Læknablaðið : fylgirit - 01.08.1981, Blaðsíða 7

5
millibili að geta tekið inn unga menn, fulla af eldmóði, með nýja vitneskju og ferskar hug-
myndir. Hæfilegt sambland við reynslu og festu þarf jafnan að vera til staðar.
Læknar spítalans eiga jafnan að hafa sem frjálsastar hendur um það, á hvern hátt þeir
stunda sínar iækningar. hað verður einnig að sjá til þess að þeim verði sköpuð þau skilyrði,
að þeir geti veitt sjúklingum sínum sem besta og öruggasta almenna þjónustu.
Starfsreglur eru nauðsynlegar, þær eiga að vera Ijósar og einfaldar og eftir þeim verður
að fara skilyrðislaust.
Við verðum að varðveita þann góða anda, sem hér hefur ríkt. Samstarf einstakra lækna
og deilda verður að halda áfram. Við verðum að hugsa fyrst og fremst um þarfir spítalans í
heild, þá mun okkur öllum farnast vel.
Samstarf spítalans við stjórnvöld og þá sérstaklega Heilbrigðisráðuneytið hefur verið
gott og farið vaxandi. Okkur er mjög nauðsynlegt að halda þessu samstarfi vel við og miða
áform okkar jafnan við þarfir heildarinnar.
Ég hefi kosið að ræða hér um Landakotsspítala, stöðu hans í dag og í framtíðinni. Ég
hygg að dr. Bjarna Jónssyni hafi ekki þótt það verra umræðiefni en hann sjálfur. Svo sam-
ofin eru örlög hans örlögum spítalans að erfitt er að greina á milli. Hann hefur séð spítalann
í litlu timburhúsi frá því um aldamót. Vesturálman er byggð um það leyti, sem hann er hér
aðstoðarlæknir og austurálman er vígð skömmu eftir að hann tekur við störfum sem yfir-
læknir. Á læknisferli hans hafa orðið meiri framfarir í læknisfræði en á mörgum öldum þar
áður.
Á þessari stundu er mér efst í huga virðing og þakklæti. Virðing fyrir því mikla starfi,
sem hér hefur verið unnið. Þakklæti fyrir náið samstarf undanfarinn áratug að málefnum
spítalans.
Læknaráð Landakotsspítala hefur ákveðið að láta gera brjóstmynd af dr. Bjarna. Vegna
veikinda þess listamanns, sem til þess hefur verið valinn, hefur styttan ekki verið gerð enn,
en vonir standa til að úr rætist nú á næstunni. Jafnframt hefur læknaráð ákveðið að gefið
verði út hátíðarrit fræðilegs efnis í tilefni þessara tímamóta til heiðurs dr. Bjarna.
Landakotsspítali breyttist við það, að St. Jósefssystur hættu rekstri hans. Spítalinn verð-
ur ekki samur eftir að dr. Bjarni Jónsson hættir störfum. Pað er okkar, sem nú tökum við að
sjá til þess að hér verði ekki Iakari spítali; þar höfum við traustan grunn að byggja á.
Árið 1955 í Lækna-
herbergi gamla Landa-
kotsspítala (1902).
Bjarni Jónsson.