Frjáls verslun - 01.05.2010, Page 39

F R J Á L S V E R S L U N • 5 . T B L . 2 0 1 0 39
– Finnur þú fyrir nýjum tímum og nýrri
hugsun í þjóðfélaginu eða finnst þér allt
vera að fara í sama farveg aftur?
Það má finna fyrir nýjum tímum í þjóð­
félaginu og finnst mér það fyrst og fremst
einkennast af því að fólk er opið fyrir breyt ­
ingum og í því leynast tækifæri. Við þurfum
að byggja efnahagskerfið upp til framtíðar
og þroskast upp úr ver tíðar stemningunni
sem stund um hefur einkennt okkur
Íslendinga.
– Ef þú yrðir forsætis ráðherra í einn dag;
hvert yrði þitt fyrsta verk?
Það er mín skoðun að þegar mikil ringulreið
og óvissa myndast, eins og í raun má segja
að hafi skapast við hrun bankakerfisins,
þá sé brýn þörf á skýrri framtíðarsýn. Ég
myndi því reyna að vísa veginn til bjartari
framtíðar og ná sam stöðu þjóðarinnar
um þau verkefni sem verður að vinna.
Fólk er líklegra til að sætta sig tímabundið
við auknar álögur og lakari kjör ef það er
upplýst um stefnu og tilgang og veit að það
á betri tíð í vændum. Skorti framtíðarsýn er
hætta á að einstaklingshyggjan taki völdin
og mun færri njóti ávinningsins.
– Fjárhagsleg endurskipu lagning
fyrirtækja er mál málanna. Hvernig geta
bankarnir hraðað þessu ferli?
Uppbygging efnahags kerfisins byggist
á endurskipulagningu fyrir tækjanna.
Bankarnir eru þegar farnir af stað í þessu
ferli og við munum fljótlega sjá ávinning
þess. Það er alls ekki auðvelt fyrir bankana
að finna leið sem mismunar ekki og gagnast
sem flestum en með sanngirni að leiðarljósi
treysti ég starfsmönnum bankanna til að
vinna að þessum málum á faglegum grunni
og komast að niðurstöðu í hverju og einu
máli sem er sanngjörn. Því miður er það
svo að tortryggni er mikil í þjóðfélaginu og
það er í raun sama hvaða leið verður valin
í ákveðnum málum, sú leið mun verða
gagnrýnd. Við þurfum að skapa sam stöðu
í þjóðfélaginu um að hraða þurfi þessu ferli
og samstaðan myndast fyrst og fremst með
því að upplýsa um mögulegan ávinning.
– Sérð þú einhver teikn á lofti um að það
versta sé að baki í atvinnulífinu?
Það versta er mögulega að baki en við
eigum á brattann að sækja. Það skortir
samstöðu og sam eiginlega sýn og ljóst að
stjórnvöld, launafólk og atvinnurekendur
verða að ná betur saman um framhaldið.
– Er það ekki gömul klisja að það sé munur
á konum og körlum sem stjórnendum?
Já og nei – ég tel að í grunninn sé fólk mis­
mun andi og því sé hollt að blanda bæði
kynjum og ólíkum einstaklingum saman
til að ná sem best um árangri. Allar raddir
verða að fá að heyrast innan fyrirtækisins
til að það takist að byggja upp arð bært
fyrirtæki með heiðar leika í viðskiptum og
samfélagslega ábyrgð að leiðarljósi.
– Hvaða heilræði í stjórnun heldur þú
mest upp á?
Látum verkin tala.
– Viðskiptalífið yrði betra ef …
… ja, meðal annars ef menn hafa heiðar­
leika og samfélagslega ábyrgð að leiðarljósi
og láta langtímahagsmuni ráða frekar en
skamm tímagróðasjónarmið. 
Svanhildur situr í stjórnum eftirfarandi fyrirtækja:
Skeljungur hf., Saga Capital hf., S­fasteignir ehf.,
Ö­fasteignir ehf., Birgðastöðin Miðsandi ehf.,
Hilda ehf., Saga eignarhaldsfélag ehf. og Hedda
eignarhaldsfélag ehf.
LÁTUM VERKIN TALA
Anna Birna Jensdóttir,
forstjóri Sóltúns.
Guðrún Erla Jónsdóttir,
forstjóri Orkuveitu Húsavíkur.
Svanhildur Nanna
Vigfúsdóttir,
eigandi Skeljungs