Morgunblaðið - 01.06.2013, Blaðsíða 63

MENNING 63
MORGUNBLAÐIÐ LAUGARDAGUR 1. JÚNÍ 2013
Boðaföll og Reki nefnist sýning á
verkum Dóru Kristínar Halldórs-
dóttur sem nú stendur yfir
í Kirsuberjatrénu/Herberginu, að
Vesturgötu 4 í Reykjavík. Dóra sýn-
ir vatnslitamyndir málaðar undir
sterkum áhrifum frá náttúrunni og
einnig lágmyndir og skúlptúra sem
hún vann í rekavið. „Hvert verk er
einstakt, búið til úr endurnýtanlegu
efni beint úr náttúrunni, slípað af
hafi, hlaðið orku og ratar til „réttra“
eigenda eftir langt ferðalag með
straumum sjávar,“ segir m.a. um
verkin í tilkynningu. Dóra lauk námi
frá Myndlista- og handíðaskóla Ís-
lands árið 1982, starfaði lengst af við
myndlistarkennslu en er starfandi
myndlistarmaður í dag. Þetta er sjö-
unda einkasýning hennar.
Boðaföll og Reki Dóru
Myndir Hluti vatnslitamyndar eftir Dóru Kristínu sem er á sýningunni.
Norðurljós – næturbirta norðursins nefnist sýning sem
opnuð verður í Minjasafninu á Akureyri í dag kl. 15. Sýn-
ingin samanstendur af ljósmyndum frá árinu 2013 og
málverkum frá 1899 eftir danska málarann Harald
Moltke. Hann var í hópi vísindamanna frá dönsku veð-
urstofunni sem komu gagngert til Akureyrar 1899 til að
rannsaka norðurljósin.
„Norðurljósaleiðangur vísindamanna dönsku Veður-
fræðistofunnar 1899-1900 til Akureyrar hefur legið í
gleymskunnar dái áratugum saman. Fæstir hafa heyrt
minnst á danska norðurljósaleiðangurinn, rannsóknar-
húsið Auroru, sem reist var á höfðanum þar sem nú er
Kirkjugarður Akureyrar, eða „Höllina“ sem byggð var á
Súlutindi í 4.000 feta hæð,“ segir m.a. í tilkynningu frá
Minjasafninu á Akureyri.
Þar kemur einnig fram að einn af veigameiri þáttum
leiðangursins hafi verið í höndum danska málarans Har-
ald Viggo Moltke. „Hlutverk hans var að fanga töfra
norðurljósanna með pensli, náttúrufyrirbrigði sem hann
hafði aldrei séð og enginn hafði áður málað. Hann skiss-
aði hreyfingar þeirra, stærð og litbrigði á nóttunni. Á
morgnana sat hann á vinnustofunni í Auroru þar sem
næturbirta norðursins lifnaði við á striganum. Málverk
hans vöktu verðskuldaða athygli á sínum tíma og voru
sýnd í Kaupmannahöfn og í París aldamótaárið 1900.“
Á sýningunni kallast málverk Moltke frá 1899 á við
ljósmyndir Gísla Kristinssonar, áhugaljósmyndara frá
Ólafsfirði. „Þótt 114 ár skilji listamennina að eiga þeir
það sameiginlegt að nálgast myndefnið af vísindalegri
nákvæmni og gæða norðurljósin lífi, Moltke með olíu-
litum, Gísli í gegnum linsu myndavélarinnar,“ segir í til-
kynningu og þar er bent á að Gísli hafi nýtt sér norður-
ljósaspár Veðurstofu Íslands til að eltast við næturbirtu
norðursins. Rétt er að geta þess að sýningin er unnin í
samstarfi við DMI, dönsku veðurstofuna, og Peter
Stauning sem gaf út bók um leiðangurinn árið 2011.
