Frjáls verslun - 01.05.2010, Blaðsíða 63
F R J Á L S V E R S L U N • 5 . T B L . 2 0 1 0 63
Fyrsta tengslanetsráðstefnan var haldin árið 2004 og vakti að sögn Herdísar strax mikla athygli þar sem hana sóttu konur úr öllu litrófi stjórnmála og starfsstétta. „Það gætti sterkra hughrifa samstöðu á fyrstu ráðstefnunni, eins og konur áttuðu sig á því að saman gætu þær áorkað meiru
en í smáum hópum. Tengslanetið var haldið aftur að ári og alltaf
óx þátttakan þar til það varð sprenging árið 2008 þegar hátt í fimm
hundruð sóttu tengslanetið.“
Frægir einstaklingar eins og rithöfundurinn og baráttukonan
Germaine Greer hafa verið lykilfyrirlesarar en Herdís segir að það
sé ekki síst hin fjölbreytta samsetning fyrirlesara úr öllum áttum
íslensks samfélags sem skapi dýnamíkina.
„Umfjöllunarefni í dagskrá er þaulhugsað og fjölbreytt en einnig
þannig framsett að það nær til allra. Fyrirlesarar eru með ólíkan bak
grunn – hver talar að meðaltali í 10 mínútur í panel með fjórum til
fimm öðrum um ákveðið efni og síðan tekur við næsti panell með
annað umfjöllunarefni. Þetta eru snörp umskipti og salurinn hrífst
allur með. Umræður eru í kjölfar hvers panels og svigrúm til sam
ræðna inn á milli.“
Ráðstefnan sendi frá sér ályktanir árið 2004, 2005 og 2006 sem
höfðu áhrif á löggjöf – til dæmis afnám launaleyndar á vinnustöðum
sem kom inn í jafnréttislögin nr. 10/2008 og jafnræði í stjórnun opin
berra hlutafélaga 2006.
„Tengslanetsráðstefnan er orðin afl með óbeinum hætti – hún
undir strikar þann kraft sem leiðir af samskiptum sem þessum og
hún hefur valdið viðhorfsbreytingu í samfélaginu þótt enn sé langt í
land. Konur sem hafa sótt ráðstefnuna eiga það flestar sameiginlegt
að vita af eigin raun að samstaða kvenna er ekki bara gildi í sjálfu sér
heldur eina leiðin til að ná árangri í þeirri mannréttindabaráttu sem
jafnrétti kynjanna er.“
Jákvæðniiðnaðurinn
Barbara Ehhrenreich var aðalfyrirlesarinn á síðustu ráðstefnunni,
Tengslaneti V. Hún er bandarískur metsöluhöfundur og fastur dálka
höfundur á stórblaðinu New York Times auk þess að vera vinsæl í
spjallþáttum, femínisti og baráttukona fyrir mannréttindum.
Dr. Herdís Þorgeirsdóttir prófessor er stofnandi og stjórnandi tengslanets-
ráðstefnunnar, sem haldin hefur verið á Bifröst frá árinu 2004, og hún er forseti
Evrópusamtaka kvenlögfræðinga. Herdís segir jafnréttislögin eiga að jafna
stöðu kynjanna á öllum sviðum og að þar hafi stjórnvöld, stofnanir og fyrirtæki
á almennum markaði skyldur sem þau virðast ekki taka nógu alvarlega. „Kjarni
málsins er að það er komið verr fram við konur.“
TEXTI: SVAVA JÓNSDÓTTIR
MYNDIR: GEIR ÓLAFSSON O.FL.
HERDÍS ÞORGEIRSDÓTTIR PRÓFESSOR:
HLUTUR KVENNA
ENN RÝR
Dr. Herdís Þorgeirsdóttir, forseti Evrópusamtaka kvenlögfræðinga,
og Hermann Van Rompuy, forseti Evrópusambandsins á ráðstefnu
Evrópusamtaka kvenlögfræðinga í Brussel í byrjun júní sl.