Morgunblaðið - 01.06.2013, Side 11

Morgunblaðið/Golli
Brúðukonur Júní-sýningin Brúðutangó er tileinkuð leikkonunni Eddu Heiðrúnu Bachmann sem hefur aðstoðað
Brúðubílinn undanfarin ár á margan hátt og meðal annars léð mörgum brúðum rödd sína.
fleiri leikarar, eins og Arnar Jónsson
er rosa skemmtilegur sem ljón,
Laddi sem úlfurinn og Pálmi Gests-
son sem Blárefur og Dúskur, svo
eitthvað sé nefnt. Ég hef verið að fá
alveg topp-leikara og topp-upptökur
þannig að þetta er allt mjög vandað
enda á maður að vanda til verka fyr-
ir börn,“ segir Helga sem er mjög í
mun að allir sem koma að sýning-
unni fái tilskildar þakkir og virðingu.
Sigrún Edda Björnsdóttir hefur
leikstýrt Brúðubílnum undanfarin
20 ár og Helga sjálf sér um handrita-
og brúðugerð. „Sigrún Edda er al-
veg ótrúlega góður leikstjóri og hún
er svo klár. Ég er alltaf með stúlkur
með mér sem aðstoða mig á sumrin
og núna er það hún Júlíana Kristín
Jónsdóttir. Ég held að fjórar af fyrr-
verandi aðstoðarkonum mínum séu
nú þegar útskrifaðar leikkonur.
Þetta virðist vera stökkpallur inn í
leiklistarskólann og þar á Sigrún
Edda mikinn þátt.“
Gleði, góðmennska
og makleg málagjöld
Aðspurð hvort hún lendi aldrei í
vandræðum þegar börnin grípa inn í
á miðjum sýningum hristir hún höf-
uðið ákveðið og svarar, „Nei, aldrei.
Ég er orðin svo vön. Svo þegar mað-
ur er búinn að vera svona lengi í
þessu þá þekkir maður svo vel hvað
það er sem börnin vilja. Þau vilja
gleði og að allir séu góðir og að þeim
líði vel. Svo vilja þau líka spennu og
spennuna fá þau til dæmis frá krókó-
dílunum og úlfunum. Hæfileg
spenna er nauðsynleg. Svo er eitt
sem börnin vilja, það er að allir fái
makleg málagjöld.“
Eins og margir sem vinna með
börnum talar Helga um að einn
helsti kostur þeirra sé hreinskilni og
einlægni. „Börn segja manni alltaf
eins og er. Þau klappa og sýna gleði
og ef þeim myndi finnast leiðinlegt
þá myndu þau bara fara. Það er ekki
til í þeim að eiga að finnast gaman af
því að einhver annar sagði að þetta
væri fín sýning eins og fullorðna
fólkið gerir oft.“
Helga segist reyna að skrifa
niður allar þær hugmyndir sem hún
fær og í janúar hefst undirbúningur
á sumri. „Ég þarf náttúrulega ekki
bara að búa til handrit, ég þarf líka
að búa til leikarana. Svo lendi ég í
vandræðum með alla þessa leikara
vegna þess að ég losna ekki við þá.
Þeir eru hérna alltaf með mér og
þeir safnast fyrir og ég er alveg að
springa út úr húsinu hjá mér. Það er
svo mikið af brúðum alls staðar en
litlu barnabörnin mín eru ógurlega
ánægð með ömmu sína.“
Viðhorf til brúðuleikhúss
gjörbreytt
Helga leggur mikið upp úr því
að börnin fari ánægð frá Brúðubíln-
um þar sem þetta er í flestum til-
fellum fyrsta leikhúsupplifun þeirra.
„Þau koma í vögnum að horfa. Það
er svo mikilvægt að kenna þeim rétt
hvernig leikhúsið er. Þetta er menn-
ingarstarf sem ég tek mjög hátíð-
lega. Mér finnst líka svolítið merki-
legt þegar ég lendi í því eins og um
daginn að roskinn maður, að mér
finnst, kom upp að mér og sagði;
Ohh, ég man hvað mér fannst gaman
þegar ég var lítill og ég var að koma
að sjá Brúðubílinn. Þá gat ég ekki
annað en brosað og hugsað, guð
minn góður, hvað er ég eiginlega
gömul?“ 33 ár er langur starfsaldur
og sérstaklega í skapandi barna-
starfi. „Mér finnst 33 ár alveg rosa-
lega merkileg tala. Til dæmis í sam-
bandi við Biblíuna. Davíð ríkti í 33
ár, Musteri Salomóns konungs stóð í
33 ár, Jesú varð 33 ára. Í Samfrí-
múrarareglunni eru 33 stig og
hrygglengjan okkar samanstendur
af 33 beinum. Þannig að það væri
mjög flott ef ég myndi bara hrökkva
upp af núna,“ segir Helga og hlær.
Helga segir að viðhorf til brúðu-
leikhúss sé gjörbreytt frá því hún
byrjaði og listgreinin orðin við-
urkennd á Íslandi sem hún var ekki.
Hún ítrekar þó að hún hafi alltaf
fundið fyrir velvild og að fólk hafi
borið virðingu fyrir starfi hennar.
„Reykjavíkurborg hefur til dæmis
alltaf hlúð að þessari starfsemi og
ekki viljað svíkja börnin um Brúðu-
bílinn. Ég er reyndar ekkert hissa á
því. Ég er svo þægileg og það er
aldrei neitt vesen á mér,“ segir
Helga hlæjandi. „Ég er bara svo
ánægð með að vera í samvistum við
börn og hafa það fyrir atvinnu að
skemmta, fræða og gleðja þau. Það
er dásamlegt.“
DAGLEGT LÍF 11
MORGUNBLAÐIÐ LAUGARDAGUR 1. JÚNÍ 2013
Hægt verður að kynna sér fiðraða
íbúa landsins á laugardag þegar
Fuglavernd býður áhugasömum í
skoðunarferðir með leiðsögn.