Í tengslum við sýninguna verður boðið upp á svo-
nefnda norðurljósavinnustofu barnanna. Þar gefst börn-
um á öllum aldri tækifæri til að lita, skissa eða leika sér
með norðurljósin sér til skemmtunar. Um leið geta þau
ímyndað sér hvernig það er að reyna að fanga þau að
kvöldi og mála að morgni með nákvæmum hætti, líkt og
Moltke gerði á sínum tíma.
Helgi Jóhannsson, konsúll Danmerkur, opnar sýn-
inguna með stuttu ávarpi og afhendir Minjasafninu á Ak-
ureyri gjöf frá Dönsku veðurfræðistofnuninni.
Töfrar norðurljósanna
fangaðir með pensli
Ljósadýrð Málverk eftir Harald Viggo Moltke frá 1899
sem sýnir norðurljós yfir rannsóknarhúsinu Auroru.
 114 ár skilja að ljósmyndir
og málverk af norðurljósum í
Minjasafni Akureyrar
Í dag hefst sumaropnun á Leik-
fangasýningunni í Friðbjarnarhúsi,
Aðalstræti 46, á Akureyri. Á sýn-
ingunni má sjá hundruð leikfanga
frá síðustu öld en í sumar eru þrjú
ár liðin frá því sýningin var opnuð
fyrst í húsinu. Ýmsar sérsýningar
hafa verið haldnar þar, m.a. á tré-
leikföngum sem framleidd voru hjá
Leikfangagerð Akureyrar og Leifs-
leikföngum á árunum 1931-1960.
Sýningin verður opin alla daga í
sumar kl. 13-17.
Leikföng
á sýningu
Sýningargripir Leikfangasýningin í
Friðbjarnarhúsi verður opnuð í dag.
Útgáfan Bed-
room Comm-
unity hefur sent
frá sér fyrsta
mynddiskinn,
tvöfaldan DVD-
pakka sem inni-
heldur heimild-
armyndina Eve-
rything Every-
where All The
Time, tónleika-
myndina The Whale Watching Tour
og upptöku af tónleikum Daníels
Bjarnasonar með hljómsveit. Eve-
rything Everywhere All The Time
var frumsýnd á RIFF 2011 og síðar
sýnd m.a. á Airwaves, CPH:DOX og
Air d’Islande. Í myndinni er fylgst
með nokkrum listamönnum útgáf-
unnar þegar þeir héldu í tónleika-
ferðalagið Whale Watching Tour
2010. The Whale Watching Tour
inniheldur lokahnykk tónleika-
ferðalagsins, tónleika fyrir fullu
húsi í Þjóðleikhúsinu á Listahátíð.
Tvöfaldur
DVD-pakki
Daníel
Bjarnason
Hjálpræðisher-
inn stendur fyrir
svonefndum
„Hertex-degi
2013“ í dag milli
kl. 11-17. Dag-
skráin hefst með
opnun fata- og
nytjamarkaðar
kl. 11 í Herkast-
alanum að
Kirkjustræti 2
þar sem einnig verður boðið upp á
kaffi og meðlæti. Kl. 14 stíga popp-
stjörnur og hljómsveitir á svið, en
þeirra á meðal eru Eyþór Ingi, Lea-
ves, Dorthea Dam, Sísý Ey og Steini
í Hjálmum. Tilgangurinn með dag-
skránni er að „skemmta sér og öðr-
um, vekja athygli á og virkja
náungakærleika,“ segir í tilkynn-
ingu. Með sölumarkaðnum er ætl-
unin að afla fjár til reksturs dagset-
urs sem Hjálpræðisherinn rekur á
Eyjaslóð og er athvarf fyrir úti-
gangsfólk.
