Læknablaðið : fylgirit - 01.08.1981, Page 40

38
einstaka allt að nokkrum vikum síðar. Mátti
oftar um kenna andvaraleysi sjúklings sjálfs
gagnvart slysinu, en staðsetningu hans á
landinu, þótt stundum hafi henni verið um
að kenna.
5. Kynskipting.
Af (þessum 508 augnslysum voru 437 (86%)
karlar, en 71 (14%) konur. Hlutfallið milli
kvenna og karla er þvi 1:6,2. Þetta kemur
vel heim við erlendar upplýsingar. 1 sumum
iðnaðarborgum, þar sem vinnuslys eru tið,
er þetta hlutfall jafnvel enn hærra. Þessi
ójafna dreifing meðal kynja speglar þjóð-
félagshætti á þessum ákveðna tíma. Reikna
má með breytingum á henni með líkara
uppeldi beggja kynja og vaxandi þátttöku
kvenna í atvinnulífinu.
6. Skipting eftir aldri.
Gróft má skipta sjúklingunum i fimm
aldursflokka:
1. 6 ára og yngri, þ.e. á forskólaaldri, voru
58 sjúklingar eða 11.4% allra, 43 drengir
og 15 stúlkur.
2. 7—15 ára, þ.e. á skólaaldri, voru 151 sjúk-
linganna (29.7%), 123 drengir og 28 stúlk-
ur. Samtals voru þvi um 41% 15 ára og
yngri.
3. 16—50 ára, eða á aðalvinnualdri, voru 257
eða 50.6% sjúklinganna, Af þeim voru 235
karlar, en konur aðeins 22.
4. Eldri en 50 ára voru aðeins 42 eða 8.3%,
36 karlar og 6 konur.
Mynd 2 sýnir nánari skiptingu slysanna
eftir aldri. Hver stuðull er fimm ára ævibil.
Á myndinn sést glögglega, 'hve stór hlutur
ungs fólks er, þar sem 367 eðá tæpir 3/4
hlutar allra, eru yngri en 30 ára. Þetta er
þeim mun alvarlegra, sem unga fólkið á
yfirleitt langt líf fyrir höndum og vegna
þeirrar staðreyndar, að oftast eru augnslys
barna alvarlegri en fullorðinna.
Áberandi er hve augnslys eru fátíð meðal
ráðsetts fólks. Kemur þar margt til. Fólk á
þessum aldri er margt farið að nota gler-
augu við vinnu sína, en þau veita augum
oftast mikla vörn. Auk þess hafa flestir á
þessum aldri lagt niður hættulega leiki og
skemmtanir orðnar átakaminni.
Meðalaldur sjúklinganna var 23.6 ár.
Leggja ber þó áherslu á að hætta er fyrir
hendi alla ævi, t.d. var yngsti sjúklingurinn
6 mánaða, en sá elsti 92 ára.
7. Skipting eftir eðli aðaláverka.
Eins og sjá má á töflu I voru holundir
(perforationir) 124 eða um fjórðungur slys-
anna. 1 flestum tilfellum er holund mjög
alvarlegur áverki.
Augnmar (contusio), með blæðingu í for-
hólfi og eða bjúg i augnbotni, fengu 205 eða
tveir fimmtu hlutar slysanna.
Flísar inn í auga (corpus alienum intra-
ocularis) voru rúm 6% slysanna, nær ein-
göngu karlar.
Augnbrunar (combustion) voru rúm 9%
slysanna. Voru þeir ýmist af völdum hita
eða ætiefna.
Minniháttar augnslys eins og áverkar á
augnumbúnað, rifnir táragangar, rifur á
slimhúð eða rispur á glæru voru fimmtungur
slysanna.
TABLE I. Distribution of yatienis to main type
of injury.
Number of patients
Diagnosis Male Fenvale Total Percent
Perforation 109 15 124 24.4
Cont.usion 177 28 205 40.4
Intraoc. foreign body 30 1 31 6.1
Burns 41 6 47 9.2
Minor trauma 80 21 101 19.9
437 71 508 100.0
NUMBER
AGl
FI6. 2. DISTRIBUTIOÍI OF PATIENTS ACCORDING TO AGE