Hægt er að velja um tvær mismun-
andi ferðir, annars vegar um Vatns-
mýrina og í kringum Tjörnina og hins
vegar í Friðlandinu í Flóa.
Aron Leví mun leiða fólk um Vatns-
mýrina og verður lagt upp frá Nor-
ræna húsinu kl. 16. Hjálmar A. Jóns-
son mun leiða áhugasama um
Friðlandið í Flóa og er mæting þar við
fuglaskoðunarskýlið við bílastæðið í
Friðlandinu kl. 16:30.
Ókeypis er í báðar skoðunarferð-
irnar og allir velkomnir. Athygli er
hins vegar vakin á að gott er að mæta
vel skóaður, muna eftir sjónauka og
jafnvel handbók um fugla.
Nánari upplýsingar fást á heima-
síðu Fuglaverndar, www.fuglavernd.is
Skoðið fugla á laugardag
Ljósmynd/Helgi Skúlason
Svanir á Reykjavíkurtjörn Hægt verður að fræðast um fiðraða íbúa Vatns-
mýrarinnar, Tjarnarinnar og friðlandsins í Flóa með Fuglavernd um helgina.
Fuglavernd býður í fuglaskoðun
Sú var tíðin að brúður í þjóðbún-
ingum var að finna á fjöldamörgum
heimilum hér á landi og voru ófáir
sem söfnuðu slíkum kjörgripum.
Á laugardaginn kl. 14 opnar sýn-
ing á veglegu brúðusafni Helgu Ing-
ólfsdóttur, hannyrða- og listakonu, í
DUUS-húsum í Reykjanesbæ.
Um er að ræða fjölmargar ís-
lenskar þjóðbúningabrúður, sem
eiga það sameiginlegt að klæðnað
þeirra má rekja til íslenska þjóðbún-
ingsins í ýmsum myndum. Dúkk-
urnar spanna ríflega hálfrar aldar
tímabil og eru afar fjölbreytilegar.
Þær elstu eru frá því á miðri síð-
ustu öld en þær yngstu splunkunýj-
ar. Á meðal sýningargripa eru einnig
brúður sem Helga hefur sjálf unnið í
leir.
Ókeypir er inn á sýninguna og all-
ir velkomnir.
Sýningin „Móðir, kona, meyja“ opnuð
Brúður Þjóðlegt brúðusafn til sýnis.
Þjóðlega klæddar brúður til
sýnis í DUUS-húsum í sumar
Tvær frumsýningar verða á
Brúðutangó, annars vegar 6.
júní klukkan 14 í Hallargarð-
inum við Fríkirkjuveg og hins
vegar 7. júní klukkan 14 á Ár-
bæjarsafni. Brúðutangó er fyrri
sýning sumarsins. Sú seinni,
Hókus-Pókus, verður frumsýnd í
júlí.
Handrit og brúður eru í um-
sjón Helgu Steffensen og nýtur
hún aðstoðar Júlíönu Kristínar
Jónsdóttur við brúðustjórnun
og Jóns Geirfinnssonar við
tæknina. Sigrún Edda Björns-
dóttir leikstýrir báðum sýn-
ingum sumarsins líkt og hún
hefur gert síðastliðin 20 ár.
Frekari upplýsingar um komandi
sýningar má finna á brudubill-
inn.is
Kemur með
sumarið
BRÚÐUBÍLLINN FRUMSÝNIR
Eyþór Ingi Evróvisjónfari, hljómsveit-
irnar Leaves og Sísí Ey, Steini í
Hjálmum og fleiri til, verða í hópi
listamanna sem skemmta á Hertex
degi Hjálpræðishersins 2013, sem
fram fer í Herkastalanum, Kirkju-
stræti 2, í dag laugardag.
Dagskráin hefst með opnun fata-
og nytjamarkaðar kl. 11 í Herkast-
alanum, auk þess sem kaffi og með-
læti verða í boði.. Allur ágóði af
markaðnum rennur til stuðnings
hjálparstarfi Hersins, þ.e. til reksturs
Dagsetursins við Eyjaslóð, sem er at-
hvarf fyrir útigangs- og utangarðs-
fólk.
Klukkan 14 verður blásið til tón-
leika í Herkastalanum þar sem fyrr-
nefndar poppstjörnur og hljómsveitir,
auk fleiri til, stíga á svið.
Í tilkynningu segir að markmiðið
með Hertex-deginum er að skemmta
sér og öðrum, vekja athygli á og
virkja náungakærleikann.
Dagskráin stendur til klukkan 17
og eru allir velkomnir.
Eyþór Ingi syngur í Herkastalanum
Hreyfum okkur saman um allt
land í Kvennahlaupinu 8. júní
Sjóvá Kvennahlaup ÍSÍ er orðinn fastur hluti af lífi þúsunda kvenna.
Hlaupið er haldið á 90 stöðum víðs vegar um land og á 20 stöðum erlendis.
Í ár er hlaupið í samstarfi við styrktarfélagið Göngum saman, sem árlega veitir
myndarlega fjárstyrki til íslenskra grunnrannsókna á brjóstakrabbameini.
Sjá nánar á www.sjova.is
H
V
ÍT
A
H
Ú
S
IÐ
/
S
ÍA
-
1
3
-
1
1
5
5