Hertex-dag-
urinn 2013
Eyþór
Ingi
ÓKEYPIS AÐGANGUR
HÁDEGISTÓNLEIKAR
Í NORÐURLJÓSUM, HÖRPU
ÞRIÐJUDAGINN 4. JÚNÍ KL.12:15
BYLGJA DÍS GUNNARSDÓTTIR, SÓPRAN
JÓHANN SMÁRI SÆVARSSON, BARITÓN
ANTONÍA HEVESI, PÍANÓ
TOSCA OG
ONÉGIN
Hverfisgötu 19 551 1200 leikhusid.is midasala@leikhusid.is
VIÐ SÝNUM TILFINNINGAR
Englar alheimsins (Stóra sviðið)
Lau 1/6 kl. 19:30 Lau 8/6 kl. 19:30 Fös 14/6 kl. 19:30
Sun 2/6 kl. 19:30 Sun 9/6 kl. 19:30 Lau 15/6 kl. 19:30
Fös 7/6 kl. 19:30 Fim 13/6 kl. 19:30
"Fullkomin útfærsla á skáldsögunni" SÁS Fréttablaðið
Dýrin í Hálsaskógi (Stóra sviðið)
Sun 2/6 kl. 14:00 Sun 1/9 kl. 14:00 Aukas.
Sun 9/6 kl. 14:00 Sun 8/9 kl. 14:00 Aukas.
Síðustu sýningar!
Kvennafræðarinn (Kassinn)
Lau 1/6 kl. 19:30 Fim 6/6 kl. 19:30 Lau 8/6 kl. 19:30
Brjálæðislega góð sýning!
Karíus og Baktus (Kúlan)
Lau 1/6 kl. 13:30 Lau 1/6 kl. 15:00
Karíus og Baktus skella sér í sumarfrí og koma aftur í haust!
Patch Adams - fyrirlestur (Stóra sviðið)
Fim 6/6 kl. 19:30
Stöngin inn! (Stóra sviðið)
Sun 16/6 kl. 19:30
Leikfélag Fjallabyggðar sýnir áhugaverðustu áhugasýningu ársins!
Mary Poppins (Stóra sviðið)
Lau 1/6 kl. 13:00 Sun 9/6 kl. 13:00 Lau 14/9 kl. 19:00 ný sýn.
Sun 2/6 kl. 13:00 aukas Fös 6/9 kl. 19:00 ný sýn. Sun 15/9 kl. 15:00 ný sýn.
Mið 5/6 kl. 19:00 aukas Lau 7/9 kl. 19:00 ný sýn. Fim 19/9 kl. 19:00 ný sýn.
Fim 6/6 kl. 19:00 Sun 8/9 kl. 15:00 ný sýn. Fös 20/9 kl. 19:00 ný sýn.
Fös 7/6 kl. 19:00 Fim 12/9 kl. 19:00 ný sýn. Lau 21/9 kl. 19:00 ný sýn.
Lau 8/6 kl. 19:00 Fös 13/9 kl. 19:00 ný sýn.
Einn vinsælasti söngleikur heims, loks á Íslandi. Nýjar sýningar komnar í sölu!
Gullregn (Stóra sviðið)
Þri 11/6 kl. 20:00 aukas. Fim 13/6 kl. 20:00 Lau 15/6 kl. 20:00 lokas
Mið 12/6 kl. 20:00 Fös 14/6 kl. 20:00
Frumraun Ragnars Bragasonar í leikhúsi. Allra síðustu sýningar.
Mýs og menn (Stóra sviðið)
Sun 9/6 kl. 20:00 lokas
Meistaraverkið eftir John Steinbeck.
Núna! (Litla sviðið)
Þri 4/6 kl. 20:00 lokas
Þrjú ný íslensk verk eftir ung og öflug leikskáld í einni sýningu.
Circus Cirkör: Wear it like a crown (Stóra sviðið)
Fim 4/7 kl. 20:00 Lau 6/7 kl. 20:00 Mán 8/7 kl. 20:00
Fös 5/7 kl. 20:00 Sun 7/7 kl. 20:00 Þri 9/7 kl. 20:00
Í samstarfi við Norræna húsið. Meginsýning Volcano sirkushátíðarinnar.
Tengdó (Litla sviðið)
Lau 1/6 kl. 20:00 Sun 2/6 kl. 20:00 Fös 7/6 kl. 20:00 lokas
Grímusýning síðasta leikárs. Allra síðustu sýningar.
Miðasala | 568 8000 | borgarleikhus.is
Gullregn – allt að seljast upp!