitu Egilstaða og Fella. Skoðunarferð þessi var farin í mars 2001. í ein-
hverjum tilvikum hefur verið stuðst við fjarfundabúnað til að fá senda hádegisfundi sem
VFÍ/TFÍ standa fyrir.
Starf AVFÍ er algjörlega samtvinnað starfi ATFÍ (Austanlandsdeildir verk- og tæknifræð-
inga) og er hópurinn því oft kallaður AVTFÍ. Á aðalfundi þessara félaga fóru fram
umræður um eðli þessara tveggja félaga og er mikill áhugi á að sameina þessi félög. Það
kom fram skýr skoðun á því að þessi tvö landsfélög ættu að vinna hratt að undirbúningi
sameiningar þar sem hagsmunir þeirra fara nánast í öllum atriðum saman.
Ingólfur Arnarson formaður
Norðurlandsdeild
Aðalfundur deildarinnar var haldinn á veitingahúsinu Greifanum (Stássinu) á Akureyri
29. maí 2001. Á fundinum var stjórn ásamt endurskoðendum endurkjörin. Að loknum
hefðbundnum aðalfundarstörfum hélt Arne Vagn Olsen frá Islenskum verðbréfum erindi
sem nefndist „Aðgangur að áhættufjármagni á Norðurlandi" og spunnust skemmtilegar
umræður um erindið og annað tengt efni.
Eins og undanfarin ár var gott samstarf Norðurlandsdeilda verk- og tæknifræðinga og
hafa deildirnar staðið að flestum viðburðum sameiginlega.
Framhald var á útsendingum samlokufunda frá Engjateigi sem hófst með fundinum
1. mars 2001 um „Samkeppni á fjarskiptamarkaðinum". Samlokufundirnir hafa verið
sendir út í gegnum fjarfundarbúnað Háskólans á Akureyri og eru að festa sig í sessi þó
að tæknilegir annmarkar hafa komið upp t.a.m. með útsendingu af glærum fyrirlesara.
Einnig hefur verið hægt að fylgjast með flestum þessara fundana á Sauðárkróki og ein-
hverjum á Húsavík. Þarna hafa áhugasamir verk- og tæknifræðingar sjálfir séð um
framkvæmdina án sérstaks atbeina stjórnar NVFÍ. Áfram hefur verið unnið í samstarfs-
málum við Háskólann á Akureyri og núna í samvinnu við NTFÍ. Vonast er eftir að á vor-
mánuðum 2002 verði samstarfið við Háskólann innsiglað með formlegri hætti.
Hafsteinn Pálsson, framkvæmdastjóri Byggingastaðlaráðs, hélt kynningu á frumvörpum
um nýja þolhönnunarstaðla á Hótel KEÁ 17. september 2001.
1 7
Félagsmál Vfl/TFl