Frjáls verslun - 01.04.2013, Blaðsíða 24

24 FRJÁLS VERSLUN 4. 2013
ELÍNRóS LÍNDaL
„Það er í fyrsta lagi
verið að efla okkur
sem leiðtoga innan
þessara samtaka og
fáum við að fara á
ýmis námskeið, s.s.
hjá Harvard Busi­
ness School, einu
sinni á ári.“
The World Economic Forum er sjálfstæð alþjóðastofnun sem er ætlað að bæta heim inn með því
að fá leiðtoga úr viðskiptum,
stjórn málum, háskólum og
list um til að koma saman og
móta hvað hægt er að gera
til að bæta heiminn. Árlega er
bent á þús undir einstaklinga
sem þykja skara fram úr hvað
leið togahæfi leika varðar. Elínrós
Líndal, sem nýlega var valin í
þennan hóp, segir að um 95%
tilnefninga sé hafnað.
Stjórnendurnir þurfa að vera
yngri en 40 ára og þeir sem
vald ir voru í ár eru m.a. Chelsea
Clinton, sem er í stjórn Clinton
Foundation og frétta maður hjá
NBC News, Tawakkol Karman,
blaðamaður og nóbels friðar ­
verð launahafi, Sharmeen Obaid
Chinoy, Emmy­ og óskars verð ­
launahafi, Mark Pollock, sem
er fyrsti blindi maðurinn sem
gekk á suðurpólinn, Ida Auken,
um hverfisráðherra Danmerkur,
Najat Vallaud­Belkacem, kven ­
rétt inda ráðherra í Frakklandi,
og Elínros Líndal, stofnandi og
listrænn stjórnandi ELLU.
Elínrós er með próf í sálfræði
og félagsfræði og MBA­stjórn ­
unar gráðu og vann hún m.a.
sem ritstjóri og blaðamaður
áður en hún stofnaði ELLU sem
fram leiðir m.a. dömufatnað, ilm ­
vötn, skartgripi og töskur.
Hún er önnur íslenska konan
sem valin er í samtökin en
Hrund Gunnsteinsdóttir er núna
starf andi í þeim.
Að hafa áhrif á samfélagið
Elínrós segir að þegar hún hafði
verið tilnefnd og áður en hún
var valin í The Forum of Young
Global Leaders hafi hún verið
spurð ítarlegra spurninga um
persónuleika sinn, ferilinn og
ýmsa hluti sem hún er ekki vön
að tala um.
„Ég hugsaði í því ferli að ég
vildi að það yrði haft samband
við mig eftir fimm ár því ég væri
ekki tilbúin vegna þess hvað ég
er ung; en auðvitað er ég ekkert
ung fyrir þennan hóp.
Ég gerði mér síðan grein fyrir
því af hverju ég var valin. Ég
er skilgreind sem félagslegur
frum kvöðull. ELLA er tækifæri
mitt til að breyta samfélaginu;
það er það sem mig langar til
að gera. Svo langar mig til að
búa til annað fyrirtæki út frá
ELLU sem gefur allan ágóða
sinn til samfélagsins. Þetta er
metnaður minn út af því að
verð mæti og gildi fyrir mig er
ekki að gera eiganda fyrirtækis
ríkan. Mér finnst verðmæti felast
í því þegar maður skrifar sög ­
una, þegar maður hefur áhrif
á samfélagið, breytir einhverju
og gefur fólki tækifæri. Þeir líta
örugglega til mín út af þessu.“
Elínrós segir að gildi fyrirtæki­
sins felist í nafni þess: ELLA. E:
„Environmental“ eða umhverfis­
vænt. L: „Listening“ eða það að
hlusta. „Við hlustum á mark ­
að inn.“ L: „Learning“ eða að
læra. A: „Achieve“ eða að ná
mark miðum sínum.
„Markmiðið með ELLU er að
hvetja konur; hvort sem það eru
starfsmennirnir, viðskiptavinir
okkar, konur úti í samfélaginu
eða konur í þróunarlöndum en
við styrkjum styrktarstjóð UN
Wo men sem leggur áherslu á að
binda enda á ofbeldi á kon um.“
Hluti af ágóðanum af sölu á
ilm vatnsglösunum frá ELLU
rennur til UN Women. „Við
náð um að gefa samtökunum
í kringum 5­600.000 krónur á
fyrsta starfsári okkar, sem var
með hæsta styrk sem þau fengu.
