Frjáls verslun - 01.01.2012, Blaðsíða 63

FRJÁLS VERSLUN 1TBL. 2012 63
svo einhverjir eiginleikar séu
þeim sameiginlegir. Í bókinni
fjallar Sigurður á aðgengilegan
hátt um nokkrar ólíkar tegundir
leiðtoga og varpar skýru ljósi á
hvað greinir þessar ólíku gerðir
að.
náðarleiðtoginn
Alþjóðaleiðtoginn sem tekst á
við ólíka menningarheima
1. Ósvikni leiðtoginn
2. Þjónandi leiðtoginn
3. Siðferðilegi leiðtoginn
Afar áhugavert er að lesa um
þessar ólíku tegundir leiðtoga
og máta þá leiðtoga sem maður
þekkir við lýsingarnar, já og
auðvitað mann sjálfan og efla
þannig sjálfsskilning og forystu­
hæfni enn frekar.
siðferðilegi leiðtoginn
Einn allra áhugaverðasti kafli
bókarinnar er kaflinn um sið ­
ferði og forystu. Höfundur
bendir á að ekki eru mörg ár
síðan farið var að beina kast ­
ljósinu að viðskiptasiðferði og
enn styttra síðan farið var að
rannsaka siðferði í tengslum
við forystu. Í ljósi endurtekinna
atburða undanfarin ár þar sem
vafasamt framferði leiðtoga
hefur leitt til alvarlegra atburða
má spyrja sig hvort þetta svið
leiðtogafræðanna um siðferði
hafi sprottið upp af þörf.
Hneykslismál eins og Enron­
málið í Bandaríkjunum eru mál
sem tengjast vafasömu fram­
ferði leiðtoga fyrirtækisins. Ein­
hverjir velta líka fyrir sér hvort
vafasamt framferði leiðtoga
fjármálafyrirtækja hafi orsakað
íslenska efnahagshrunið árið
2008. Eitt er víst að umræðan
um viðskiptasiðferði og siðferði
leiðtoga er komin til að vera og
gefur rannsóknum og kenning­
um leiðtogafræðanna enn meiri
dýpt.
Útgáfu bókar eins og þessarar
ber að fagna. Alltof lítið er skrif­
að um leiðtogafræði á íslensku
þó svo íslenskt háskólasamfé­
lag hafi innanborðs sérfræðinga
á sviði stjórnunar sem ég leyfi
mér að segja að séu á heims­
mælikvarða. Bókin er skyldu­
eign þeirra sem vilja dýpka
skilning sinn á þessu viðamikla
hlutverki, hvort sem þeir eru
reyndir leiðtogar, að stíga sín
fyrstu spor eða ganga með
þann draum í maganum að
verða leiðtogar. Ekki má gleyma
því að öll erum við leiðtogar á
ein hverjum sviðum þó svo við
séum ekki leiðtogar í skilningi
viðskiptanna. Því má segja að
allir geti fundið í bókinni eitt­
hvað sem eflir skilning þeirra á
því hlutverki að vera í forystu.
bækUr
Einn grísku speking-
anna mælti hin fleygu
orð „þekktu sjálfan
þig“. Sú speki á ekki
síst við um leiðtoga
en afar mikilvægt
er að þeir þekki
sjálfa sig. Bókin gefur
lesand anum mörg
góð tækifæri til að
kynn ast sjálfum sér
með Hugarfóðri og
Verkefn um í lok hvers
kafla.
Sigurður Ragnarsson gaf nýlega út bókina Forysta og samskipti.
Leiðtogar sem hrífa fólk búa
yfir ferns konar eiginleikum:
Þeir geta sýnt veikleika sinn með
viðeigandi hætti.
Þeir geta skynjað umhverfi sitt og
túlkað það.
Þeir sýna fylgjendum skilning og
ákveðna samúð, en gera það samt
af staðfestu.
Þeir þora að vera öðruvísi og nýta
sér það.
Að hrífa fólk
Karisma­leiðtogamennska
Úr bókinni:
Samkvæmt kenningu House hefur karisma­leiðtogamennska ákveðin
áhrif á fylgjendur og meðal annars með eftirfarandi hætti:
• Fylgjendur leggja traust á hugmyndafræði leiðtoga.
• Fylgjendur hafa svipaðar skoðanir og leiðtogi.
• Fylgjendur eru algerlega samþykkir leiðtoga og eru sáttir við hann.
• Fylgjendur hrífast af leiðtoga og bera hlýjan hug til hans.
• Fylgjendur sýna leiðtoga hlýðni.
• Fylgjendum finnst þeir eiga samleið með leiðtoga og samsama
sig honum.
• Fylgjendur taka þátt í markmiðum leiðtoga með tilfinninga­
legum hætti.
• Fylgjendur eru reiðubúnir að fylgja meira krefjandi markmiðum
og þeir öðlast meiri trú á að þeir geti náð markmiðunum.