Sveitarstjórnarmál - 01.04.1987, Blaðsíða 25

HÚSNÆÐISMÁL
Magnús Karel Hannesson, oddviti Eyrarbakkahrepps:
Fyrstu verkamannabústaö-
irnir á Eyrarbakka
Um miðjan nóvember si. voru
fyrstu tvær íbúðirnar, sem byggð-
ar eru í verkamannabústaðakerf-
inu á Eyrarbakka, afhentar eig-
endum sínum.
Einhvern veginn hefur það
æxlazt svo, að á Eyrarbakka hafa
ekki fyrr verið byggðar íbúðir
samkvæmt lögum og reglugerð
um Byggingarsjóð verkamanna og
félagslegar íbúðabyggingar, þrátt
fyrir það, að víða annars staðar er
áralöng hefð fyrir slíkum bygging-
um, t.d í nágrannabyggðinni á
Stokkseyri. Undirbúningur að
smíði þessara tveggja húsa hófst
árið 1982. Þá fór fram könnun á
þörf fyrir slíkar byggingar, og varð
niðurstaðan sú þá, að vert væri að
hefjast handa við þessa fram-
kvæmd. Það var þó ekki fyrr en í
september 1984, sem Húsnæðis-
stofnun veitti heimild til þess að
hefja tæknilegan undirbúning að
verkinu, og var tæknideild stofn-
unarinnar falið að vinna verkið. í
ingar Alenu Anderlovu, arkitekts
hjá Húsnæðisstofnun, samþykkt-
ar. Áður hafði verið ákveðið að
byggja tvö einbýlishús af þeirri
gerð, sem bezt félli inn í þá byggð,
sem fyrir er á byggingarsvæðinu,
og einnig að taka mið af þeim
byggingarstíl, sem einkennir eldri
byggð á Eyrarbakka, en þar eru
mörg rismikil og fyrirferðarlítil hús.
Verður ekki annað sagt en Alenu
hafi tekizt vel til við að ná fram
þessum einkennum.
Húsin eru 323,7 m3 og 105,8
m2 að brúttóflatarmáli, en nýtan-
legir fermetrar eru 94,2. Á neðri
hæð eru stofa, eldhús og þvotta-
hús, en á efri hæð eru þrjú svefn-
herbergi, bað og geymsla.
Framkvæmdir voru svo boðnar
út í maí 1985. Sex tilboð bárust í
verkið, og svo ágætlega vildi til, að
lægsta tilboðið átti heimamaður,
Stefán S. Stefánsson, byggingar-
meistari. Var tilboð hans 88,5% af
kostnaðaráætlun Húsnæðisstofn-
unar. Tilboð Stefáns hljóðaði upp
á 2,8 milljónir króna fyrir hvort hús
fyrir sig.
Verklok voru ákveðin um mán-
aðamótin október/nóvember
1986, og stóðst það fullkomlega,
en vegna þess að við lokaúttekt
Húsnæðisstofnunar var bætt við
nokkrum smávægilegum verkum,
sem ekki voru í útboðinu, dróst af-
hending húsanna í nokkra daga.
Að öðru leyti luku úttektarmenn
Húsnæðisstofnunar miklu lofsorði
á alla framkvæmdina og sögðu vel
hafa verið að henni staðið.
Verkamannabústadirnir á Eyrarbakka. Inga Lára Baldvinsdóttir tók myndina.
SVEITARSTJÓRNARMÁL 71