Sagnir - 01.06.2003, Qupperneq 5

Ritstjóraspjall
---------------------rb'5 ♦ <*é>--------------------------------
Sagnir, Tímarit um söguleg efni, er komið út í 23. skipti. í fyrra var brugðið út
af venjunni og allt blaðið tileinkað listasögu. I ár er blaðið aftur á móti með
hefðbundnu sniði, ekkert ákveðið þema heldur fjalla greinamar um fjölbreytt
efni, allt ffá Snorra í Reykholti og handritum Ama Magnússonar til stöðu
sagnfræðinnar á internetinu og upphafs íslenskrar kvikmyndaframleiðslu.
Sagnir er sem fyrr vettvangur sagnfræðinema, nýútskrifaðra eða enn í námi, og
hefur þá sérstöðu að vera nær eina tímaritið þar sem nemar birta hluta af B.A.
ritgerðunum sínum. I því felst meðal annars styrkur blaðsins, það er kynning
á því nýjasta sem er að gerast í ffæðunum og veitir lesendum innsýn í hvað
sagnfræðingar framtíðarinnar eru að fast við. Fræðigreinin sjálf teygir anga sína
til margra átta eins og greinamar bera glöggt vitni um og sagnffæðinemar hafa
sýnt að þeir búa yfir gagnrýnni hugsun og ffæðilegum metnaði. í blaðinu era
einnig tvö viðtöl, annað kemur til vegna þeirrar nýjungar innan Háskóla íslands
að á síðasta ári hófst kennsla í fornleifaffæði undir umsjón Orra Vésteinssonar.
Sagnfræði og fornleifafræði hafa löngum tvinnast saman og er þetta því
kærkomin nýjung frá sagnffæðilegu sjónarhorni. Hitt viðtalið er við Magnús
Þorkel Bemharðsson en hann er einn af faum sagnfræðingum sem hefur sérhæft
sig í sögu Mið-Austurlanda og eini íslendingurinn að við best vitum. Okkar
bestu þakkir fa greinarhöfundar, viðmælendur og allir sem lagt hafa sitt af
mörkum við útgáfu tímaritsins. I ár kemur blaðið út á heldur óvanalegum tíma
en við vonum að það verði sannur sumarglaðningur fýrir áhugafólk um söguleg
efni. Njótið heil.
Ritstjórn Sagna
Hrafnhildur Ragnarsdóttir
JÓN SlGURÐUR FRIÐRIKSSON
Þóra Fjeldsted