Frjáls verslun - 01.04.2013, Blaðsíða 106

106 FRJÁLS VERSLUN 4. 2013
Í bók Harveys Colemans ”Empowering Yourself” (sem gæti kannski útlagst á íslensku eitthvað í áttina
að „Gerðu þig öflugri“) fjallar hann meðal annars um þrjú atriði sem hann segir að skipti mestu máli
varð andi það hversu mikilli framgöngu þú getur náð á vinnustað eða hversu líklegt er að þú fáir stöðu -
hækkun. Hér fyrir neðan mun ég fjalla um þessi þrjú atriði og gefa góð ráð fyrir hvert þeirra.
Frammistaða
Það að vera með góða frammi­
stöðu í starfi, vinna vel, skila
verkefnum á réttum tíma, vera
innan fjárhagsáætlunar o.s.frv.
krefst þess yfirleitt að þú leggir
mikið á þig og skilir góðri vinnu.
Góð frammistaða er nauðsyn­
leg en hún er hins vegar
kannski frekar það sem kemur
þér að þröskuldnum eða lætur
þig koma til greina varðandi
stöðuhækkun fremur en það
sem sker úr um hvort þú færð
svo stöðuhækkun eða ekki.
Ekki er nóg að vita eða tala
um eigin frammistöðu, hún þarf
að vera sýnileg öðrum og á
vitorði réttra aðila.
Frammistaða er það sem
vinnu staðir borga fyrir en stöðu ­
hækkanir eru frekar veittar út
á þá framtíðarmöguleika sem
aðrir sjá í þér. Mat annarra á
þér byggist á útgeislun þinni og
ímynd. Frammistaða þín þarf því
að vera bæði á tæknilegum þátt ­
um sem og í persónulegri hæfni,
s.s. hæfni í samskiptum o.fl.
Góð ráð:
• Fagnaðu frammistöðumati
og líttu á það sem tækifæri
til að verða betri
• Leggðu þig fram um að vita
hvaða kröfur og vænting­
ar eru gerðar til þín og
hvernig yfirmaður þinn telur
að eigi að forgangsraða
• Settu þér markmið og fagn­
aðu þegar vel gengur
• Leitaðu leiða til að bæta
frammistöðu einingar þinn­
ar og vinnustaðarins, þú
munt njóta góðs af því
• Deildu upplýsingum og
aðstoðaðu aðra – þeir
munu ekki gleyma því
• Vertu góður liðsmaður en
líka til í að vera stjarna
• Þakk aðu fyrir þegar þér er
hrósað og ekki gera lítið
úr því þegar aðrir taka eftir
góðri frammistöðu hjá þér
Harvey segir að frammistaða
þín hafi bara 10% vægi varð­
andi það hvort þér tekst að
fá stöðuhækkun eða ekki –
en hún er hins vegar algjör
grunnur til að byggja ofan á, í
raun startið að áframhaldandi
framagöngu.
Ímynd
Með ímynd er átt við hvernig
aðrir upplifa þig.
Upplifa aðrir á vinnustaðnum
að þú hafir góð og jákvæð
viðhorf, finnst fólki gott að
vinna með þér, bendir þú frekar
á lausnir en vandamál, ertu
samkvæm/­ur sjálfri/sjálfum þér,
þykir þú vera fagleg/­ur?
Vinnurðu meðvitað í að hafa
þá ímynd sem þú vilt að aðrir
hafi af þér – hugsar þú um að
birtast öðrum eins og þú vilt að
þeir sjái þig?
StJóRNUN
hvernig þú átt að klifra
metorðastigann í vinnunni
herdís Pála
mba, markþjálfi og
eigandi www.herdispala.is þar
sem hægt er að skrá sig fyrir
ýmsu ókeypis og hvetjandi
lesefni.
„Ekki er nóg að vita
eða tala um eigin
frammistöðu, hún
þarf að vera sýnileg
öðrum og á vitorði
réttra aðila.“
þrjú helstu atriðin sem þú þarft að vita og hafa í huga