Frjáls verslun - 01.05.2010, Side 130

130 F R J Á L S V E R S L U N • 5 . T B L . 2 0 1 0
JÓNA HILDUR BJARNADÓTTIR
sviðsstjóri almenningsíþrótta
„Starf mitt felst aðallega í því að halda land-
anum á iði með því að bjóða upp á fjölbreytt
verkefni sem hvetja fólk til þess að hreyfa
sig. Verkefnin Lífshlaupið, Hjólað í vinnuna,
Göngum í skólann og Kvennahlaupið eru á
vegum almenningsíþróttasviðs Íþrótta- og
ólympíusambandsins og er hlutverk sviðs-
stjóra að halda utan um þessi verkefni, t.d.
hugmyndavinnu, markaðsmál, fjármál og
skipu lag. Hjólað í vinnuna fer fram í maí og
er vinnustaðakeppni þar sem við hvetjum
starfsmenn til þess að nýta eigin orku til
að ferðast til og frá vinnu. Lífshlaupið er
fyrir allan aldur þar sem við bjóðum upp
á vinnustaðakeppni, hvatningarleik fyrir
grunn skóla og einstaklingskeppni sem
er í gangi allt árið. Göngum í skólann fer
fram í september og er hvatning fyrir nem-
endur grunnskólans og foreldra að fara
fót gangandi í skólann frekar en að keyra
börnin. Nú er nýafstaðið kvennahlaup
sem var haldið í 21. sinn. Við erum ákaf-
lega stolt af kvennahlaupinu, sem er fjöl-
mennasti og útbreiddasti íþróttaviðburður
sem fer fram hér á landi á hverju ári. Við
erum einnig með námskeið fyrir stafgöngu-
leiðbeinendur og bjóðum upp á sérstakan
stafgöngudag í september.
Næstu vikur fara aðallega í skýrslugerð,
senda viðurkenningar til þeirra sem skrá
hreyfingu sína inn á vef Lífshlaupsins, undir-
búning fyrir Göngum í skólann og næsta
staf göngudag. Við erum einnig að undirbúa
endurútgáfu á bæklingnum „Líkamsæfingar
fyrir fólk á besta aldri“ þannig að það er
nóg af spennandi verkefnum framundan.“
Jóna Hildur er uppalin í Reykjavík og
útskrifaðist sem stúdent frá Mennta skól-
anum við Sund 1987. Síðan lá leiðin á
Lauga rvatn í íþróttakennaraskólann sem
hún kláraði 1989. „Eftir námið fluttist ég út
á land og kenndi þar í sex ár en flutti aftur
á mölina og fór þá í almennt kennaranám í
KÍ og lauk því 1998. Í dag er ég í meistara-
námi í stjórnun heilbrigðisþjónustu við Há skól -
ann á Bifröst.“
Jóna Hildur er gift Hilmari Þór Arnarsyni
og eiga þau tvær dætur, Ágústu Ýri Sig -
urðar dóttur, 19 ára, og Ástrósu Helgu
Hilmars dóttur, 20 ára. „Við erum svo heppin
í fjölskyldunni að áhugamál okkar allra eru
íþróttir og fylgjumst við grannt með, aðallega
handbolta og líkamsrækt. Ágústa Ýr er í
meistaraflokki Fram í handbolta, Ástrós
Helga þjálfar fimleika hjá Aftureldingu og við
hjónin erum með leikfimi og einkaþjálfun
hjá almenningsíþróttadeild Fram. Við för -
um alltaf í útilegur og göngur á sumrin,
spil um golf og förum í sumarbústað fjöl-
skyld unnar í Grímsnesi. Fyrir 18 árum fékk
ég mikinn áhuga á hlaupum og hef tekið
þátt í ýmsum hlaupaviðburðum eins og t.d.
Reykjavíkurmaraþoninu þar sem ég náði
að hlaupa maraþon sem var ótrúleg upp-
lifun en krefjandi. Síðasta sumar fórum
við ógleymanlega ferð til Vestfjarða, en í ár
byrjum við sumarfríið á því að fara á ættar-
mót til Vestmannaeyja, síðan ætlum við að
heimsækja vini okkar á Egilsstöðum og ná
nokkrum útilegum.
Í október eigum við Hilmar síðan von á
barni og öll fjölskyldan bíður spennt eftir að
litla krílið komi í heiminn.“
Nafn: Jóna Hildur Bjarnadóttir
Fæðingarstaður: Reykjavík,
2. ágúst 1967
Foreldrar: Bjarni Pétur Magnússon
og Steingerður Hilmarsdóttir
Maki: Hilmar Þór Arnarson
Börn: Ágústa Ýr, 19 ára, og Ástrós
Helga, 20 ára
Menntun: Kennari
Jóna Hildur
Bjarnadóttir: „Við
erum svo heppin
í fjölskyldunni að
áhugamál okkar
allra eru íþróttir og
fylgjumst við grannt
með, aðallega
handbolta og
líkamsrækt.“
Fólk
Ármúla 30 | 108 Reykjavík | Sími 560 1600 | www.borgun.is
Borgun auðveldar viðskipti og hefur sérhæft sig í öruggri
greiðslumiðlun í 30 ár. Þekking okkar og reynsla nýtist
viðskiptavinum á hverjum degi, allan sólarhringinn.