Fréttatíminn - 19.11.2010, Qupperneq 84

84 dægurmál Helgin 19.-21. nóvember 2010
 loðmar Fer í ævintýraFerð um eigin bók
Skólaverkefni varð
að barnabók
Þegar Auður Ösp
og Embla létu
persónurnar
hittast tóku þær
völdin og bókin
skrifaði sig mikið
til sjálf. „Við
réðum eiginlega
ekki neitt við
neitt.“
l oðmar kemur úr Listaháskólanum,“ segja stallsysturnar Auður Ösp Guðmundsdóttir og Embla Vigfúsdóttir um aðalpersónuna
í nýrri barnabók sem þær hafa sent frá sér. Loð-
mar býr á fyrstu opnu bókarinnar sem ber nafn
hans. Það er lítið um að vera á opnunni og hann
tekur sig því taki og leggur í ferðalag um bókina
og hittir fyrir alls konar furðufugla sem halda til
hver á sinni eigin opnu í bókinni.
„Þetta byrjaði allt með verkefni sem við
gerðum á öðru ári í skólanum. Þar áttum við
að taka eitthvað í þjóðfélaginu sem við vildum
vekja athygli á og við ákváðum að vinna út frá
tungumálinu. Við bjuggum til alls konar skrýtin
bullnöfn eins og Flindill, Lúpa og Loðmar. Síðan
teiknuðum við skissur
af þeim og fundum
persónueinkenni á þau.
Við vorum með bunka
af persónum og völdum
úr þær sem við héldum
mest upp á og létum þær
hittast til þess að sjá
hvað myndi gerast þá,”
segir Auður Ösp.
Eftir tveggja daga
vinnu með persónurnar
sáu vinkonurnar að þær
voru með svo mikinn
efnivið að þær ákváðu
að gera úr honum bók.
„Við ákváðum síðan að gefa hverri persónu sína
eigin opnu og láta Loðmar hitta þær á sínum
heimavelli.“
Embla og Auður Ösp eru báðar útskrifaðar
í vöruhönnun frá LHÍ og nálguðust viðfangs-
efnið í samræmi við það. „Við höfum ekki neinn
bókmenntabakgrunn og komum fram við bókina
eins og hlut, eða vöru, þannig að allur efniviður,
blek, pappír og blaðsíðurnar, eru hluti af sög-
unni.”
Stelpurnar segja bókina vera hugsaða sem
tæki til að kenna ungum börnum á tungumálið
án þess að vera með einhvern predikunartón.
Þrátt fyrir nafnið er Loðmar ekki loðinn. „Hann
er viðloðandi en hefur samt ekki verið viðloðandi
nokkurn skapaðan hlut í byrjun bókar. Eftir því
sem hann kemst lengra inn í bókina fara stöðugt
fleiri hlutir að loða við hann. Svona eins og þetta
gerist bara hjá fólki í lífinu. Við erum alltaf að
bæta við okkur reynslu og þegar upp er staðið
verður það sem loðir við Loðmar honum til
bjargar.“
Nærfatabombur áttu
sviðið í New York
Árleg tískusýning undirfatarisans Victoria Secret fór fram í New York
í síðustu viku. Sýningin vekur alltaf mikla athygli og er sýnd á besta
tíma á sjónvarpsstöðinni CBS með milljóna áhorf.
o furfyrirsætan Adriana Lima stal senunni á Victoria Secret tískusýningunni í New York
í síðustu viku þegar hún kom fram á
tveggja milljón dollara brjóstarahald-
ara sem hannaður var af Damiani.
Hvert glæsikvendið á fætur öðru
gengu fram á sviðið í kynþokkafull-
um undirfötum við mikla hrifningu
áhorfenda. Akon og Kate Perry
sáu um tónlistaratriðin en sýning
Victoria Secret þykir vera með
þeim flottari sem
haldnar eru á hverju
ári. Gífurlegur áhugi
er fyrir undirfata-
sýningunni meðal
Bandaríkjamanna
en bandaríska sjón-
varpsstöðin CBS
sýnir þátt um hana
30. nóvember næst-
komandi á besta
tíma. Rétt tæpar níu
milljónir horfðu á
þáttinn um sýn-
inguna í fyrra.
Ný bók með speki
Dalai Lama,
leiðarvísir sem
veitir styrk, huggun
og innblástur.
Leitar þú að
innri friði?