Frjáls verslun - 01.05.2010, Blaðsíða 78

78 F R J Á L S V E R S L U N • 5 . T B L . 2 0 1 0
– Kínverjar hafa mikinn áhuga á kunnáttu Íslendinga á sviði
jarðvarma. Hvernig er samskiptum þjóðanna háttað á þessu
sviði.
„Kínverjar vita að Ísland er í fremstu röð í nýtingu jarðvarma og
það hafa hátt í 100 kínverskir vísindamenn og stjórnendur stundað
nám í jarðhitaháskóla Sameinuðu þjóðanna á Íslandi. Þetta hefur
lagt grunn að bæði þekkingu og tiltrú á Íslandi og verið grunnurinn
að samstarfi sem nú er á hraðri uppleið.
Áhuginn fyrir samstarfi fer vaxandi um leið og Kínverjar kynnast
betur þeim möguleikum sem nýting jarðhita felur í sér. Þetta skapar
vinnu á Íslandi og flytur þekkingu um leið á milli landa sem skiptir
máli í heildarsamhenginu, sem mikilvæg leið við að auka hlut endur­
nýjanlegrar orku á svæðum þar sem orkuþörfin vex gegndar laust.“

– Hvað geta Kínverjar helst lært af okkur í orkumálum?
„Orkunýting í Kína er áhugaverð þar sem hún er í senn ein sú
jákvæðasta og neikvæðasta hvað varðar umhverfið og endur­
nýjan lega orkugjafa í samanburði við aðrar þjóðir.

Hún er neikvæð í þeim skilningi að hlutfall mikið mengandi orku­
gjafa í Kína, þ.e.a.s. kola og olíu, er gífurlega hátt. Tæplega 70%
allrar raforku í Kína fæst við brennslu á kolum og svo hátt hlutfall
kolabrennslu er vandfundið. Þarna höfum við náð miklum árangri
og hlutfall heildarorkunýtingar á Íslandi frá endurnýtanlegu vatnsafli
og jarðvarma álíka mikið eða um 80%.
Jákvæða myndin er sú að tækniþróun á sviði grænnar orkunýt­
ing ar er örari í Kína en víðast annars staðar og áform stjórnvalda um
vöxt endurnýjanlegra orkugjafa í heildarorkunýtingu þjóðarinnar svo
metnaðarfull að líklegt verður að telja að Kína verði í hópi fremstu
þjóða á því sviði innan nokkurra ára.
Af þessu má draga þá ályktun að Kínverjar geti lært töluvert af
Íslendingum á sviði nýtingar jarðhita. Fyrst í stað er fordæmisgildið
sér staklega áríðandi þar sem orkunýting á Íslandi sýnir og sannar að
það er hægt að byggja virkt samfélag og hagkerfi á endurnýjanlegum
orkugjöfum.“

– Hefur þú orðið vör við að Kínverjar sýni áhuga á að fjárfesta á
Íslandi?
„Kínverjar eru að fjárfesta um allan heim og hafa lýst áhuga á að
fjárfesta á Íslandi eins og fram kom í heimsókn kínverskrar sendi­
nefndar til Íslands í júní. Orkumálin eru þeim hugleikin og það er
ljóst að Kínverjar hafa áhuga á því að skoða möguleika á virkjana­
fjárfestingum á Íslandi og taka þátt í útboðum ef boðin verða út stór
verkefni. Sjálf hef ég kynnst fólki sem er að skoða ýmsa möguleika
í fjárfestingum og samstarfi við íslenska aðila. Úrvalsfólki sem
Deng Xiaoping þykir hafa verið maður fólksins
og á síðustu misserum hafa verið skrifaðar
margar bækur um hann og hlutverk hans í
nútímavæðingu Kína.
Við torg hins himneska friðar.