Morgunblaðið - 21.03.2014, Page 82

82 DÆGRADVÖL
MORGUNBLAÐIÐ FÖSTUDAGUR 21. MARS 2014
Stjörnuspá
21. mars - 19. apríl 
Hrútur Það er bjart útlit fyrir rómantíkina
um þessar mundir. Ekki búast við göfuglyndi
af einhverjum sem hefur aldrei sýnt það áð-
ur. Nú er tíminn til þess að ná sér aftur á rétt
strik.
20. apríl - 20. maí 
Naut Þú kannt að meta mótsagnir í öðru
fólki en þú leyfir þér vanalega ekki að segja
eitt en gera annað. Sameiginleg fjármál
koma til álita. Líttu á björtu hliðarnar, það er
alltaf eitthvað skondið við alla hluti.
21. maí - 20. júní 
Tvíburar Reyndu að vera jákvæð/ur gagn-
vart breytingum. Farðu á námskeið ef þú get-
ur ekki breytt þessu á eigin spýtur en þú get-
ur allt sem þú hefur trú á.
21. júní - 22. júlí 
Krabbi Atburðarásin mun taka öll völd úr
höndum þér ef þú ekki stingur við fótum og
nærð stjórn á hlutunum. Best væri að hafa
tíma til að njóta alls þessa!
23. júlí - 22. ágúst 
Ljón Þú gefur ímyndunarafli þínu lausan
tauminn og bæði týnist og finnst. Hugsaðu
stórt en byrjaðu smátt og umfram allt skipu-
leggðu tímann eins vel og þú getur.
23. ágúst - 22. sept. 
Meyja Nú er rétti tíminn til að komast í ný
sambönd eða gera nýja samninga. Reyndu
að standa meira á eigin fótum því þá verður
þú sáttari við útkomuna.
23. sept. - 22. okt. 
Vog Óttinn er ekki óvinur, hann er bara skila-
boð eins og þjófavörn sem kviknar á við
minnsta áreiti. Komdu þér út slíkri klípu með
lipurð og festu.
23. okt. - 21. nóv.
Sporðdreki Þú ert á góðri leið með að taka
til í þínum eigin garði. Vanmettu ekki þá lífs-
fyllingu sem það veitir að hjálpa öðrum.
22. nóv. - 21. des.

Bogmaður Þig langar til þess að kaupa eitt-
hvað fallegt handa þér eða einhverjum ná-
komnum. Hvað sem því líður þarftu að sýna
nánum vinum þolinmæði.
22. des. - 19. janúar 
Steingeit Gefstu ekki upp þótt á móti blási.
Leggðu þig fram um það því annars átt þú á
hættu að mistakast. Framundan er þó tími
endurbóta sem ganga vel.
20. jan. - 18. febr. 
Vatnsberi Þú ert fús til að leggja meiri
áherslu á gæði en flestir, sérstaklega í mat
og drykk. Vertu óhrædd/ur við djarfar lausn-
ir.
19. feb. - 20. mars

