Frjáls verslun - 01.05.2010, Blaðsíða 40
40 F R J Á L S V E R S L U N • 5 . T B L . 2 0 1 0
618798-BSS-001-02-297x220.PP4.pgs 30.03.2009 17:46
– Hvaða árangur ertu ánægðust með innan þíns fyrirtækis?
Ef við horfum á árangur VÍS á síðasta ári þá stendur tvennt
upp úr í mínum huga. Annars vegar góður rekstrarárangur
fyrir tækisins í erfiðu efnahagsumhverfi og hins vegar frábær
niðurstaða vinnustaðagreiningar hvað varðar ánægju starfs
manna hjá VÍS.
– Finnur þú fyrir nýjum tímum og nýrri hugsun í þjóðfélaginu
eða finnst þér allt vera að fara í sama farveg aftur?
Já, ég finn fyrir nýrri hugsun í þjóðfélaginu. Ég hef ekki trú á að allt
fari í sama farveg aftur þrátt fyrir að aðstæður séu sannarlega erfiðar.
– Ef þú yrðir forsætisráðherra í einn dag; hvert yrði þitt fyrsta verk?
Forgangsraða verkefnum og leggja áherslu á að leysa málefni sem
taka á vanda heimila og fyrirtækja. Eitt af fyrstu verkunum væri
að mæla um fyrir lögum þar sem veðsetning vegna húsnæðislána
verði einungis í fasteigninni sjálfri og að ekki verði hægt að ganga
að öðrum eignum.
– Fjárhagsleg endurskipulagning fyrirtækja er mál málanna.
Hvernig geta bankarnir hraðað þessu ferli?
Ég veit ekki betur en að bankarnir séu að vinna í þessum málum
í dag. Hef þó heyrt um ákvörðunarfælni og seinagang í banka
kerfinu, ef það er raunin þá þarf að bæta úr því.
– Sérð þú einhver teikn á lofti um að það versta sé að baki í
atvinnulífinu?
Já, það eru teikn á lofti. Vextir hafa lækkað og krónan hefur styrkst
örlítið. Atvinnuleysið hefur minnkað en búast má reyndar við að
það aukist aftur með haustinu. Við eigum enn nokkuð langt í land.
– Er það ekki gömul klisja að það sé munur á konum og
körlum sem stjórnendum?
Að mínu mati er munur á konum og körlum sem stjórnendum
og mín reynsla er sú að sambland kvenna og karla í stjórnun skili
bestum árangri.
– Hvaða heilræði í stjórnun heldur þú mest upp á?
Í upphafi skyldi endinn skoða.
– Viðskiptalífið yrði betra ef …
… stjórnendur fyrirtækja og stjórnvöld legðu meiri áherslu á góða
stjórnarhætti og hefðu gott siðferði að leiðarljósi.
Auður Björk situr í stjórn Birtingahússins ehf. og Eiðfaxa ehf.
„Annars vegar góður rekstrarárangur
fyrirtækisins í erfiðu efnahagsumhverfi
og hins vegar frábær niðurstaða
vinnustaðagreiningar hvað varðar ánægju
starfsmanna hjá VÍS.“
Í UPPHAFI SKYLDI
ENDINN SKOÐA
Rakel Sveinsdóttir,
frkvstj. Creditinfo. Ingunn Sveinsdóttir,
frkvstj. neytendasviðs N1.
Heiðrún Jónsdóttir,
frkvstj. lögfræðisviðs
Eimskips.
Anna Guðný Aradóttir,
frkvstj. markaðsmála
hjá Samskipum.
Auður Björk Guðmundsdóttir,
framkvæmdastjóri sölu- og
þjónustusviðs VÍS