Sveitarstjórnarmál - 01.04.1987, Blaðsíða 46

ERLEND SAMSKIPTI
Óskar Þór Sigurbjörnsson, bæjarfulltrúi, Ólafsfiröi.
Norrænt vinabæjamót í
Ólafsfirði
10. - 13. júlí 1986
Dagana 10. - 13. júlí í sumar
héldu Ólafsfirðingar sitt fyrsta
vinabæjamót eftir að hafa verið
þátttakendur í vinabæjakeðjunni
Horten í Noregi, Hilleröd í Dan-
mörku, Lovisa í Finnlandi og
Karlskrona í Svíþjóð síðan árið
1977 og sótt vinabæjamót í öllum
löndunum. Undirbúningur móts-
ins hófst frá og með síðasta móti í
Horten árið 1984, og hafði þriggja
manna nefnd kjörinna bæjarfull-
trúa forystu ásamt fulltrúum fé-
lagasamtaka og stofnana, sem virk
eru í samstarfinu.
Á annað hundrað gesta frá
fjórum Norðurlandanna sóttu
mótið, þar af um 30 unglingar
ásamt fararstjórum. Unglingarnir
komu fyrst og fremst til þess að
keppa í íþróttum, svo sem sundi,
tennis og hestaíþróttum, og
dvöldust þeir i gagnfræðaskólan-
um. Um tuttugu manns dvöldust á
hóteli staðarins, en flestir dvöldust
í heimahúsum, og voru engin
vandræði að koma fólki fyrir; þvert
á móti, því færri fengu gesti en
vildu. Fjölmargir gestanna voru
gamlir og góðir kunningjar, sem
heimamenn höfðu margoft hitt á
ferðum sínum til hinna vinabæj-
anna.
Ólafsfirðingar tóku á móti gest-
unum á Akureyrarflugvelli að
kvöldi fimmtudags, og þá var
veður að ganga niður eftir norðan-
átt, og byrgði þoka sýn, er ekið var
út með Eyjafirði og fyrir Ólafs-
fjarðarmúla. Allt stóð þetta til bóta.
Eftir norræna guðsþjónustu í bítið
morguninn eftir var haldið í mið-
bæinn, að tjörninni, þar sem vina-
bæjamótið var formlega sett. Var
þá sem tjald væri dregið frá sviði,
þokunni létti snarlega, sólin tók að
skína í sunnan andvara. Þannig lék
veðrið við okkur það sem eftir var
mótsins með 20-23 stiga hita dag
hvern. Slíkir dagar voru að vísu
margir sl. sumar, en við hrósuðum
happi, ekki sízt þegar þess er
gætt, að leiðindaveður var bæði
helgina fyrir og eftir mótið. Gestir
höfðu á orði, að líklega hefðu þeir
ekki fengið hlýrra veður á vina-
bæjamóti en þeir fengu hér, og
kom það skemmtilega á óvart.
Dagskrá mótsins var fjölbreytt.
Fyrsta daginn var ferðazt um
Skagafjörð, m.a. komið að Glaum-
bæ og að Hólum í Hjaltadal í ein-
munablíðu eins og hún gerist
bezt. Um kvöldið buðu félög og
stofnanir gestum sínum til kvöld-
fagnaða á ýmsum stöðum í bæn-
um, úti og inni. Þar skiptust menn
á gjöfum og kveðjum fram eftir
kvöldi, en héldu að þvi loknu út í
Ólafsfjarðarmúla til þess að njóta
miðnætursólarinnar, sem sýndi
sínar beztu hliðar þar og í firðin-
um, þegar leið á nóttina. Jafnvel
heimamönnum þótti hún sýna sitt
fegursta í meira mæli en þeir hafa
áður reynt og útsýni langt norður
fyrir heimskautsbaug. Á laugar-
dagsmorgun var keppt í íþróttum,
því næst farin skoðunarferð um
kaupstaðinn og sveitina. Síðdegis
bauðst gestunum að fara út á fjörð
í veiðiferð, og var það vinsælast.
Aðrir stunduðu tennis og golf eða
Vinabæjamótid sett vid félagsheimilió Tjamarborg. Ljósm. Þórir Jónsson.
92 SVEITARSTJÓRNARMÁL