Frjáls verslun - 01.05.2010, Blaðsíða 101
F R J Á L S V E R S L U N • 5 . T B L . 2 0 1 0 101
Eva Magnúsdóttir,
forstöðumaður sölu hjá Mílu.
Í framkvæmdastjórn Mílu eru 50%
forstöðumanna konur, eða tvær af fjórum og
í henni, auk mín, er Sigrún Hallgrímsdóttir,
forstöðumaður greiningar. Deildarstjórar hjá
fyrirtækinu eru sjö og eru þrír þeirra konur,
þær: Guðrún Gyða Árnadóttir, deildarstjóri
viðskiptastýringar, Sigurrós Jóns dóttir,
deildarstjóri markaðsstýringar, og Hrund
Grétarsdóttir, deildarstjóri verkefna stýringar
netið.
Lögð hefur verið mikil áhersla við
nýráðn ingar á að ráða fleiri konur til starfa
hjá fyrirtækinu. Það hefur verið gert mark -
visst en að sjálfsögðu undir þeim formerkj-
um að hæfasti einstaklingurinn verði fyrir
valinu.“
Þjónustumiðað skipulag
„Skipulag Mílu er einfalt og þjónustumiðað.
Sala og netið eru þau svið sem sjá um
sölu, þjónustu og rekstur. Einnig eru hjá
fyrirtækinu stoðsviðin greining og þróun
og öryggismál. Framtíðarsýn Mílu er að
vera leiðandi og traustur samstarfsaðili sem
tryggir samskipti. Að mati stjórnenda Mílu
er mjög mikilvægt að bæði kynin komi að
stjórnun fyrirtækisins til að uppfylla skilyrði
framtíðarsýnar.“
Vefmyndavélar á gosstöðvum
„Míla hefur að undanförnu haslað sér völl
á nýjum vettvangi. Að frumkvæði dríf-
andi starfsmanna Mílu voru settar upp
vef myndavélar á gosstöðvunum sem náðu
athygli umheimsins. Þar naut Míla frá -
bærra hæfileika tæknimanna og fjallagarpa
sem settu upp vélar við erfiðar aðstæður.
Þegar yfir lauk höfðu tæpar níu milljónir
manna frá öllum heiminum skoðað eldgosið
í beinni útsendingu á heimasíðu Mílu.
Þannig unnu tæknifólk og markaðsfólk Mílu
frábærlega saman í skemmtilegu verkefni.
Við stelpurnar erum þannig umkringdar
háfjallahetjum og gríðarlega hæfum tækni -
mönnum sem halda fjarskiptakerfi lands -
manna gangandi hvað sem á dynur.“
„Míla er lífæð samskipta á Íslandi og kemur samskiptum
Íslendinga til umheimsins og á milli héraða.“
„Lögð hefur verið mikil áhersla á það við nýráðningar að ráða fleiri konur til starfa hjá fyrir
tækinu. Það hefur verið gert markvisst en að sjálfsögðu undir þeim formerkjum að hæfasti
einstaklingurinn verði fyrir valinu.“