Frjáls verslun - 01.05.2010, Blaðsíða 128

128 F R J Á L S V E R S L U N • 5 . T B L . 2 0 1 0
GUÐRÚN RAGNA GARÐARSDÓTTIR
framkvæmdastjóri Atlantsolíu
Atlantsolía er ungt félag í örum vexti en félagið var stofnað í júní 2002. Fyrsta bensínstöð Atlantsolíu var
opnuð í byrjun árs 2005 en nú eru stöðvar
félagsins orðnar 16 talsins. Atlantsolía
kom með ferskan blæ og nýja hugsun
inn á eldsneytismarkaðinn á Íslandi
og hefur frá stofnun verið í fararbroddi
á olíumarkaði á Íslandi. Einnig hefur
Atlants olía verið leiðandi í að kynna nýjar
lausnir við eldsneytiskaup og ber þar
hæst tilkomu dælulykilsins, kvittanir í
tölvu pósti og þjónustusíður. Atlantsolía
er eina olíufélagið sem er eingöngu með
sjálfsafgreiðslustöðvar og selur aðeins
undir einu vörumerki. Framkvæmdastjóri er
Guðrún Ragna Garðarsdóttir:
„Sem framkvæmdarstjóri ber ég ábyrgð
á daglegri stjórnun félagsins. Starfið er
mjög lifandi og ávallt í nógu að snúast.
Við höfum nýlokið við stefnumótunarvinnu
og erum að vinna í endurskoðun á verk-
ferlum innan félagsins til að ná fram hag-
ræðingu en jafnframt bættri þjónustu við
viðskiptavini. Næstu verkefni framundan
eru frekari uppbygging. Við stefnum að því
að fjölga stöðvum og bæta þannig aðgengi
viðskiptavina okkar að stöðvum Atlantsolíu.
Við opnuðum nýja stöð á Skemmuvegi í
vetur og stefnum á að opna aðra stöð á
Akureyri nú í lok sumars.“
Guðrún Ragna er Seyðfirðingur, fædd og
uppalin. Eiginmaður hennar er Jón Valur
Sigurðsson, sölumaður hjá Brimborg, og
eiga þau tvo syni. „Ég lauk cand. oecon.-
gráðu af endurskoðunarsviði frá Háskóla
Íslands 2003 og master í fjármálum frá
EADA í Barcelona 2006 og hef unnið
hjá Atlantsolíu frá því að ég lauk námi í
Barcelona. Fyrir þann tíma vann ég við
bókhald og sem fjármálastjóri, bæði með
námi og eftir nám í HÍ.
Við hjónin eigum bæði sterkar rætur á
Seyðisfirði og notum hvert tækifæri sem
gefst til að fara austur, enda finnst okkur
hvergi betra að vera. Eyðum flestum okkar
fríum fyrir austan en höfum þó farið út fyrir
landsteinana svona einu sinni á ári og þá
oftast í styttri borgarferðir. Síðast fórum
við til Seattle að heimsækja góða vini.
Barcelona er okkar uppáhaldsstaður á eftir
Seyðisfirði enda áttum við frábæran tíma
þar þegar ég var í framhaldsnámi.
Í sumar stefnum við á ættarmót fyrir
vestan og ef við verðum heppin með veður
ætlum við að ferðast aðeins um Vestfirðina.
Í framhaldi af því stefnum við svo austur
á Seyðisfjörð þar sem við munum hlaða
batteríin fyrir haustið. Að öðru leyti nýtum
við lausan tíma í samverustundir með fjöl-
skyldunni, höfum gaman af almennri úti veru
og reynum að komast með strákana á skíði
sem oftast og fara í léttari göngur með þá
yfir sumarið. Áhugamál barnanna verða svo
eiginlega áhugamál fjölskyldunnar, en eldri
strákurinn er í fótbolta og því fylgir að fara
á mót og fylgja honum eftir, sem er mjög
gaman. Þeir feðgar deila fótboltaáhuganum
af heilum hug en minn fótboltaáhugi tak-
markast við íþróttaiðkun sonarins. Einnig
hef ég gaman af því að fara í leikhús og á
listsýningar en það hefur reyndar ekki farið
mikið fyrir þeim áhugamálum undanfarið
sökum annríkis.“
Nafn: Guðrún Ragna Garðarsdóttir
Fæðingarstaður: Seyðisfjörður,
13. júní 1976
Foreldrar: Arnbjörg Sveinsdóttir
og Garðar Rúnar Sigurgeirsson
Maki: Jón Valur Sigurðsson
Börn: Mikael, 9 ára, og Breki, 5 ára
Menntun: Viðskiptafræðingur, cand.
oecon., af endurskoðunarsviði HÍ
og master í fjármálum frá EADA í
Barcelona
Guðrún Ragna
Garðarsdóttir:
„Við hjónin eigum
bæði sterkar
rætur á Seyðisfirði
og notum hvert
tækifæri sem gefst
til að fara austur,
enda finnst okkur
hvergi betra að
vera.“
TEXTI: HILMAR KARLSSON MYND: GEIR ÓLAFSSONFólk