Frjáls verslun - 01.04.2013, Blaðsíða 36

36 FRJÁLS VERSLUN 4. 2013
SkoðUN
Ný ríkisstjórn Sigmundar Davíðs Gunn laugs ­sonar nýtur meðbyrs
almennings samkvæmt nýjum
Þjóðarpúlsi Gallups. Stuðningur
við hana mælist rúmlega 60%
sem er svipaður stuðningur og
mæld ist við ríkisstjórn Jóhönnu
Sigurðar dóttur þegar hún tók
við 2009.
Til samanburðar má þó nefna
að rúmlega 80% kjósenda
studdu ríkisstjórn Geirs H.
Haarde þegar hún tók við
eftir kosningarnar 2007. Mikið
fylgis tap beið hins vegar þeirrar
ríkis stjórnar í kjölfar bankahrun­
sins og stjórnarsamstarfið
við Sam fylkinguna þoldi ekki
pólitíska álagið sem því fylgdi.
Ríkis stjórn Jóhönnu ákvað hins
vegar að þrauka út kjörtímabilið
þótt stuðningur við hana hafi
aldrei farið yfir 40% frá 2010. Í
nýafstöðnum kosningum guldu
stjórnarflokkarnir síðan mikið
afhroð.
Nýir stjórnarherrar geta
gengið að því vísu að öll spjót
munu standa á þeim. Stjórnar ­
andstaðan mun nota hvert
tækifæri sem gefst til að auka
áhrif sín og fylgi á kostnað
stjórnar flokkanna. Nýja ríkis­
stjórnin hefur hins vegar boðað
mikið samráð við hagsmuna­
aðila og stjórnarandstöðu.
Það á þó eftir að koma í ljós
hvort við það verði staðið og
hvort það skili sér í viðvarandi
stuðningi við ríkisstjórnina.“
Rokgjarn stuðningurFagfjárfestar eru jafnvel
fullfjárfestar
ÁRni ÞÓR ÁRnason
– stjórnarformaður oxymap ehf.
FYRIRTÆKJA-
REKSTUR
Það er þrautin þyngri að reka nýsköp­unar fyrirtæki í dag á Íslandi í þeirri stöðu að búið er að selja
hluta bréf til fjölskyldu, félag­
anna og furðufugla eins og
EFFIN þrjú eru stundum kölluð
og ennþá vantar meiri pening til
að gera drauminn að veruleika
um öflugt og stöndugt fyrirtæki
sem getur starfað sjálfbjarga
og veitir fólki atvinnu, borgar
hugsanlega arð eða jafnvel er
hægt að selja til útlanda. En
nýjabrumið er farið og komið að
svokölluðum fagfjárfestum.“
Árni Þór segir að þeir sem gefi
sig út fyrir að vera fagfjárfestar
séu jafnvel „fullfjárfestar“. Um sé
að ræða nýyrði sem hann heyrði
tvisvar í vetur og þótti skondið.
„Það þýðir á mínu máli að þeir
séu blankir og eigi ekki meiri
pening.
Þetta minnir svolítið á barna­
uppeldi. Þegar barnið er nýfætt
og fyrstu árin er spennandi að
gefa því gjafir og föt en smátt
og smátt eldist það og allt fer
í venjulegan farveg í gegnum
grunnskóla og framhaldsskóla.
Það er ekki orðið matvinningur
og stundum flækist það bara
fyrir og er jafnvel með skoðanir
og meiningar. Á þá að stoppa?
Hætta að gefa mat og föt og ef
það fær ekki góðar einkunnir að
setja það á ís? Segja því bara að
lýsa sig gjaldþrota?
Nei, það er ekki gert enda er
ekkert eitt línurit yfir þroskaferil
sem hægt er að mæla alla með.
Svo eru þeir sem síst skyldi
sem stundum koma á óvart og
einstaka gáfnaljós virðist erfitt að
nota til vinnu.“
Árni Þór segir að það sé mikið
talað og skrifað um mikilvægi
nýsköpunar fyrir nútíð og framtíð.
„Síðasta ríkisstjórn klúðraði
skattafslætti sem var búið að lofa
vegna fjárfestingar í hlutabréfum
nýsköpunarfyrirtækja og spurn­
ing hvort sú nýja ætlar að sópa
upp. Alla vega treysti ég því að
það sé komið fólk á þing sem
hefur bæði reynslu og þekkingu
af rekstri og starfsemi slíkra
fyrirtækja og klárar dæmið. Við
skulum vera bjartsýn og vona
hið besta.“
Starfsþróun stjórnenda
inGRiD KuHlman
– framkvæmda stjóri Þekkingarmiðlunar
HOLLRÁÐ Í
STJÓRNUN
Ingrid Kuhlman setur fram fimm spurningar um starfs­þróun sem gott er fyrir stjórn endur að velta reglu­
lega fyrir sér. Fyrsta spurningin
tengist starfsreynslu og áhuga.
Stjórnandi ætti að velta fyrir sér
hver starfsreynsla hans sé. Þá
ætti hann að rýna í eigin hæfni
og hæfileika og skoða í hverju
hann er góður og í hverju hann
mætti bæta sig.
„Stjórnandi ætti í öðru lagi
að reyna að lýsa hinum full­
komna vinnustað þar sem
styrk leikar hans fá notið sín. Í
hvaða aðstæðum upplifir hann
ánægju og orku og hvað veitir
honum innblástur? Hvert er
draumastarf mitt?
Stjórnandi ætti í þriðja lagi að
velta fyrir sér hvaða gildi skipta
hann máli – t.d. hvað honum
finnst mikilvægast. Hér er ég
að hugsa um atriði eins og
sjálfstæði, lærdóm, virðingu,
fjár hagslegt öryggi, hugsjón
eða starfsframa.“
Ingrid nefnir í fjórða lagi að
stjórn andinn velti fyrir sér hvern­
ig hann geti bætt sig og hvort
hann vilji þróa nýja hæfileika
eða styrkja sig enn frekar í því
sem hann gerir þegar vel.
„Stjórnandi ætti í fimmta lagi
að spyrja sig spurninga sem
varða framtíðina svo sem hvert
hann stefnir, hvaða markmið
hann geti sett sér og hvað þurfi
að gera til að ná þeim.“
Ingrid segir að við verjum of
stórum hluta af lífi okkar á vinnu­
stað til að láta hendingu ráða
því hvernig okkur gengur.
DR. sTefanÍa ÓsKaRsDÓTTiR
– lektor við HÍ
STJÓRNMÁL
Árni Þór segir að þeir sem gefi sig út
fyrir að vera fagfjárfestar séu jafn ­
vel „fullfjárfestar“. Um sé að ræða
nýyrði sem hann heyrði tvisvar í
vetur og þótti skondið.