Árbók VFÍ/TFÍ - 01.06.2002, Qupperneq 89

S T Ó R I Ð J A
Ýmsir fjárfestar
Ýmsir nýir erlendir aðilar sýndu á því áhuga að árinu 2001 að fjárfesta í orkufrekum
iðnaði hérlendis. Meðal þeirra er japanskt fyrirtæki, sem er að skoða mjög sérhæfða
úrvinnslu á áli á Akureyri. og rússneskir aðilar eru að skoða möguleika á að byggja hér
stórt álver auk súrálsverksmiðju, sem nýtt gæti jarðgufu auk raforku til framleiðsluimar.
Sementsverksmiðjan
Sementssalan árið 2001 varð 124.800 tonn sem er tæplega 13% minna en árið áður en hafa
ber í huga að innflutt sement var á markaðinum allt árið. Mikil umsvif voru í flestum
þáttum framkvæmda fram undir lok ársins.
Rekstur fyrirtækisins var frekar erfiður þar sem ýmis aðföng hækkuðu verulega, m.a.
vegna mikils gengisfalls krónunnar á árinu og vaxandi verðbólgu.
Sementsverð hækkaði um 7% undir lok ársins. Framleiðslugeta brennsluofns var nýtt að
fullu en ekki þurfti að flytja inn gjall.
Kísiliðjan hf.
Arið 2001 var viðburðaríkt fyrir Kísiliðjuna hf. Hinn 30. mars skipti félagið um eigendur
þegar fjárfestingarfélagið Allied Elfa keypti öll hlutabréf ríkisins ásamt hlutabréfum
World Minerals. Síðar á árinu keypti félagið önnur hlutabréf þannig að nú er Kísiliðjan
hf. í 100% eigu Allied Elfa. Við þessa breytingu var jafnframt ákveðið að breytingar verða
gerðar á rekstri fyrirtækisins í náinni framtíð. Kísilgúrvinnslu verður hætt á næstu 4—6
árum en í staðinn er áformað að reisa nýja verksmiðju, við hlið þeirrar gömlu, sem fram-
leiða mun kísilduft. Verið er að þróa nýja framleiðsluaðferð á kísildufti í Noregi og
markaðssetning er þegar hafin. Áætlanir miðast við að reisa nýju verksmiðjuna í
Mývatnssveit og byggingarframkvæmdir hefjist árið 2003.
Rekstur Kísiliðjunnar gekk mjög vel á árinu. í upphafi árs urðu nokkrar verðhækkanir á
mörkuðum eftir verðstöðnun árin þar á undan. Vegna gengislækkunar íslensku krón-
unnar gagnvart evru vænkaðist hagur Kísiliðjunnar verulega á árinu og reksturinn skilaði
hagnaði.
Framleidd voru 30.434 tonn en tæplega 29.300 voru seld þannig að bæði framleiðslu- og
sölumet voru slegin á árinu. I nóvember voru framleidd 2.940 tonn sem er meira en
nokkru sinni hefur verið framleitt í einum mánuði frá því að fyrirtækið var stofnað. Segja
má að það sé afrek út af fyrir sig í ljósi þess að ekki hefur verið mikil endurnýjun í vél-
búnaði fyrirtækisins á undanförnum árum, einkum vegna þeirrar óvissu sem ríkt hefur
um framtíð fyritækisins um langt árabil.
Þennan góða árangur ber ekki síst að þakka góðu starfsfólki sem kann vel til verka en
einnig góðum aðstæðum á markaði.
8 5
Tækniannáll 2001/2002