Frjáls verslun - 01.05.2010, Blaðsíða 54
54 F R J Á L S V E R S L U N • 5 . T B L . 2 0 1 0
– Fjárhagsleg endurskipulagning fyrirtækja er mál
málanna. Hvernig geta bankarnir hraðað þessu ferli?
Með því að hafa leikreglurnar einfaldar og skilvirkar.
Huga þarf vel að rekstrarumhverfi fyrirtækja og
gæta að því að hvorki bankar né hið opinbera skekki
samkeppnisstöðu þeirra fyrirtækja sem eftir standa.
Fjármögnun fyrirtækja og verkefna er torsótt sem er
mikið áhyggjuefni ef hjólin eiga að fara að snúast.
– Sérð þú einhver teikn á lofti um að það versta sé
að baki í atvinnulífinu?
Já, mér finnst að hugarfarið sé að verða jákvæðara
en enn eru þó mörg mál óleyst og hlutirnir gerast
hægt, sem er dýrt fyrir okkur sem þjóð.
– Er það ekki gömul klisja að það sé munur á
konum og körlum sem stjórnendum?
Hver einstaklingur er einstakur en það er ekki klisja
að okkur vantar meiri fjölbreytni í forystu atvinnu
lífsins og því þarf að breyta hið fyrsta.
– Hvaða heilræði í stjórnun heldur þú mest upp á?
Að einbeita sér að því sem maður gerir best.
– Viðskiptalífið yrði betra ef …
… allir kepptu að sama marki og sæju að samvinna
er allra hagur. Því öflugra sem atvinnulífið er, því
meira leggst til samgæðanna. Hið opinbera þarf að
setja leikreglurnar og tryggja að þær séu virtar en á
aldrei að leika aðalhlutverkið í viðskiptalífinu.
Áslaug situr í stjórnum eigin félaga sem eru AP almannatengsl,
Port hönnun og ATH fjárfestingar.
„Huga þarf vel að rekstrarumhverfi
fyrirtækja og gæta að því að hvorki
bankar né hið opinbera skekki sam
keppnisstöðu þeirra fyrirtækja sem
eftir standa.“
Auður Þorgeirsdóttir,
frkvstj. þjónustu
Capacent.
Ingibjörg Þórðardóttir,
formaður Félags
fasteignasala.
Birna Einarsdóttir, forstjóri Íslandsbanka.
Steinunn Guðbjartsdóttir, formaður slitastjórnar Glitnis.
Martha Eiríksdóttir, stjórnarmaður í Íslandsbanka.
Marianne Økland, stjórnarmaður í Íslandsbanka.
Una Steinsdóttir, frkvstj. viðskiptabankasviðs Íslandsbanka.
Sigrún Ragna Ólafsdóttir, frkvstj. fjármála og reksturs Íslandsbanka.
Monica Caneman, stjórnarformaður Arion banka.
Guðrún Johnsen, varaformaður stjórnar Arion banka.
Björk Þórarinsdóttir, frkvstj. fyrirtækjasviðs Arion banka.
Margrét Sveinsdóttir, frkvstj. eignastýringar Arion banka.
Lilja Steinþórsdóttir, frkvstj. innri endurskoðunar Arion banka.
Bryndís Jónsdóttir, frkvstj. starfsmannasviðs Arion banka.
Anna Bjarney Sigurðardóttir, frkvstj. viðskiptabankasviðs
Landsbankans.
Kristín Baldursdóttir, frkvstj. innri endurskoðunar Landsbanka.
Sigríður Hrólfsdóttir, varaformaður bankaráðs Landsbanka.
Guðríður Ólafsdóttir, bankaráði Landsbankans.
Þórdís Ingadóttir, bankaráði Landsbankans.
Lára V. Júlíusdóttir, formaður bankaráðs Seðlabanka Íslands.
Kristín Rafnar, forstöðumaður OMX Nasdaq og formaður
valnefndar Bankasýslu.
Halla Tómasdóttir, starfandi stjórnarformaður Auðar Capital.
Kristín Pétursdóttir, forstjóri Auðar Capital.
Helga Valfells, frkvstj. Nýsköpunarsjóðs.
Elín Jónsdóttir, forstjóri Bankasýslu ríkisins.
Sonja María Hreiðarsdóttir, varaformaður Bankasýslu ríkisins.
Guðrún Ragnarsdóttir, frkvstj. Lánasjóðs íslenskra námsmanna.
Helga Hlín Hákonardóttir, frkvstj. lögfræðisviðs Saga Capital.
FJÁRMÁLAFYRIRTÆKI
Birna Einarsdóttir,
forstjóri Íslandsbanka
VIÐ ÞURFUM AÐ GETA GENGIÐ
VASKLEGAR TIL VERKS
– Hvaða árangur ertu ánægðust með innan þíns fyrirtækis?
Ég er mjög ánægð með allan þann árangur sem starfsfólk bankans á
öllum sviðum hefur náð við uppbyggingu hans frá hausti 2008. Starfs
fólk og viðskiptavinir bankans hafa þurft að starfa við mikla óvissu og í
mjög erfiðu umhverfi en þrátt fyrir það hefur margt áunnist.