Fréttablaðið - 01.12.2012, Side 95

Sjálfbærni og umhverfisvernd eru grundvallarþættir í
verkefnum Hjálparstarfs kirkjunnar. Umhverfisvernd
er lykillinn að framtíðinni, forvörn gegn sífelldum
náttúruhamförum á borð við flóð og þurrka. Fólk er
frætt um samhengi hlutanna. Hvernig gróðureyðing
sem eykst við það að höggva eldivið verður til þess að
vatn tollir ekki í jörðinni. Vatnið flýtur burt á yfir-
borðinu eða gufar upp þegar engar rætur halda í það
og laufskrúð veitir ekki skugga. Nýtanlegum vatns-
bólum fækkar. Þess vegna er fólki kennt að rækta upp
græðlinga og planta meðfram ám og lónum til að halda
í jarðveg og raka. Stallar eru gerðir til að rækta á svo
jarðvegur skolist ekki burt. Hraðvaxta trén má um leið
nýta í eldivið. Með sparhlóðum verkefnisins þarf
helmingi minna en áður. Trén bera sum ávöxt og þau
veita matjurtum skugga. Tegundir eru ræktaðar á víxl
til að draga úr næringartapi í ökrum. Gróðurleifar eru
nýttar í moltugerð og tað til áburðar. Náttúruleg
hringrás verndar auðlindir. Á Indlandi berjast sam-
starfsaðilar Hjálparstarfsins fyrir lífi aðal fljóts
héraðsins. Það sér ríkum og fátækum fyrir vatni.
Gosdrykkjaframleiðendur og fleiri atvinnurekendur
taka of mikið á kostnað íbúa. Sandnám opinberra og
einkaaðila úr árfarveginum dregur úr rakadrægni
hans og áin heldur ekki jafnmiklu vatni.
Indland
- Umhverfisfræðsla í skólum samstarfsaðila
- Barátta fyrir vernd fljóta
- Stéttlausir berjast fyrir rétti til drykkjar- og
áveituvatns
Eþíópía
- Námskeið fyrir bændur um nýtingu lífræns úrgangs
til að halda næringarefnum í jarðvegi
- Sparhlóðir sem þurfa helmingi minna af eldiviði
- Stofnaðir íbúahópar til að vinna að málefnum eins
og landvernd, ræktun beitarlands og vatnsmálum
á grunni nýrrar þekkingar
- Stallagerð til að hefta framrás vatns og binda það
frekar í jarðvegi
Malaví
- Nýjum frætegundum dreift til ræktunar; hvílir
jarðveg, samfelldari uppskera ólíkra tegunda
- Fræðsla um varnir gegn flóðum og þurrkum
- Námskeið um lög og reglur um vatn, verndun þess
og ábyrgð einstaklingsins
- Leiðtogaþjálfun til að ýta undir gott fordæmi og
aðferðabreytingar sem hlífa umhverfinu
- Kennt að gera lífrænan bíómassa til að auka
næringargildi jarðvegs
Úganda
- Fræðsla um hringrás vatns og verndun þess
- Kennsla um víxlræktun tegunda til að hlífa jarðvegi
- Kennsla í moltugerð
Hjálparstarf kirkjunnar veitir mest af neyðarhjálp sinni
í gegnum ACT Alliance og er einn 131 ACT-aðila um
allan heim. Í 140 löndum vinna 30.000 starfsmenn og
sjálfboðaliðar fyrir fórnarlömb hamfara, stríðs og
átaka. ACT-aðilar í hverju landi móta með sér samráðs-
vettvang og í löndum þar sem fáir starfa, nær sá
vettvangur yfir stærri svæði. Þannig nýtist þekking
allra betur, sérþekking kemst á framfæri, fleiri koma
að lausnum, samhæfing og verkaskipti verða skýrari og
starfið markvissara. 40 slíkir samráðshópar eru lykill
að þróun og árangri ACT. Þau hafa áhrif langt út fyrir
sitt svæði, meðal annars á stefnumótun ACT Alliance í
heild. Á síðasta ári varði ACT Alliance mestum fjármunum
í verkefni í Afríku (65%), því næst í Suður-Ameríku (16%)
og loks í Asíu og á Kyrrahafseyjum (12%). ACT veitir alla
aðstoð án nokkurra skilyrða eða aðgreiningar. ACT
Alliance fylgir alþjóðlegum stöðlum eins og SPHERE um
neyðaraðstoð, ströngum siðareglum auk eigin staðla
um sífellt endurmat á starfseminni.
www.actalliance.org
Neyðaraðstoð veitt í gegnum ACT Alliance:
Austur-Afríka
- Veitt var neyðaraðstoð í Eþíópíu og Sómalíu vegna
langvarandi þurrka, fólksflótta og hungursneyðar
- Korni deilt út
- Flóttamönnum veitt bráðabirgðaskjól
- Gert við brunna
- Hreinlætisaðstaða bætt með því að reisa kamra
Malaví
- Neyðarhjálp vegna flóða á verkefnasvæði í
Chikwawa-héraði
- Mataraðstoð
- Bráðabirgðaskjól reist og teppum dreift
- Gert við kamra og reistir nýir
- Fræ og áhöld til jarðræktar
Úlfaldar nýtast vel á harðbýlu og þurru svæði í Austur-Eþíópíu.
Umhverfisvernd grundvallarþáttur
Margt smátt ... – 11
Fræðsla um varnir gegn flóðum og stallagerð til að hefta
framrás vatns eru mikilvægir liðir í umhverfisvernd.
Sparhlóðir sem nota allt að 50% minna eldsneyti minnka
álag á umhverfið.
Neyðaraðstoð
með
Korni er deilt út í Dadaab flóttamannabúðunum.
ACT/Paul Jeffrey.
Frá flóttamannabúðum í Dadaab í Keníu, þangað streyma
flóttamenn frá Sómalíu og Eþíópíu. ACT/Paul Jeffrey.