Einkaneysla 1957-1987 - 01.12.1989, Blaðsíða 34

drykkjarvara er jafnframt dregin frá viðeigandi liðum á sama hátt og gert er með veitingastaðina.
Gisting er fundin sem afgangsstærð úr veltu atv.gr. 863 eftir að frádreginn er áætlaður hluti veitinga í
greininni. Verðvísitölur veitinga og gistingar í vísitölu framfærslukostnaðar eru notaðar til að finna
útgjöld á föstu verðlagi.
8.5 Fjármálaþjónusta.
Til fjármálaþjónustu er talinn kostnaður við rekstur lífeyrissjóða og líftryggingafélaga svo og
greidd bankaþjónusta. Við áætlun á rekstrarkostnaði lífeyrissjóða og líftryggingafélaga er byggt á
atvinnuvegauppgjöri Þjóðhagsstofnunar, þ.e. rekstrarkostnaði atvinnugreina nr. 641 og649, starfsemi
lífeyrissjóða og starfsemi vátrygginga- og líftryggingafélaga.
Með bankaþjónustu eru talin lántökugjöld, þóknun o.fl. hjá viðskiptabönkum og sparisjóðum.
Áætlað er að einstaklingar greiði um helming þóknunar bankanna af öðrum viðskiptum en víxlum og
innheimtum en í heild nemur sú upphæð á bilinu 18-25% af allri þóknun til banka og sparisjóða árin
1974-1987.
Staðvirðing fjármálaþjónustunnar er í heild gerð með vísitölu kaupgjalds.
8.6 Önnur þjónusta.
Til annarrar þjónustu teljast hér stéttarfélagsgjöld, ýmis önnur félagsgjöld, auglýsingar einstak-
linga og útfararkostnaður. Fjárhæðir stéttarfélagsgjalda eru fengnar úr launamiðaskrám ríkisskatt-
stjóra en greidd félagsgjöld eru áætluð á grundvelli upplýsinga um útgjöld í vísitölu framfærslukostnað-
ar og upplýsinga Hagstofunnar um fólksfjölda hverju sinni. Utgjöld á föstu verðlagi eru hér reiknuð
með verðvísitölum stéttarfélagsgjalda, félagsgjalda og vísitölu dagblaða samkvæmt framfærsluvísitöl-
unni.
Útfararkostnaður er áætlaður í samráði við Kirkjugarða Reykjavíkur sem gefa upplýsingar um
meðalkostnað við útfarir. Þessi kostnaður er síðan margfaldaður með tölum um fjölda látinna ár hvert
samkvæmt upplýsingum Hagstofu Islands. Fastaverðið er fundið á sama hátt með einingarverðsaðferð.
9. Utgjöld Islendinga erlendis og útgjöld erlendra ferðamanna.
9.1 Útgjöld íslendinga erlendis.
Tölur um útgjöld íslendinga erlendis eru samkvæmt greiðslujafnaðartölum Seðlabanka íslands.
Hér er einkum um að ræða erlendan gjaldeyri til greiðslu ferða- og dvalarkostnaðar Islendinga í
útlöndum. Auk þess eru meðtalin kaup íslendinga í flugvélum, hluti af gjaldeyri sem áhafnir skipa og
flugvéla fá greiddan, launakostnaður íslenskra sendiráða erlendis og sala á íslenskum gjaldeyri
erlendis.
Verðmæti á föstu verðlagi er reiknað út frá breytingum á meðalgengi og meðalhækkun verðlags í
OECD löndunum.
9.2 Útgjöld erlendra manna á íslandi.
Tölur um útgjöld erlendra manna á íslandi er að finna í yfirlitum um greiðslujöfnuðinn. Stærsti
hlutinn eru tekjur af erlendum ferðamönnum en sömuleiðis eru hér taldar tekjur af erlendum
sendiráðum á íslandi. Útgjöld erlendra manna á íslandi á föstu verðlagi byggjast á vísitölu neysluvöru-
verðs innanlands.
32