Þess vegna er ég skilgreind
sem félagslegur frum kvöðull –
ég er að byggja eitthvað upp í
tengslum við samfélagið.“
Sjálfsagt að hjálpa
Elínrós hafði unnið um tíma í
sjálfboðavinnu fyrir UN Women
á Íslandi áður en hún stofnaði
ELLU. Hún var t.d. yfir fjáröflun
fiðrildaviku sem var haldin fyrir
nokkrum árum þegar söfnuðust
um 100 milljónir króna í styrktar­
sjóð UN Women hér á landi
til að vinna að því að afnema
ofbeldi gegn konum.
Hún segist hafa orðið hrifin
af þeirri hugmynd að útrýma
of beldi gegn konum í heiminum.
„Það er oftast verið að herja á
karlmanninn í stríði – það er
verið að brjóta konuna niður til
að brjóta manninn niður þannig
að mér fannst ég vera að berj­
ast fyrir allan heiminn ef ég
myndi berjast á móti þessu.“
Umhverfis­ og jafnréttismál
Elínrós gat valið hvort hún yrði
virkur meðlimur eða ekki í The
Forum of Young Global Leaders
og ákvað hún að verða virkur
meðlimur sem þýðir þátttaka
í fimm ár. „Það þýðir að ég
gæti verið vikulega á fundum í
tengsl um við samtökin eða hitt
aðra leiðtoga.“
Hún segir áherslurnar í tengsl­
um við samtökin þrenns konar.
„Það er í fyrsta lagi verið að
efla okkur sem leiðtoga innan
þessara samtaka og fáum við
að fara á ýmis námskeið, s.s.
hjá Harvard Business School,
einu sinni á ári. Þetta er í öðru
lagi frábær vettvangur til að
kynnast öðrum í samtökunum
en það skiptir öllu máli að vera
með gott tengslanet. Við fáum
síðan í þriðja lagi tækifæri til
að hafa áhrif á málefni sem
varða heiminn hvort sem það
eru umhverfismál, jafnréttismál
eða ann að. Ég hef þegar verið
boðuð á nokkra fundi m.a. í
Kína. Maður er svolítið valinn á
fundina eftir sérsviði en ég hef
beitt mér í umhverfis­ og jafn­
réttismálum fyrir utan að vera
frumkvöðull.“
Elínrós segir það vera mismun­
andi hver standi straum af
kostnaði við ferðirnar. „Þeir sem
eru í einkageiranum standa
sjálfir straum af miklu af kostn­
að inum en það er misjafnt eftir
samfélögum; sumar þjóðir nýta
sína ungu leiðtoga og styrkja
þá jafnvel en ég held að þjóðir
geti nýtt þetta fólk þar sem það
sækir fundi með mörgum af
merkilegustu leiðtogum heims.“
Tengslanetið er mikið og segir
Elínrós að ef hún færi t.d. ein­
hvern tímann til New York myndi
hún láta vita og þá yrði henni
boðið á fundi þar til að kynnast
þeim New York­búum sem eru í
samtökunum.
Lærir mest sjálf
Elínrós segir að þátttakan muni
færa sér fjölmörg tækifæri.
„Þetta fer eftir því hvernig ég
nýti mér þau. Ég held að hér
heima styrki þetta greinina sem
ég er í af því að þarna fáum
við tækifæri til að tjá okkur um
viðskiptahliðina á bak við tískuna
og hvernig hún getur unnið í
þágu samfélagsins.
Ég fer inn í þetta með mikilli
auðmýkt. Ég er rétt að verða
fertug og er ekki hafsjór af upp­
lýsingum eða hokin af þekk ingu.
En ég er úrræðagóð, sé alltaf
tækifæri og er hugrökk þannig
að kannski geta sam tökin nýtt
sér það. Í enda dagsins held ég
að þetta verði eins og öll stór
verkefni sem ég hef tekið þátt
í – það er ábyggilega ég sem á
eftir að læra mest.“
Var valin í The Forum of Young Global Leaders:
Elínrós Líndal, stofnandi og listrænn stjórnandi ELLU, hefur verið valin í
The Forum of Young Global Leaders, en þar er hópi fólks víða að úr heiminum
ætlað að vinna að því að hafa áhrif á stöðu heimsmála og skapa betri framtíð.
félagslegur frumkvöðull
TexTi: svava jónsdóTTir