Fiskar Ef þú heldur rétt á spöðunum ætti þér
að takast flest það sem þú vilt leggja áherslu
á. Ef þú heldur áfram að njóta litlu hlutanna,
færðu senn forsmekkinn af meiri velgengni.
Jón Gissurarson yrkir gjarnanum veðrið, enda segir hann það
fjölbreytt viðfangsefni. Nú kastar
hann fram hringhendu:
Klakaþilja krenkir börð
kraft úr vilja setur.
Yfir kyljar okkar jörð
árans bylja vetur.
Þá er nú heldur betra við Eyja-
fjörð, að sögn Davíðs Hjálmars
Haraldssonar:
Leikur mý um loftið blátt,
lóur bía um haga.
Æ og sí er sunnanátt
sólarhlý um daga.
Hólmfríði Bjartmarsdóttur, Fíu á
Sandi, þykir lítið til koma og sendir
Jóni kveðju:
Hvað ertu að kvarta þó
kólni og gráni jörð.
Aldrei setur alvöru snjó
ofan í Skagafjörð.
Hal Oskarsson kastar fram á
Boðnarmiði:
Ég um sól og sumar bið
og sunnanþey af fjöllum,
til að viðra vonleysið
sem virðist búa í öllum.
Hallmundur Kristinsson bregður
á leik í limru:
Ölið úr bikarnum bergðist.
Blikandi stjörnufans mergðist.
Vonin var hreyfð
og viskukorn deyfð,
uns vitundin smám saman hvergðist.
Kerlingin á Skólavörðuholtinu
fær ekki orða bundist:
Ég er einföld og auðtrúa sál,
ögn fyrir tildur og prjál,
ég er þægilegt fljóð,
þýðlynd og góð
en þoli ekki Árna Pál.
Hreinn Guðvarðarson er fljótur
að bregðast við.
Eg kvartið í kerlingum þekki
og kannast við skoðana hlekki
Ef þinni einföldu sál
líkar ekki við Pál
þá segðu mér, af hverju ekki?
Kerlingin svaraði að bragði:
Viðmót hans veldur mér bræði,
vindgangi, skjálfta og mæði,
þetta hefur gerst
en ég þoli einna verst
tilvist hans, orðbragð og æði.
En Hreinn lét sér fátt um finnast:
Þín ástæða all-sýnist-nokkur.
Þó er þetta heilmikill skrokkur.
Mér virðist hann klár
margt vit’upp á hár.
En svon er margt ólíkt með okkur.
Pétur Blöndal
p.blondal@gmail.com
Vísnahorn
Af veðrinu, vonleysi
og kerlingunni
Í klípu
„HANN KEMUR FLJÓTLEGA AFTUR.
DRENGURINN SKRAPP ÚT AÐ GRÍPA
NOKKRA RÖNTGENGEISLA.“
eftir Mike Baldwin eftir Jim Unger
„VIL ÉG HVAÐ?!“
Hermann
Ferdinand
Hrólfur hræðilegi
Grettir
KODDA, TAKK.
SAGT ER: „SNEMMA Í HÁTTINN
OG SNEMMA Á FÆTUR,
GERIR MENN HRAUSTA,
RÍKA OG GÁFAÐA.“
EN ÉG ER REIÐUBÚINN
AÐ TAKA ÁHÆTTUNA.
...tvö elskandi hjörtu.
Víkverji var á báðum áttum eftirfótboltaleiki helgarinnar. Eða,
kannski ekki beint á báðum áttum.
Víkverji var nefnilega farinn að
halda með Manchester United áður
en Ferguson tók við sjoppunni. Og
man því tímana tvenna. Víkverji
var því lengst af sammála þeirri
skoðun að núverandi þjálfari liðsins,
David Moyes, ætti að fá góðan tíma
til þess að snúa við gengi liðsins.
x x x
En svo kom tapið gegn Liverpool.Víkverja sveið þar ekki að liðið
hefði tapað verðskuldað þrjú-núll,
eða það að leikurinn hefði getað
farið miklu verr, heldur þótti hon-
um það langverst að það var aug-
ljóst að á bak við þetta United-lið
var ekkert hungur, ekkert hjarta,
heldur bara ellefu einstaklingar
sem hefðu alveg eins getað setið
heima hjá sér, því að ekki mættu
þeir til leiks. Nágranni Víkverja á
efri hæðinni er vanur því að gleðj-
ast mikið þegar United gengur illa.
Á sunnudaginn hló hann og hló.
Þangað til undir lok leiksins að
hann var augljóslega farinn að vor-
kenna United-mönnum, því að hann
fagnaði ekki einu sinni þriðja marki
sinna manna.
x x x
Við svo búið gat Víkverji ekki un-að lengur. Þegar United lék
næst, við Olympiakos á miðviku-
daginn, var Víkverji því kominn á
þá skoðun að það væri eiginlega
betra ef liðið fengi stóran og ljótan
skell, þannig að ekki yrði hjá því
komist að reka Moyes eftir leikinn.
Eitt skref til baka til að taka tvö
áfram síðar og allt það.
x x x
Svo kom leikurinn. Og allt í einubirtist gamla góða Manchester
United, með gamla og ennþá góða
Ryan Giggs í fararbroddi. Og viti
menn, liðið náði 3-0 sigri og komst
áfram, þvert á allar væntingar. Vík-
verji verður hins vegar að viður-
kenna það, að miðað við þær „von-
ir“ sem hann hafði alið í brjósti
fyrir leikinn, þótti honum það mjög
skrítið að fagna þriðja markinu.
Enda hefur Víkverji aldrei upplifað
það áður að vinnufélagar sínir hafi
„samhryggst“ sér eftir sigurleik.
víkverji@mbl.is
Víkverji
Þitt orð er lampi fóta minna og ljós
á vegum mínum. (Sálmarnir 119:105)