Frjáls verslun - 01.04.2013, Page 62

62 FRJÁLS VERSLUN 4. 2013
að kunna að
hlusta Á aðra
Margret G. Flóvenz, stjórnarformaður KPMG:
„Í rekstri eins og okkar er það sem stendur upp úr hjá við­
skipta vinum okkar jafnframt það sem stendur upp úr hjá
okkur. Árið hefur því markast af því að fyrirtækin í landinu eru
hægt og bítandi að rísa upp úr lægð undanfarinna ára.“
Ævisaga Margretar er fimm orða: Lánsöm fjölskyldukona í
skemmtilegu starfi.
Hún segir heilræði sitt til ungra stjórnenda vera að það sé
eins í stjórnun og öðrum samskiptum mannanna – þú verðir
að kunna að hlusta á aðra.
Margret segir að það sé svo sannarlega þörf á að sett verði
sérstök jafnlaunastefna innan fyrirtækja. „Við þurfum að hafa
tækin til að tryggja jöfn laun beggja kynja. Ég held að ástæða
þess að jöfnuði er ekki náð að þessu leyti liggi í mælistikunni
sem við notum. Við eigum nefnilega tvær – eina sem við
mæl um karla með og aðra sem við mælum konur með. Þessi
mæliskekkja virðist eiga sér djúpar rætur í okkur og er án efa
algerlega ómeðvituð bæði hjá konum og körlum. Málbandið
sem við notum á karla virðist oft og tíðum mun styttra en
það sem við notum á konur, en þær þurfa talsverða viðbót til
að vera metnar til jafns við karla. Við losnum aldrei við þessa
skekkju nema við séum sífellt meðvituð um að við notum
sama málbandið á alla. Þá mæli ég eindregið með því að fyrir­
tæki nýti sér jafnlaunavottun sem nú er boðið upp á bæði í
gegnum verkalýðsfélög og sjálfstæða ráðgjafa.“
Margret segir að sér finnist brýnasta verkefni nýrrar ríkis­
stjórnar vera að koma á sátt í samfélaginu. „Stjórnmál undan ­
farinna ára hafa einkennst af tortryggni og úlfúð og þar sýnist
mér allir undir sömu sökina seldir. Þessu verður að linna svo
hægt sé að nýta tímann til góðra verka.“
Margret er í stjórn Samtaka verslunar og þjónustu.
ingibjörg ólafsdóttir,
hótelstjóri Radisson BLU Hótels Sögu.
kristín Völundardóttir,
forstjóri Útlendingastofnunar.
100 ÁhRiFamEStU koNURNaR 2013