Frjáls verslun - 01.05.2010, Page 31

F R J Á L S V E R S L U N • 5 . T B L . 2 0 1 0 31
– Hvaða árangur ertu ánægðust með innan þíns fyrirtækis?
Að geta haldið rekstri áfram án þess að þurfa að fækka fólki, að
hafa getað haldið áfram að greiða góð laun og ekki síst að hafa
getað minnkað skuldir hjá fyrirtækinu.
– Finnur þú fyrir nýjum tímum og nýrri hugsun í þjóðfélaginu
eða finnst þér allt vera að fara í sama farveg aftur?
Já, ég finn fyrir nýrri hugsun en er ekki viss um að hún sé til
góðs að öllu leyti. Vonandi erum við ekki á leið í sama farveg.
– Ef þú yrðir forsætisráðherra í einn dag; hvert yrði þitt
fyrsta verk?
Að draga umsókn Íslands um viðræður eða inngöngu í ESB til
baka.
– Fjárhagsleg endurskipulagning fyrirtækja er mál málanna.
Hvernig geta bankarnir hraðað þessu ferli?
Fjárhagsleg endurskipulagning er vandaverk og bankarnir
verða að gæta þess að mismuna ekki viðskiptavinum. Þeir
mega ekki skerða samkeppnishæfni þeirra fyrirtækja sem
eru vel rekin vegna þess að þeir halda stórskuldugum keppi­
naut um þeirra á floti með sífelldri aðstoð.
– Sérð þú einhver teikn á lofti um að það versta sé að baki í
atvinnulífinu?
Því miður sé ég það ekki og óttast að við eigum eftir að sjá
verri tíma í atvinnumálum.
– Er það ekki gömul klisja að það sé munur á konum og
körlum sem stjórnendum?
Mín skoðun er að að stjórnunarhæfileikar séu ekki
kynbundnir.
– Hvaða heilræði í stjórnun heldur þú mest upp á?
Heilbrigða skynsemi.
– Viðskiptalífið yrði betra ef …
… menn hefðu siðfræði að leiðarljósi.
Guðrún situr í stjórn Landssambands íslenskra útvegsmanna, Stálskips ehf.,
Útvegsmannafélags Hafnarfjarðar og í sjóðsstjórn vegna Stofnunar Vigdísar
Finnbogadóttur í erlendum tungumálum.
DRAGA INNGÖNGUNA Í
ESB TIL BAKA
Guðrún Lárusdóttir,
eigandi og frkvstj.
Stálskipa
Svana Helen Björnsdóttir, forstjóri Stika hf.
Vilborg Einarsdóttir, frkvstj. Mentors.
SPROTAFYRIRTÆKI
KONUR OFT SÁTTFÚSARI
OG ÁHÆTTUFÆLNARI
Svana Helen Björnsdóttir,
forstjóri Stika
– Hvaða árangur ertu ánægðust með innan þíns fyrirtækis?
Ég er ánægðust með vaxandi útflutning Stika á hugbúnaði
víða um heim.
– Finnur þú fyrir nýjum tímum og nýrri hugsun í þjóð félaginu
eða finnst þér allt vera að fara í sama farveg aftur?
Tímarnir hafa vissulega breyst mikið. Hugsun margra hefur
breyst en ekki allra. Víða þarf að skipta út fólki á áhrifa­
stöð um, til dæmis stjórnmálamönnum, embættis mönnum og
stjórn endum fjármálastofnana. Annars er mikil hætta á að við
föllum aftur í sama farið og fyrr. Vont viðskiptasiðferði manna
breytist ekki auðveldlega til hins betra.
– Ef þú yrðir forsætisráðherra í einn dag; hvert yrði þitt
fyrsta verk?
ESB­málin eru í ágætum farvegi en Icesave er kýli sem þarf
að kreista úr. Ég myndi því boða til sáttafundar um Icesave
og eiga málefnalegar viðræður við hlutaðeigandi aðila um
lausn þess máls.
– Fjárhagsleg endurskipulagning fyrirtækja er mál
málanna. Hvernig geta bankarnir hraðað þessu ferli?
Fyrirtækin eru mörg og misjöfn og hvert fyrirtæki þarf að
skoða sérstaklega. Fjárhagsvandinn getur verið skamm­
tíma vandi og þá þurfa bankar að geta brugðist snöggt við
með viðeigandi rekstrarlánum til skamms tíma. Ef fjárhags­
vandinn er stærri og alvarlegri þurfa fyrirtækin á góðri
ráðgjöf að halda við úrlausn rekstrarvandans og aðstoð við
langtímafjármögnun, til dæmis aðstoð við að finna heppi lega
fjárfesta eða góða stjórnarmenn með sérþekkingu á viðkomandi
atvinnurekstri. Til að bankar geti aðstoðað fyrirtæki í rekstra r­
vanda þarf að ríkja traust milli aðila og viðskiptasiðferði banka­
manna þarf að vera hafið yfir allan vafa.