Frjáls verslun - 01.04.2013, Blaðsíða 166

166 FRJÁLS VERSLUN 4. 2013
4. michelle obama, forsetafrú í
Bandaríkjunum:
Michelle Obama er eiginkona valdamesta manns
heims og notar sér þá stöðu. Allar forsetafrúr í
Banda ríkjunum hafa hina síðari áratugi valið sér
verk svið að vinna að. Michelle beitir sér í heilbrigðis ­
málum. Hún leggur áherslu á baráttuna gegn offitu
barna. Það er mikið vandamál víða um lönd og ekki
síst í Bnadaríkjunum. Milljónir landsmanna hirða
ekki um holla lifnararhætti og verða offituni að bráð.
Þarna er verk að vinna.
Michelle er líka tíður gestur á sjónvarpsskjám vestra og
er vinsælli en eiginmaðurinn enda er hann upptekinn við
landstjórnina. En Michelle hefur líka bent á að fyrir fáum
árum var hún útivinnandi tveggja barna móðir en eigin­
maðurinn á stöðugum ferðalögum.
5. Hillary Clinton, fyrrum
utanríkisráðherra:
Hillary Clinton gæti enn orðið forseti Bandaríkjanna,
fyrst kvenna. Áróður er rekinn fyrir að fá hana í fram­
boð og hún hefur ekkert gert sjálf til að eyða orðrómi
um væntanlegt forsetaframboð. Hillary er stórt nafn
í bandarískum stjónmálum og hún á bæði einlæga
stuðningsmenn og arga fjendur.
Sem stendur er hún aðeins í vinnu hjá sjálfri sér og er
í röð eftirsóttustu og dýrustu fyrirlesara í Bandaríkjun­
um. Það kosta 200 þúsund Bandaríkjadali að fá hana
til að tala á fundi og hún á 150 þúsund fésbókarvini.
Áhrif henn ar eru því mikil þótt hún gegni engu formlegu
embætti.
6. sheryl sandberg, framkvæmdastjóri
Facebook:
Sheryl Sandberg var alltaf best í sínum bekk og hefur
lengi þótt sýna yfirburði í rekstri fyrirtækja. Hún hefur
stjórnað Facebook í fimm ár, fyrst sem ráðinn fram­
kvæmdastjóri og er nú einnig stjórnarmaður. Það er
hennar hlutverk að breyta fésbókinni úr leiktæki í
gróðamaskínu. Þar er hún á góðri leið, sérstakelga
eftir að ákveðið var að ráðast inn á auglýsingamark­
aðinn. Á einu ári hefur fyrirtækið náð yfir 18 prósent
markaðshlutdeild.
Sheryl er líka áhirfamikil utan fyrirtækis. Hún hefur gefið
út umtalað bók um femínisma í fyrirtækjum. Margar konur
líta til hennar sem fyrirmyndar.
ÁhiFa mEStU koNUR hEimS