Frjáls verslun - 01.05.2010, Blaðsíða 77
F R J Á L S V E R S L U N • 5 . T B L . 2 0 1 0 77
S E N D I H E R R A Í S L A N D S Í K Í N A
Á sviði jarðvarma hefur Enex lengi plægt akurinn í Kína. Fyrst
með því að bjóða ráðgjafarþjónustu á svæðum þar sem jarðhiti er
núna stór og mikilvægur hluti af orkunýtingu milljónaborga. Síðar
með stofnun Enex Kína sem hóf beinar fjárfestingar í jarðhita, fyrst
í menningarborginni Xianyang og nú síðast í Xiongsýslu í Baoding,
sem einmitt er vinabær Hafnarfjarðar.
Á þessu sviði má búast við mikilli grósku á næstu árum í sam
vinnu íslenskra og kínverskra aðila og Kínverjar leggja mikla áherslu
á nýtingu endurnýjanlegrar orku. Í nýjum rammasamningi, sem
undirritaður var á Íslandi 9. júní sl., er gert ráð fyrir að fjórfalda
um fang jarðhitanýtingar hér til húshitunar á næstu þremur árum.
Í Kína stækkar neytendamarkaðurinn hraðar en í nokkru öðru
landi og eftirspurn eftir þekkingu og nýjum lausnum er mikil. Íslensk
fyrirtæki átta sig á þessu en um leið að leiðin er ekki endi lega sú greið
færasta og að það tekur tíma að fóta sig. Fleiri íslensk fyrirtæki en
nokkru sinni horfa til Kína, sem er ótvírætt vaxtar svæði.“
– Hversu mikill hagvöxtur hefur verið í Kína á undanförnum
árum?
„Á síðustu 30 árum hefur meðalhagvöxtur verið nálægt 10% á ári.
Jafnmikill hagvöxtur á svo stóru svæði yfir svo langan tíma mun vera
einsdæmi í veraldarsögunni. Á sama tíma og hundruðum milljóna
hefur verið lyft úr örbirgð er það þó enn svo að Kína er þróunarríki.
Allt að 200 milljónir Kínverja lifa undir fátæktarmörkum, þ.e.
hafa um einn bandaríkjadal til framfærslu á dag, og 400 milljónir
eru taldar hafa um tvo dollara á dag til neyslu. Þetta eru tölur frá
alþjóðastofnunum.
En það er enginn vafi á því að hér eiga sér stað miklar framfarir
í efnahagslegu tilliti og meiri breytingar en víðast þekkjast. Kína
er að þróast hratt úr bændasamfélagi í nútímalegt borgarsamfélag.
Sameinuðu þjóðirnar hafa spáð því að á árinu 2050 muni um
tveir þriðju hlutar landsmanna búa í borgum en þetta hlutfall er
mun lægra í dag eða innan við helmingur. Þetta þýðir að á næstu
áratugum muni um hálfur milljarður fólks flytjast til borganna.
Það er afar merkilegt að kynnast þessum gríðarlegu breytingum og
hvernig framtíðin er undirbúin.“
– Þegar komið er til Kína blasa við byggingarkranar og mikill
uppgangur. Gætir ótta hjá Kínverjum um bakslag, jafnvel
kreppu, á næstu árum?
„Það er rétt, mannvirkjagerð og uppbygging er lyginni líkust,
og ekki bara á strandsvæðum heldur líka inn til landsins. Kínversk
stjórnvöld hafa á undanförnum árum varið miklu fé til þess að
byggja upp innviði samfélagsins, halda hjólum atvinnulífsins gang
andi og styrkja hagkerfið. Stjórnvöld eru samt meðvituð um að það
er hætta á að hagkerfið hitni um of. Kínverska hagkerfið hefur staðið
af sér storma alþjóðlegu efnahagskreppunnar og þeir sem gleggst
þekkja telja að það muni áfram styrkjast.“