Árbók VFÍ/TFÍ - 01.06.2002, Page 57

Mynd 1. Þrátt fyrir að raunávöxtun sjóðsins hafi verið neikvæð undanfarin tvö ár hefur sjóðurinn samt sem áður, til lengri
tíma litið, ávaxtast vel umfram þá 3,5% raunávöxtun sem tilskilin er í lögum og reiknuð er inn í réttindatöflur hans.
X-ásinn er miðaður við 3,5% og því sýna súlur fyrir ofan ásinn umframávöxtun en súlur fyrir neðan ásinn sýna það sem á
skorti að tilskilinni ávöxtun væri náð.
Eins og á undanförnum árum hefur erlenda hlutabréfasafnið að mestu leyti verið í
eignarstýringu hjá Morgan Stanley í London. Með árunum hefur komið í ljós að þetta
tiltekna safn ýkir hreyfingar á markaðnum, það fer hærra upp en viðmiðunarvísitalan á
tímum uppsveiflu á markaðnum en að sama skapi fer safnið neðar en vísitalan á tímum
niðursveiflu. Á síðasta ári leiddi þetta til þess að ávöxtun safnsins varð nokkru lakari en
viðmiðunarvísitölunnar.
Lífeyrissjóðurinn hefur að mestu haldið að sér höndum með nýfjárfestingar í erlendum
verðbréfum um tveggja ára skeið, á sama tíma og erlendir markaðir hafa einkennst af
niðursveiflu, í sumum tilvikum þeirri mestu um áratuga skeið. Þó lagði sjóðurinn á
síðasta ári nokkra fjármuni, rúmlega 400 milljónir króna, í fjórar fjárfestingar sem í senn
er ætlað að fá hlutdeild í mögulegri uppsveiflu á erlendum mörkuðum og að draga úr
áhættu sjóðsins á sviði erlendra fjárfestinga. Annars vegar er um að ræða skuldabréf í
íslenskum krónum frá tveimur íslenskum bönkum sem eru með þeim skilmálum að
bankarnir endurgreiða á gjalddaga að lágmarki höfuðstól bréfsins en hafi erlendar
viðmiðunarvísitölur hækkað greiða bankarnir samsvarandi vísitölubætur ofan á
höfuðstólinn. Með þessum hætti takmarkar lífeyrissjóðurinn mögulegt tap af fjárfest-
ingunni en fær fulla hlutdeild í mögulegri uppsveiflu. Á síðasta ári var, eins og gefur að
skilja, ekki um hagnað af ræða af þessum bréfum en tapið var minna en ef keypt hefðu
verið samsvarandi hlutabréf. Hins vegar er um að ræða tvö eignasöfn þar sem beitt er
fjölbreyttari aðferðum en í hefðbundinni eignastýringu til að leitast við að auka ávöxtun
safnanna, s.s. með sölu á kaupréttarsamningum eða skortsölu. Annað safnið er hjá MP
5 3
Félagsmál Vfl/TFl