Frjáls verslun - 01.05.2011, Qupperneq 127

FRJÁLS VERSLUN 5.tbl.2011 127
jafnréttisstEfna fyrirtækja
Í stjórn Arion banka sitja tvær konur af sex stjórnarmönnum og er hlutfall kvenna í stjórn bankans því 33%. Önnur þeirra er stjórnarformaður og hin varaformaður stjórnar. Í
yfirstjórn Arion banka eru sex konur og sjö
karlar að meðtöldum bankastjóranum. „Ef
tekið er saman hlutfall þeirra kvenna sem
gegna stöðu framkvæmdastjóra, útibús­
og rekstrarstjóra, hóp­ og þjónustustjóra
og forstöðumanna hjá Arion banka þá er
það 50%. Að þessu leyti er kynjahlutfallið
hnífjafnt,“ segir Jónína S. Lárusdóttir, fram­
kvæmdastjóri lögfræðisviðs Arion banka.
„Mjög jöfn kynjaskipting er meðal for­
stöðu manna hjá Arion banka og er 51%
þeirra sem gegna starfi forstöðumanns
innan bankans konur. Í stjórnum dóttur­
félaga bankans er hlutfall kvenkyns
stjórnar manna 40%. Hlutfall kvenna sem
skipa stöðu útibús­ og rekstrarstjóra hjá
bankanum er 27%. Við erum með hóp­ og
þjónustustjóra og er hlutfall kvenna í þeim
hópi 77%.
endurbætt jafnréttiSStefna
Mjög skýr stefna er innan Arion banka
í jafnréttismálum og samþykkti fram­
kvæmdastjórn bankans nýverið nýja
jafn réttis stefnu hans. Höskuldur H. Ólafs­
son, banka stjóri Arion banka, ber ábyrgð á
jafn réttisstefnunni. Stefna Arion banka er að
hámarka mann auð sinn með því að tryggja
jöfn tækifæri og kjör starfsmanna af báðum
kynjum og vera eftirsóknarverður vinnu­
staður fyrir konur jafnt sem karla. Tveir
einstaklingar sem skila jafnverðmætu starfi
skulu fá greidd sambærileg laun.
Hvers kyns mismunun á grundvelli
kyn ferðis er í andstöðu við jafnréttisstefnu
bank ans og jafnréttislög og er ekki liðin
innan bankans. Markmið Arion banka er
þannig að allt starfsfólk fái notið sín án
tillits til kynferðis. Bankinn leggur auk þess
áherslu á að starfsfólk allra starfseininga
komi fram hvað við annað af virðingu og
gæti jafnréttissjónarmiða í hvívetna.
mikið af nýjungum á döfinni
Það er mikið af nýjungum á döfinni en
Arion banki vill vera þekktur sem banki
sem horfir fram á við og lætur verkin tala.
Arion banki hóf nýverið að bjóða viðskipta­
vinum sínum ný og hagstæð íbúðalán.
Lánin bera fasta vexti út lánstímann sem
eru betri en þau vaxtakjör sem nú bjóðast á
íslenskum bankamarkaði.
Við erum stöðugt að leita leiða til að bæta
þjónustu okkar og vöruframboð og keypti
Arion banki nýverið annars vegar starfsemi
SPRON Factoring, sem er sérhæft félag á
sviði kröfufjármögnunar, og hins vegar KB
ráðgjöf, sem sérhæfir sig í miðlun lausna á
sviði trygginga­ og lífeyrismála.
Þá höfum við verið að vinna með sprota­
fyrirtækjum og gerðum nýlega samstarfs­
samning við KÍM. Kím er frumkvöðla­
setur fyrir fyrirtæki í heilbrigðistækni.
Bankinn er einnig og þáttakandi í þeirrar
vinnu sem fram fer þessa dagana í tengsl­
um við íslenska jarðvarmaklasann og
unn in er í samstarfi við einn virtasta fræði­
mann heims á því sviði, dr. Michael Porter,
prófessor við Harvard­háskóla.
Samheldinn og einbeittur hópur
Sumarið leggst vel í okkur hjá Arion banka.
Nú byrjaði ég í bankanum í nóvember
sl. og það hefur komið mér skemmtilega
á óvart hversu góður andi ríkir hér og
hversu mikill kraftur er í fólki þrátt fyrir
erfið verkefni og krefjandi starfsumhverfi.
Hér í bankanum vinnur samheldinn og
einbeittur hópur að þeim markmiðum hans
að byggja upp öflugan banka sem þjónar
fyrirtækjum og einstaklingum og vinnur
þannig samfélaginu öllu til heilla. Í mínum
huga hefur aldrei verið skýrara en nú
hversu veigamiklu hlutverki bankar gegna
í samfélaginu og mér finnst mjög gefandi
að leggja mín lóð á vogarskálarnar þannig
að Arion banki geti sinnt hlutverki sínu
með sóma.“
Tryggir jöfn tækifæri
og kjör kynjanna
,,Mjög jöfn kynjaskipting er meðal forstöðumanna hjá Arion banka og eru
51% þeirra sem gegna starfi forstöðumanns innan bankans konur.“
Arion banki
Jónína S. Lárusdóttir, framkvæmdastjóri lögfræðisviðs Arion banka.