Morgunblaðið - 21.03.2014, Qupperneq 66

66
MORGUNBLAÐIÐ FÖSTUDAGUR 21. MARS 2014
BÍLASÝNING GENF 2014
Njáll Gunnlaugsson
njall@mbl.is
Opel Astra OPC Extreme er bíll
sem var hannaður fyrir norð-
urslaufuna á Nurburg-hringnum
segja hönnuðir Opel og það er al-
veg satt, því að hann er að mestu
leyti byggður á Astra OPC
Cup-keppnisbílnum. Hvort hann fer
í framleiðslu og reyni við metið er
enn óvíst en Opel taldi allavega
ástæðu til að frumsýna bílinn í Genf
sem gefur ákveðna vísbendingu.
Hann mun þó þurfa að etja kappi
við hraðskreiðasta framhjóladrifna
bílinn á Nurburgring sem er hinn
nýi Seat Leon Cupra 280 og einnig
nýjan Honda Civic Type R.
OPC Extreme ætti að vera til
alls líklegur miðað við hvað sett
hefur verið í hönnun þessa bíls.
Hann er meira en 100 kílóum létt-
ari en venjulegur Astra OPC og
mun kraftmeiri. Tveggja lítra for-
þjöppuvélin mun skila meira en 300
hestöflum að sögn Opelmanna. Allt
í hönnun hans minnir meira á
keppnisbíl, eins og veltibúr og
koltrefjar í hlutum eins og vélarhlíf,
afturvæng, vindskeiðum undir bíln-
um, þaki, felgum og innri hlutum
yfirbyggingar. Bara kol-
trefjafelgurnar spara 20 kíló miðað
við álfelgur. Þakið er aðeins 2,6 kíló
að þyngd og frambretti aðeins 800
grömm, í stað 2,2 kíló sem stál-
bretti í Astra OPC er að þyngd.
www.carscoops.com
Óargadýr Opel Astra OPC Extreme er hreinræktaður keppnisbíll fyrir götuna sem þýðir að hann er löglegur í umferð en uppfyllir einnig allar þær öryggiskröfur sem gerðar eru til keppnisbíla.
Slær OPC Extreme
metið á norður-
slaufunni?
 Opel Astra OPC Extreme er léttari,
öflugri og vægast sagt til alls líklegur
Raketta Slær OPC Extreme metið á norðurslaufunni? Afturvængurinn er eins og stél á orrustuflugvél, búinn til úr
koltrefjum eins og margt í bílnum, þar með taldar felgurnar. Bíllinn er mun öflugri og léttari en Astra alla jafna.
Malín Brand
malin@mbl.is
Tékkarnir hjá Škoda mættu með
látum á bílasýninguna í Genf og
hristi framleiðandinn hvert tromp-
ið á fætur öðru fram úr erminni.
Tromp trompanna var án efa „sá
græni“ og vakti hann mikla athygli
gesta. Um er að ræða hug-
myndabílinn Škoda VisionC sem
áætlað er að komi á markað árið
2016. Með þeim bíl segist framleið-
andinn hafa fært sig upp á næsta
þrep í hönnun og hugsun.
Ameríkumarkaðurinn næstur?
Um fimm dyra coupé er að ræða
og hönnunin er með því djarfara
sem framleiðandinn hefur farið út
í og að sögn sölu- og markaðs-
stjóra Škoda, Werner Eichhorn,
hefur framleiðandinn lagt aukna
áherslu á tækni, hönnun og það að
halda á lofti alþjóðlegu merki. Ef
til vill er þetta „muscle car“ útlit
til þess fallið að herja á Ameríku-
markað og þar með sé alþjóðlegi
björninn unninn? Hann segir enn-
fremur að bílarnir séu að verða
meira áberandi og séu knúnir
áfram af tilfinningum. Hann út-
skýrði ekki frekar hvað átt var við
með því síðasta en eflaust vísar
hann til þeirra áhrifa sem útlit
bílanna hefur á mannfólkið. Hver
kannast ekki við það að hjartað
fari á fullt við að sjá undurfagran
bíl?
Jarðgasið nýtt
Bíllinn á sennilega að höfða til
umhverfisvitundar kaupenda líka.
Hann er rúmgóður og er búinn ný-
stárlegri drifrás sem notar jarðgas
sem eldsneyti auk þess sem hann
getur gengið á venjulegu eldsneyti.
Þrátt fyrir kraftalegt útlitið er
ekki gott að segja hvort það sem
er undir vélarhlífinni líkist villidýri
á nokkurn hátt. Hann verður með
1,4 l. vél sem skilar 109 hestöflum.
Bíllinn minnir allverulega á Audi
A7 í útliti en eftir sem áður segir
Eichhorn, sölu- og markaðs-
stjórinn, að í VisionC kristallist að
framleiðandinn sé óhræddur við
nýjungar og þori að sýna hvað í
honum búi. Þetta sé það sem koma
skuli í framtíðinni.
Línur framtíðarinnar lagðar
Djarfar og framsæknar nýjungar hjá ŠKODA sem buðu gestum forsmekk af framtíðinni
AFP
Framtíðin Winfried Vahland, stjórnarformaður Skoda Auto, kynnir hinn nýja Skoda Vision C Concept á bílasýningunni í Genf. Að sögn fyrirtækisins er hér kominn forsmekkur að framtíðinni.