Frjáls verslun - 01.01.2012, Blaðsíða 50

50 FRJÁLS VERSLUN 1. TBL. 2012
„Við teljum að jákvæð ímynd fáist með
því að láta verkin tala en ekki með ein­
hverri auglýsingaherferð. Ég held að margir
fari flatt á því að reyna að skapa ímynd í
gegnum einhverja stýrða umfjöllun. Maður
skapar ímyndina á löngum tíma og mest
með því að haga sér vel við þá sem vinna
þar, með því að huga að þeim sem eiga
fyrirtækið, þjóna viðskiptavinum vel og með
því að fylgja lögum og reglum. Maður þarf
að haga sér vel í því samfélagi sem maður
er í,“ sagði Jón Sigurðsson.
Það er greinilegt að eftir hrunið eru fyrirtæki
sem selja útlendingum vörur og þjónustu í
mikl um metum meðal landsmanna. Marel og
Icelandair eru svo til jöfn í öðru og þriðja sæti.
Bónus var fyrir hrun það fyrirtæki sem
flestir landsmenn nefndu þegar spurt var um
fyrirtæki sem menn hefðu jákvætt viðhorf til. Í
þetta sinn lenti Bónus í fjórða sæti með álíka
marga jákvæða og í fyrra.
Bónus er langsigursælasta fyrirtækið í
þess ari könnun frá upphafi og ekkert fyrirtæ­
ki hefur skorað jafnhátt í þessari könnun.
Í ársbyrjun 2008 nefndu 33% landsmanna
Bónus sem eitt af sínum uppháhaldsfyrir tækj­
um. Nú voru það tæplega 8%. Um 5% nefndu
að þeir hefðu neikvætt viðhorf til Bónuss.
Bónus nýtur mestra vinsælda á matvöru­
markaðnum en munurinn er minni en var
áður. Bónus fær núna 7,9% fylgi, Fjarðar­
kaup 4,5%, Krónan 4,5% og Nettó 2,1.
Krónan og Nettó hafa bæði verið að auka
við sig fylgi í þessari könnun.
Frjáls verslun spurði Guðmund Marteins­
son, framkvæmdastjóra Bónuss, í fyrra
um könnunina og svaraði hann því til að
vinsældirnar stöfuðu af lágu vöruverði.
„Vin sældir okkar hafa í gegnum tíðina
byggst á lágu vöruverði og af því við seljum
á sama verði í öllum okkar verslunum um
land allt,“ sagði Guðmundur. „Það er skýr
verðstefna og frábært starfsfólk sem hefur
komið Bónus þangað sem það er.“
Guð mundur tók jafnframt fram að línan
væri fín þegar lítið er lagt á. „Þetta er harður
bransi og það er mikið fyrir þessu haft. Við
vinnum mikið og leggjum mikið á okkur fyrir
viðskiptavini okkar, sem eiga það sannarle­
ga skilið,“ sagði Guðmundur.
Skoðanakönnunin var gerð dagana 14.­16.
febrúar. Alls svöruðu 606 spurningunum:
„Vildir þú nefna 1 til 3 íslensk fyrirtæki sem
þú hefur jákvætt viðhorf til“ og „vildir þú
nefna 1 til 2 íslensk fyrirtæki sem þú hefur
neikvætt viðhorf til“.
Oftast eru miklu færri sem nefna fyrir tæki
sem þeir hafa neikvætt viðhorf til en jákvætt.
Þetta breyttist árið 2009. „Bankarnir“ voru
óvinsælastir og rétt tæplega 20% aðspurðra
sögðust neikvæð í þeirra garð. Athyglisvert
er að svo margir skuli enn vera neikvæðir í
garð bankanna þegar svo langt er frá hruni.
Bankarnir þrír eru þó einnig að hækka í vin­
sældum á ný eftir nokkurra ára lágflug.
Af öðrum vinsælum fyrirtækum má nefna
Fjarðarkaup og Krónuna með tæplega 5%.
Næst eru nefnd Landsbankinn, CCP, Sam­
herji, Nettó, MS, BYKO og Hagkaup.
Fyrirtæki sem áður fyrr voru meðal vinsæl­
ustu fyrirtækja landsins eru nú mun neðar á
listanum. Eimskip var jafnan meðal vinsæl­
ustu fyrirtækja en nær nú ekki í topp 20 og
Íslensk erfðagreining, sem vann titilinn þrjú
ár í röð fyrir um tólf árum, er nú horfin af
listanum.
Bankarnir eru sem fyrr segir efstir á listan­
um yfir óvinsæl fyrirtæki með 20%. Næst
kem ur Bónus, en 5% nefna það sem fyrirtæki
sem þeir hafi neikvæð viðhorf til, og Arion
banki og Iceland Express eru þar fljótlega á
eftir með 4,5%. Næst komu lífeyrissjóðirnir
sem voru mjög í umræðu skömmu fyrir könn­
unina vegna skýrslu um þá. Þar á eftir eru
Landsbankinn, Hagar og olíufélögin.
