Frjáls verslun - 01.05.2010, Blaðsíða 35

F R J Á L S V E R S L U N • 5 . T B L . 2 0 1 0 35
– Hvaða árangur ertu ánægðust með innan þíns fyrirtækis?
Heilt yfir hefur Nova gengið mjög vel. Við höfum vaxið gríðarlega
og náð öllum helstu markmiðum okkar. Þetta var stór og mikil
fjárfesting sem ráðist var í á árinu 2007 þegar við byggðum
upp eigið 3G farsíma­ og netkerfi og komum fyrirtækinu á fót.
Við settum okkur markmið um að Nova yrði eitt af sterkustu
vörumerkjunum á Íslandi, eitt af bestu þjónustufyrirtækjunum
á Íslandi og besti vinnustaður í heimi! Á árinu var Nova valið
markaðsfyrirtæki ársins af ÍMARK, Nova var í fyrsta sæti síma­
fyrirtækja á Íslandi yfir ánægðustu viðskiptavinina í farsíma þjón ­
ustu í mælingu Íslensku ánægjuvogarinnar og í hópi Fyrir myndar ­
fyrirtækja VR.
Viðskiptavinir Nova eru í dag yfir 70.000 talsins og markaðshlut­
deildin nálægt 20%. Og það sem mestu máli skiptir er að rekstur
fyrirtækisins gengur vel og við höfum náð markmiðum okkar um
jákvæða afkomu.
– Finnur þú fyrir nýjum tímum og nýrri hugsun í þjóðfélaginu eða
finnst þér allt vera að fara í sama farveg aftur?
Það hefur margt breyst á Íslandi samfara þeim erfiðleikum sem
þjóðin hefur gengið í gegnum en við munum vinna okkur út úr
þessu – þetta tekur eðlilega tíma og tekur á.
– Sérð þú einhver teikn á lofti um að það versta sé að baki í
atvinnulífinu?
Já og nei. Ég trúi því að við séum á botninum núna og getum
vonandi farið að spyrna frá.
– Er það ekki gömul klisja að það sé munur á konum og körlum
sem stjórnendum?
Jú, það er ekki hægt að alhæfa um kynin með þessum hætti.
– Hvaða heilræði í stjórnun heldur þú mest upp á?
Komdu fram við aðra eins og þú vilt að komið sé fram við þig.
– Viðskiptalífið yrði betra ef …
… viðskiptalífið er ekki frekar en lífið sjálft bara dans á rósum.
Stundum gengur vel og stundum gengur ekki eins vel. Við þurfum
að vera sterk og geta tekið á mótlætinu á uppbyggilegan hátt,
af bjartsýni og jákvæðni, og grípa tækifærin en ekki sitja föst í
vandamálum fortíðarinnar. Mjög gaman að sjá til dæmis hvað er
verið að gera flotta hluti með herferðinni Inspired by Iceland. 
Liv situr í stjórn Telio Holding ASA (Oslo Börs) og í stjórn Pennans.
„Mjög gaman að sjá til dæmis hvað er verið að
gera flotta hluti með herferðinni Inspired
by Iceland.“
Liv Bergþórsdóttir,
framkvæmdastjóri Nova
HÖFUM VAXIÐ
GRÍÐARLEGA