Læknablaðið : fylgirit - 01.08.1981, Blaðsíða 47

45
36.0% minniháttar augnáverka. Alvarleg-
ustu afleiðingar þessara slysa voru þær að
tvö augu töpuðust, tvö augu urðu alblind,
eitt sér aðeins handarhreyfingu og sex hlutu
eitthvert sjóntap.
22 slysanna hlutust af slagsmálum.
Ýmist var barið, sparkað eða potað í aug-
að. Langoftast varð slysið á eða við
skemmtistaði borgarinnar. Eitt þessara
augna þurfti að fjarlægja og annað er nán-
ast blint.
Bandarískur körfuknattleiksmaður varð
fyrir líkamsárás á skemmtistað hér í borg
og er annað auga hans mikið skemmt, sjón
aðeins handarhreyfing.
Níu duttu ölvaöir og hlutu augnáverka.
Einn þeirra missti auga er hann datt i tröpp-
um á kommóðuhorn, var hann ofurölvi.
Annar datt i tröppum á handrið og er augað
alblint.
Tveir fengu logandi vindling í auga á
skemmtistað, hlutu af þvi glærubruna en
ekkert varanlegt sjóntap.
Vinflösku var kastaö í auga tveggja og
fékk annar holund á auga.
Þrír fengu glerbrot í auga. Einn þegar
hann missti vínglas á gólf, annar þegar hann
var að skála við drykkjufélaga. Hlutu báðir
holund á auga. Þriðji missti vínflösku á
gólf.
Sjóntap.
Mynd 5 sýnir helstu afleiðingar augnslys-
anna í heild. Hjá 178 eða u.þ.b. þriðja hverj-
um sjúklingi hlaust eitthvert sjóntap og 83
(16%) sjá minna en 6/60 Snellen.
Ráð til að forðast augnslys.
Þegar reynt er að meta í hve mörgum til-
fellum óvarkárni sjúkiingsins sjálfs var
fyrst og fremst að kenna um slysið, kemur
í ljós að það er i um 287 tilfella eða 57%.
Mikinn hluta slikra augnslysa er hægt
að fyrirbyggja með ýmsum ráðum án mikils
tilkostnaðar. Skal nú þeirra helstu getið:
1. Með notkun hlíföargleraugna eöa hjálma
meö andlitshlíf viö vinnu, sem oft veldur
augnslysum, eins og þegar unnið er með
smergel, naglar reknir eða stáli barið i
stál, mætti koma í veg fyrir fjölmörg
augnslys. Sama gildir einnig þegar með-
höndluð eru ýmis ætiefni, sem sletzt geta
í augu. Áætla má að slik hlífðargleraugu
hefðu komið í veg fyrir um 105 eða 20%
þessara slysa.
2. Með notkun öryggisbelta í bifreiöum hefði
mátt forðast flest ef ekki öll framsæta-
slysin, sem að visu voru ekki mörg en
flest mjög alvarlegs eðlis.
NO LIGHT PERCEPTION
(enucleation and evisceration 23 eyes)
LIGHT PERCEPTION ONLY
HAND MOVEMEN.TS TO COUNTING FINGERS
VISUAL ACUITY 6/36 - 6/60
FIG. 5. VISUAL ACUITY OF 508 EYE INJURIES, UP TO 9 YEARS FOLLOW UP