Það er greinilegt að þrátt fyrir allt eru þátt­
takendur jákvæðari í þessari könnun en þeir
hafa verið undanfarin ár. Færri eru neikvæðir
almennt í garð fyrirtækja nema hvað óvildin í
garð bankanna er enn sterk.
13,7%
vörumerkið össur
Vörumerkið Össur. Á bak við þetta vörumerki
er árangur á alþjóðavísu og forysta í gerð
stoðtækja á heimsvísu. Þjóðin hefur glaðst
yfir velgengni fyrirtækisins og hvernig það
hefur vaxið langt út fyrir landsteinana og
yfirtekið góð erlend fyrirtæki í sömu atvinnu­
grein. Helstu hluthafar í Össuri núna eru Danir
en Íslendingar líta auðvitað á þetta sem sitt
fyrirtæki. Fyrirtækið er skráð í kauphöllinni í
Kaupmannahöfn. Jón Sigurðsson forstjóri er
á margan hátt andlit fyrirtækisins, svo lengi
hefur hann verið forstjóri þess. Össur er í
fremstu röð í heiminum á sínu sviði og hafa
vörur fyrirtækisins oft verið til umfjöllunar
í heimspressunni – ekki síst tengt íþrótta­
mönn um. Gildi fyrirtækisins eru heiðarleiki,
hagsýni og hugrekki og endurspeglast þau
í vörumerkinu. Fyrirtækið skilgreinir hlutverk
sitt svona: Að hjálpa fólki að njóta sín til fulls.
Það er markmið Össurar að ryðja úr vegi
líkamlegum hindrunum af völdum sjúkdóma
eða aflimunar með því að framleiða bestu
stoð­ og stuðningstæki sem völ er á.
10,4%
vörumerkið marel
Vörumerkið Marel er löngu orðið þekkt á
meðal þjóðarinnar. Matur og Marel eiga sam­
leið. Það er líkt með Marel og Össur að þjóðin
hefur glaðst yfir árangri þess á alþjóðlega
vísu. Það er í fararbroddi í fram leiðslu á
tækjum og búnaði fyrir mat vælaframleiðslu
á öllum stigum. Marel byrjaði sem lítill sproti
úr háskólasamfélaginu á Íslandi. Árið 1996
keypti Marel danska fyrirtækið Carnitech og
hefur stundum verið sagt að þar hafi háskóli
(hugbúnaðurinn) og vélsmiðja sameinast.
Marel byrjaði á að framleiða vogir og vinnslu­
línur fyrir sjávarútveg – en núna hefur það
fært sig yfir í framleiðslu á tækjum og vörulín­
um fyrir öll matvæli – t.d. er það mjög áber­
andi á sviði tækja fyrir kjúklingaframleiðslu
og vinnslu eftir sameininguna við hollenska
fyrirtækið Stork. Árni Oddur Þórðarson er
stjórnarformaður Marels en forstjóri þess er
Hollendingurinn Theo Hoen sem áður var
forstjóri Stork. Hann varð forstjóri Marel í
mars 2009.
10,2%
vörumerkið icelandair
Vörumerkið Icelandair er líklegast þekktasta
vörumerki á Íslandi ásamt Bónus­merkinu.
Á bak við vörumerkið er traust og árangur
í áratugi. Icelandair og forverar þess eru
hluti af flugsögu Íslendinga og þeim ljóma
sem hefur einkennt flugið. Loftleiðir voru
um árabil þekkt flugfélag í Bandaríkjunum
og Icelandair er það sömuleiðis – sem og
í Evrópu. Birkir Hólm Guðnason, forstjóri
Icelandair, hefur tekið á móti margvíslegum
viðurkenningum úr viðskiptalífinu sem hann
og félagið hafa hlotið. Það þótti mikið afrek
hjá Icelandair hvernig staðið var að rekstri
félagsins og flugi þegar gosið í Eyjafjalla­
jökli stóð sem hæst vorið 2010. Þá lamaðist
flugumferð um nánast alla Evrópu og er
áætlað tap flugfélaga vegna gossins um 218
milljarðar. Icelandair setti upp tímabundna
starfsstöð í Skotlandi og var eitt fárra flugfél­
aga sem ekki urðu fyrir verulegum truflunum
– og þótti það mikið afrek.
„Athyglisvert er að svo
margir skuli enn vera nei-
kvæðir í garð bankanna
þegar svo langt er frá hruni.
Bankarnir þrír eru þó einn ig
að hækka í vinsældum á ný
eftir nokkurra ára lágflug.“
Árni Oddur
Þórðarson,
stjórnarformaður
marels.
Birkir Hólm
guðnason,
forstjóri icelandair.