Frjáls verslun - 01.05.2010, Blaðsíða 50

50 F R J Á L S V E R S L U N • 5 . T B L . 2 0 1 0
– Sérð þú einhver teikn á lofti um að það versta sé að baki í
atvinnulífinu?
Nei því miður hef ég illan grun um að sumarið verði okkur erfitt og
jafnvel haustið.
– Er það ekki gömul klisja að það sé munur á konum og körlum
sem stjórnendum?
Nei, ekki frekar en að það sé líkamlegur munur á körlum og konum.
– Hvaða heilræði í stjórnun heldur þú mest upp á?
Hafa gleði á annarri öxlinni og ábyrgð á hinni.
– Viðskiptalífið yrði betra ef …
… fleiri konur væru í stjórnum. 
Aðalheiður situr í stjórn SI, SA og ÁTVR.
„Meiri ábyrgð og aðhald er það sem maður
finnur vel fyrir.“
– Hvaða árangur ertu ánægðust með innan þíns fyrirtækis?
Ég er ánægðust með samhug og samvinnu við birgja og starfsfólkið
okkar. Það hafa allir verið tilbúnir til að finna leiðir og vinna saman
og það er ánægjulegt veganesti í þessari kreppu.
– Finnur þú fyrir nýjum tímum og nýrri hugsun í þjóðfélaginu
eða finnst þér allt vera að fara í sama farveg aftur?
Íslenskt samfélag er enn í áfalli að mínu mati og mikil reiði er
enn áberandi. Íhaldssemi og gömul gildi hafa fengið meðbyr,
sem ég hef áhyggjur af. Ég trúi því að við eigum núna að horfa
til nýsköpunar og vera trú þeim eldi sem býr í þjóðinni en falla
ekki aftur í gryfju virkjanaframkvæmda, stóriðju eða örfárra
ráðandi grunnstoða samfélagsins. Nú er tími fyrir alvöru huga­
f arsbreytingar en til þess þurfum við kjark og þor.
– Ef þú yrðir forsætisráðherra í einn dag; hvert yrði þitt
fyrsta verk?
Gera verulegar breytingar á kvótakerfi, semja um ESB og taka
upp evruna, auka verulega framlög í samgöngur, búa til örvandi
kerfi sem ýtir undir endurvinnslu og flokkun, auka fjámagn til
nýsköpunar og efla menntakerfið en koma á skólagjöldum á
alla háskóla, breyta heilbrigðiskerfinu í þágu notenda. Í dagslok
myndi ég vilja hrósa öllu því góða fólki sem vinnur í ráðu ­
neytunum fyrir óeigingjarnt og gott starf og hringja svo í for ­
set ann og spjalla aðeins og leggja línurnar með honum líka.
– Fjárhagsleg endurskipulagning fyrirtækja er mál málanna.
Hvernig geta bankarnir hraðað þessu ferli?
Bankarnir eiga að leiðrétta höfuðstól erlendra lána. Langflest
fyrirtæki voru ágætlega rekin fyrir hrunið. Bankarnir eiga að
treysta því að eigendur og stjórnendur geti komið fyrirtækjum
út úr öldudalnum en það verður að vera þol fyrir að það taki
tíma að ná tekjum upp aftur í ákveðnum geirum. Stóri vandinn
er vantraust á báða bóga að mínu mati.
– Sérð þú einhver teikn á lofti um að það versta sé að baki í
atvinnulífinu?
Nei, það versta er ekki að baki að mínu mati. Það eru allir að
reyna að halda sjó en við verðum að horfast í augu við það að
enn hægir á hjólum atvinnulífsins og nýjustu tölur úr hag kerf­
inu sýna okkur það.
– Er það ekki gömul klisja að það sé munur á konum og
körlum sem stjórnendum?
Þessi spurning er klisja að mínu mati. Konur eru konur og
karlar eru karlar. Bæði kyn eru frábærir stjórnendur. Aðal ­
atriðið er að fá fjölbreytni í stjórnun fyrirtækja því kynin kalla
það besta fram hvort í öðru.
– Hvaða heilræði í stjórnun heldur þú mest upp á?
Stjórnun snýst alltaf um fólk, viðskipti snúast um fólk, tölur
snúast um fólk. Mitt mottó er að trúa á fólk, það gefur besta
útkomu í því sem ég vil ná fram. Jón Gnarr sagði í viðtali um
daginn að hann byrjaði alltaf á því að treysta fólki sem hann
vinnur með. Ég hef haft þetta mottó síðan ég byrjaði sem stjórn ­
andi fyrir 16 árum og það hefur reynst mér best af öllum þeim
góðu ráðum sem ég hef lært í gegnum tíðina.
– Viðskiptalífið yrði betra ef …
… það væru minni fordómar, meira traust og fjölbreytt mannlíf
í viðskiptalífinu. 
Þórdís Lóa er stjórnarformaður í Naskur ehf., Aladin Invest ehf. og Naskar ehf.
Hún er í stjórn Fresko ehf., Askur OY í Finnlandi og í stjórn Finnsk-íslenska
viðskiptaráðsins.
Þórdís Lóa Þórhallsdóttir,
Fjárfestir og eigandi Pizza Hut
ÞJÓÐIN HORFI
TIL NÝSKÖPUNAR
Hrefna Rós Sætran,
eigandi og yfirkokkur
Fiskmarkaðarins við
Aðalstræti.
Helga Lára Hólm,
frkvstj. Ísfugls í Mosfellsbæ.