Morgunblaðið - 01.06.2013, Qupperneq 23

FRÉTTIR 23Innlent
MORGUNBLAÐIÐ LAUGARDAGUR 1. JÚNÍ 2013
Helgi Bjarnason
helgi@mbl.is
„Fyrstu tveir mánuðirnir í skól-
anum voru erfiðir. Ég var með
orðabók að þýða námsefnið á nótt-
unni,“ segir Christina Mai sem fékk
viðurkenningu fyrir hæstu meðal-
einkunn við brautskráningu fyrstu
nemanna úr nýju heildstæðu námi í
reiðmennsku og reiðkennslu frá
Háskólanum á Hólum.
Þeir tveir nemar sem fengu
helstu viðurkenningar við athöfn-
ina eru erlendir. Christina Mai er
frá Þýskalandi. Carrie Lyons
Brandt, sem fékk hæstu aðal-
einkunn í reiðmennsku og þjálfun
og þar með verðlaunagripinn
Morgunblaðshnakkinn, er frá
Bandaríkjunum.
Carrie tekur undir orð Christinu
um að erfitt hafi verið að byrja
námið, þótt báðar hafi verið búnar
að undirbúa sig með vinnu með ís-
lenska hesta og að læra íslensku.
„Það tók tíma að ná að skilja allt í
tímunum en það kom frekar fljótt,
því það þurfti að koma,“ segir
Carrie. Hún segir að íslenskan sé
skemmtilegt tungumál. Þá segir
hún að það sé í raun nauðsynlegt að
kunna íslensku þegar unnið er með
íslenska hesta því það séu svo mörg
orð til í íslenskunni sem lýsi gang-
lagi og fleiru, sem enskan eigi ekki
orð yfir.
Nýja námið er þriggja ára há-
skólanám og lýkur með BS-prófi.
Carrie og Christina hafa lengi átt
sér þann draum að fara í Háskólann
á Hólum til að læra hestafræðin.
Christina bendir raunar á að á Hól-
um sé eini háskólinn í Evrópu sem
bjóði upp á nám til BS-prófs í reið-
mennsku og reiðkennslu. „Ég er
mjög stolt af samnemendum mín-
um, þeir eru frábærir félagar og
flinkir knapar. Ég er spennt yfir að
sjá hvað við getum gert fyrir ís-
lenska hestinn,“ segir Carrie.
Carrie er frá Kentucky-ríki. Hún
fékk ung áhuga á hrossum því ná-
granni fjölskyldunnar er reiðkenn-
ari. Hún segist hafa heimsótt hann
daglega og stundum fengið að fara
á bak stóru hestunum. „Pabbi vildi
kaupa barnahest fyrir mig. Einhver
mælti með íslenska hestinum og við
vorum svo heppin að búgarður með
íslenska hesta var í nágrenninu.
Við keyrðum þangað og þar tók
Guðmar Þór Pétursson á móti okk-
ur. Ég fór í tíma hjá honum og fjöl-
skyldunni,“ segir Carrie. Þar réðist
framtíðin. Hún fór síðar að vinna á
búgarðinum hjá Guðmari og var
tvö sumur á Íslandi til að læra
tungumálið og afla sér meiri
reynslu.
Christina Mai kom einnig til
landsins út af hestum. Hún er úr
sveit í nágrenni við Frankfurt og
fór á reiðskóla fjögurra ára. Hún
prófaði ýmis hestakyn en fannst ís-
lenski hesturinn langskemmtileg-
astur. Hún fékk fyrsta hestinn
þegar hún var tíu ára.
Vinna við hestamennsku
Christina hefur unnið á hesta-
búgarði Helgu Thoroddsen á Þing-
eyrum síðustu fimm ár og ætlar að
vera þar í sumar. „Ég vil vinna
meira með hesta og prófa mig
áfram, áður en ég fer í framhalds-
nám. Það er gott að vera hér og
Helga hefur hjálpað mér mikið,“
segir Christina.
Carrie er að flytja aftur vestur
um haf með hestana sína. Þar er
hún að stofna fyrirtæki og hyggst
taka að sér tamningar hesta, þjálf-
un og reiðkennslu. Stefnan er að
stofna reiðskóla og kynna íslenska
hestinn og þær tamningaaðferðir
sem notaðar eru.
Hún telur mikil tækifæri í þessu
starfi. „Bandaríkin eru stór og mik-
il keppni á milli hestakynja. Ég hef
trú á íslenska hestinum. Tel einnig
að reiðmennska okkar sé til fyrir-
myndar og hún er stöðugt að
þróast. Við erum eina fólkið í heim-
inum sem getur þjálfað og sýnt
hesta með fimm gangtegundum,“
segir Carrie.
Hestarnir hennar þrír fóru beint
í flug eftir brautskráninguna í gær
og hún fer á eftir þeim eftir
helgina.
Orðabókin mikið notuð í upphafi
 Erlendar hestakonur fengu viðurkenningar við brautskráningu úr reiðkennaranámi á Hólum
 Carrie Lyons Brandt fékk Morgunblaðshnakkinn og Christina Mai var með hæstu meðaleinkunn
Ljósmynd/Guðmundur Björn Eyþórsson
Reiðkennarar Þrettán nemendur brautskráðust með BS-próf í reiðmennsku og reiðkennslu frá Hólum. Carrie
Lyons Brandt, sem hlaut Morgunblaðshnakkinn, situr hest sinn. Við hlið hennar stendur Mette Manseth kennari, þá
Marteinn Njálsson tamningamaður, Víkingur Gunnarsson deildarstjóri og Erla Björk Örnólfsdóttir rektor.
SPORTLEGUR
SKANDINAVI
nJÓTTU LÍFSINS MEÐ vOLVO v40
- nú á enn betra verði
D2 dísil, 5 dyra, 115 hö, 6 gíra beinskiptur.
Fær frítt í stæði í 90 mínútur í senn í Reykjavík*.
Volvo V40 frá 4.790.000 kr.
Volvo V40 R-Design frá 5.180.000 kr.
Volvo V40
Volvo V40 D2, eldsneytisnotkun í blönduðum akstri 3,6 l/100 km, CO2 94 g/km. Volvo V40 D2 R-Design, eldsneytisnotkun í blönduðum akstri 3,8 l/100 km, CO2 99 g/km.
Brimborg og Volvo áskilja sér rétt til að breyta verði og búnaði án fyrirvara. Útbúnaður og gerð getur verið frábrugðin mynd í auglýsingu.
Brimborg Reykjavík: Bíldshöfða 6, sími 515 7000 I Brimborg Akureyri: Tryggvabraut 5, sími 515 7050 I volvo.is
*
komdu og skoðaðu Volvo v40 í brimborg í dag
Volvo V40 fæst sjálfskiptur
Opið virka daga kl. 9-17 og laugardaga kl. 12-16