Morgunblaðið - 01.06.2013, Side 28

28 FRÉTTIRInnlent
MORGUNBLAÐIÐ LAUGARDAGUR 1. JÚNÍ 2013
Tólf Íslendingar hafa fengið styrk úr
Minningarsjóði Önnu Claessen la
Cour til framhaldsnáms og rann-
sókna í Danmörku. Sjóðurinn var
stofnaður samkvæmt ákvæðum í
erfðaskrá Peders la Cour, eigin-
manns Önnu. Þetta er fyrsta úthlut-
un úr sjóðnum sem hefur aðsetur í
Kaupmannahöfn. Styrkirnir eru
veittir í dönskum krónum og eru í
heild rúmlega 3,2 milljónir ísl. kr.
Þau sem hljóta styrk eru Anna
María Toma (læknisfræði), Auður
Rún Jakobsdóttir (enska), Bjarni
Árnason (húsagerðarlist), Elísabet
Hugrún Georgsdóttir (húsagerðar-
list), Eva María Guðmundsdóttir
(umhverfislíffræði), Guðmundur J.
Guðmundsson (lögfræði/Evrópu-
réttur), Hlín Vala Aðalsteinsdóttir
(orku- og umhverfisverkfræði), Jón
Kolbeinn Jónsson (dýralækningar),
Kristrún Gunnarsdóttir (verkfræði/
hljóð- og hljómburðartækni), Sara
Hansen (læknisfræði) og Vilhjálmur
Leví Egilsson (líffræði/sjálfbærni).
Einnig hlaut dr. Guðni Th. Jóhann-
esson sagnfræðingur rannsóknar-
styrk til könnunar á bréfasöfnum og
öðrum gögnum í Danmörku.
Anna Claessen la Cour var stúd-
ent úr Menntaskólanum í Reykjavík.
Hún stundaði framhaldsnám i
tungumálum og þýðingarfræðum að-
allega í Danmörku. Þar átti hún síð-
an merkan starfsferil sem löggiltur
skjalaþýðandi með læknisfræðilegar
þýðingar sem sérgrein. Anna þýddi
m.a. á ensku fjölda doktorsritgerða í
læknisfræði, þ. á m. íslenskra lækna.
Styrkir til náms
í Danmörku
 Minningarsjóður Önnu Claessen la
Cour veitir námsstyrki í fyrsta skipti
Morgunblaðið/Ómar
Kaupmannahöfn Turninn á Vor
Frelsers Kirke er þekkt kennileiti.
Styrktarfélagið
Meðan fæturnir
bera mig, MFBM,
stendur fyrir ár-
legu víðavangs-
hlaupi í Öskju-
hlíð í dag, þar
sem safnað er
áheitum fyrir
langveik og/eða
fötluð börn.
Hlaupið fer nú
fram í annað sinn
og hefst kl. 12 frá Nauthólsvík.
Hlaupnir verða 5 km og í þetta sinn
verður safnað fé fyrir styrktarsjóð-
inn Blind börn á Íslandi. Hægt er að
hringja í styrktarsímanúmerin 901-
5001 (1.000 kr.), 901-5003 (3.000
kr.) og 901-5005 (5.000 kr.).
Einnig verður hlaupið til styrkt-
ar málstaðnum í dag í Neskaupstað
og á Siglufirði.
Þáttökugjald er 1.000 krónur en
nánari upplýsingar um hlaupið er
að finna á vefsíðunni mfbm.is, þar
sem skráning fer einnig fram.
Styrktarhlaup í
Öskjuhlíð í dag
Frá fyrsta hlaupi
MFBM árið 2011.
Anna Marsibil Clausen
annamarsy@mbl.is
Það verður seint hægt að segja að veður-
blíðan hafi leikið um Íslendinga það sem af
er sumri .Margir renna hýru auga til heitari
landa og láta sig dreyma um að dorma í sól-
inni.
Steinunn Tryggvadóttir, sölustjóri hjá Úr-
val Útsýn, er ein fárra sem ef til vill hefur
tilefni til að kætast í rigningunni en hún seg-
ist afar ánægð með sölu á sólarlandaferðum
þetta árið. „Við vorum með afar skemmtilega
sumarhátíð í síðustu viku með ýmsum uppá-
komum og það mættu um eittþúsund manns.
Veðrið var auðvitað ekki svo gott þannig að
við leigðum stórt tjald fyrir skemmtunina.
Sölumennirnir sátu hinsvegar inni á skrif-
stofu og það var staðið í biðröðum hjá þeim
allt fram í blálokin,“ segir Steinunn kampa-
kát.
„Við vorum meira á seinasta séns í fyrra,“
segir Steinunn. „Mynstrið er að breytast á
þann veg að fólk er fyrr á ferðinni með að
bóka. Langtíma-veðurspáin hér heima á víst
að vera slæm svo ef til vill er það þess vegna
sem fólk tekur ákvörðunina strax.“
Fjölskyldur fara í fríið
Steinunn segir að mikil aukning sé í pönt-
unum frá fjölskyldufólki. „Maður vonar að
þetta þýði að hagur þeirra sem verst fóru út
úr hruninu sé að vænkast,“ segir hún og
bætir við að með algengustu bókununum séu
ferðalög fyrir fimm manna fjölskyldur.
Tómas J. Gestsson, framkvæmdastjóri
Heimsferða, tekur í sama streng. „Eftir hrun
minnkaði fjölskyldumarkaðurinn sérstaklega
en frá hruni hefur verið um tuttugu prósenta
aukning hjá okkur árlega.“ Tómas segir sölu
síðasta árs hafa gengið framar vonum og að
salan í ár sé svipuð. „Sumarið lítur vel út og
það er mikið búið að seljast upp í júní,“ segir
Tómas. „Ég á ekki von á öðru en að salan
eigi áfram eftir að vera góð, sérstaklega í
ljósi veðurspárinnar.“
Ekki allar ferðaskrifstofur eiga sitt blóma-
tímabil með sólarlandaferðum sumarsins.
„Heimurinn býður upp á svo miklu meira en
að liggja á ströndinni,“ segir Jakob Óm-
arsson hjá ferðaskrifstofunni Kilroy sem sér-
hæfir sig í ævintýraferðum. Jakob segir
ágúst og september vera hápunkt ársins hjá
Kilroy. „Sumarið er frekar svolítil ládeyða
hjá okkur en ástæðan er auðvitað sú að það
er vetur á stöðum eins og Suður-Afríku og
Ástralíu,“ segir Jakob. „Við erum þó með
vörur eins ogmálaskóla í Evrópu, „roadtrip“
um Bandaríkin og brimbrettaskóla í Tælandi
og á Balí semnjóta vinsælda á sumrin.“
Helstu viðskiptavinir Kilroy er ungt fólk sem
tekur sér frí frá skóla til að sjá heiminn. Al-
gengt er að nýstúdentar og háskólanemar
nýti sumarið í að vinna sér inn skotsilfur og
taki svo námsfrí til að ferðast á vit ævintýr-
anna á haustin. Jakob tekur því úrkomu
sumarsins með jafnaðargeði og er sammála
því að líklega sé ekkert verra að vera bara
að vinna þegar sólin lætur lítið sjá sig.
Sóldýrkendur flýja íslenska sumarið
 Sala á sólarlandaferðum fer vel af stað  Fjölskyldufólk leggur land undir fót í auknum mæli
Í sól og sumaryl Í gluggaveðri sumarsins láta
margir hugann reika á heitari slóðir.
Sími 571 2000 | hreinirgardar.is
Garðsláttur
Láttu okkur sjá um
sláttinn í sumar