Frjáls verslun - 01.05.2010, Blaðsíða 71

F R J Á L S V E R S L U N • 5 . T B L . 2 0 1 0 71
KRISTIN SKOGEN LUND er nýr forseti samtaka atvinnulífsins í Noregi
– NHO. Þar með er kona í fyrsta sinn tekin við stjórn hins gamla og trausta
vinnuveitendasambands frænda okkar Norðmanna.
áhrifamestaKona stýrir norskum vinnuveitendum í fyrsta sinn:
NAN
eiðtogaskiptin bar brátt að og ekki
samkvæmt áætlun. Fyrri forseti,
Paul Christian Rieber, neydd ist til að
segja af sér eftir að upp komst um
hneyksli í fyrirtæki hans, Rieber og
søn í Björgvin. Svo var að um árabil
hafði fyrirtækið flutt inn lýsi frá Vestur ­Sahara.
Lýsið var skráð til manneldis og því tollfrítt. Það
var hins vegar alltaf notað í fiskeldi og átti þá
að tollast. Auk þess hafa norsk stjórnvöld ráðið
fyrirtækjum frá viðskiptum við hið hernumda
Vestur­Sahara vegna stjórnmálaástands þar og
meintra mannréttindabrota.
Óvíst er hvort Rieber vissi hvernig þessum við­
skiptum, sem starfsmenn hans skipulögðu, var
háttað en hann varð engu að síður að taka pok ann
sinn sem forseti fyrir Næringslivets hove d organisasjon
– NHO. Þetta var nokkur álits hnekkir fyrir NHO
og því var það eitt til ráða að leita að konu í for­
seta embættið.
Þar er hins vegar ekki í kot vísað þar sem Kristin
Skogen Lund er. Hún er aðeins 43 ára að aldri
og er rísandi stjarna meðal stjórnenda í Noregi.
Núna er hún forstjóri Telenor Nordic, þeirrar deildar
síma fyrirtækisins Telenor sem sér um viðskipti á
Norður löndum og Eystrasaltslöndunum. Velta í deild
Kristínar er um 1.000 milljarðar íslenskra króna á ári.
Telenor er stærsti vinnuveitandi í Noregi.
Kristin er með meistaragráðu í hagfræði og á
að baki nám bæði í Bandaríkjunum og Frakk­
landi. Hún hefur smátt og smátt unnið sig upp
í úrvalsdeild forstjóra í Noregi eftir að hafa sinnt
störfum í Svíþjóð, Finnlandi, Þýskalandi og Eng­
landi. Hún vann fyrir Coca Cola og var um skeið
tengd útgáfufélagi Aftenposten. Þar stýrði hún
ýmsum deildum og var framkvæmdastjóri útgáf­
unnar þegar hún tók við norrænudeildinni hjá
Telenor í upphafi þessa árs.
Auk þessa á hún sæti í stjórn Orkla, sem er
stærsta fjárfestingarfyrirtæki Noregs með mikil
ítök bæði í matvælaframleiðslu og stóriðju. Hún
situr í stjórn Fílharmóníunnar og er í tengslaneti
með ungum hægrikonum. Hún er fjögurra barna
móðir – eignaðist tvisvar sinnum tvíbura – og fyrir
tíu árum var bent á hana sem framtíðarleiðtoga
sem stýrði fyrirtækjum innan um grautardiskana á
eldhúsborðinu heima. Núna er hún almennt talin
áhrifamesta konan í norsku atvinnulífi.
TEXTI: GÍSLI KRISTJÁNSSON