Frjáls verslun - 01.01.2012, Blaðsíða 85

FRJÁLS VERSLUN 1TBL. 2012 85
1. Meðalvöxtur í komum erlendra ferðamanna frá árinu 2005 hefur verið 7% á ári.
2. Árið 2011 var besta ár í íslenskri ferðaþjónustu frá upphafi.
3. Útflutningstekjur af ferðaþjónustu voru líklegast í kringum 90 milljarðar á síðasta ári.
4. Ferðamönnum til Íslands fjölgaði á árunum 2000 til 2011 um 85%.
Á sama tíma fjölgaði ferðamönnum um 45% í heiminum öllum og 35% í Evrópu.
5. Samanlögð fjárfesting í ferðaþjónustu hefur minnkað jafnt og þétt frá árinu 2006.
6. Mikilvægt er að draga að erlenda ferðamenn utan háannatímans.
7. Á síðasta ári komu 600 þúsund erlendir ferðamenn til Íslands og þeim fjölgar stöðugt.
Fjölgun erlendra ráðstefna á veturna, vorin og haustin er mikilvæg.
8. Viljum við fá yfir eina milljón erlendra ferðamanna til landsins?
9. Er vegakerfið á Íslandi tilbúið til að taka yfir eina milljón ferðamanna til landsins?
10. Íslenska náttúran er það sem togar erlenda ferðamenn til landsins.
En náttúran selur ekki landið; það gera hins vegar fyrirtæki í ferðaþjónustu.
11. Meðalneysla hvers erlends ferðamanns í krónum á föstu gengi hefur aukist verulega á undanförnum árum.
Við veikingu krónunnar jókst kaupmáttur útlendinga hér á landi verulega.
12. Rekstrarumhverfi íslenskrar ferðaþjónustu hefur breyst mjög til batnaðar eftir hrun og
EBITDAN aukist um 80% samkvæmt Landsbankanum.
Heimildir: M.a. rit Landsbankans um þróun ferðaþjónustu á Íslandi.