Frjáls verslun - 01.05.2010, Blaðsíða 117

F R J Á L S V E R S L U N • 5 . T B L . 2 0 1 0 117
horni 53. strætis og 5th Avenue á Manhattan hefur
Þórunn Matthíasdóttir Bigler rekið ferðaskrifstofu
um árabil, TMB Travel, í samstarfi við Protavel Inc.
Hún hóf ferðaskrifstofuferilinn fyrir margt löngu á
ferðaskrifstofunni Lönd og leiðir sem var í Aðalstræti.
Þaðan hélt hún til London og fimm árum síðar til
Bandaríkjanna. Hún sinnir bandarískum ferða mönnum og reyndar
líka Íslendingum vestan hafs og austan.
Þórunn segir hlæjandi að hún hafi eiginlega byrjað í þessum bransa
strax í vöggu, a.m.k. finnist henni vera svo langt síðan. „Ég vann fyrst
á Ferðaskrifstofu á Íslandi en bauðst starf í London og ætlaði að vera
í eitt ár. Árin urðu næstum fimm! Mér var boðið í skoðunarferð til
New York á vegum breska flugfélagsins og leist svo vel á að ég ákvað að
flytja og var komin vestur eftir rúma þrjá mánuði. Þetta hentaði mér
líka mjög vel því systir mín bjó þá í miðríkjunum og fjöl skyld an var á
Íslandi og stutt var að fara í báðar áttir.“
Lægra verð vegna mikilla viðskipta
Í New York vinnur Þórunn við að búa til ferðapakka fyrir Banda-
ríkjamenn sem vilja fara til Íslands eða eitthvað allt annað, út um
allan heim. Hún skipuleggur líka ferðir fyrir menn í viðskiptalífinu
sem hún segir að ferðist mestmegnis á fyrsta farrými vegna þægind-
anna. Svo er hún að sjálfsögðu vel kynnt meðal Íslendinga hvort
heldur þeir búa í Bandaríkjunum eða hér heima. Margir Íslendingar
sækjast eftir að fá hana til að útvega sér t.d. hótel vestra því oft á tíð-
um getur hún fengið betra verð en fólk fær sjálft með því að panta
á netinu, vegna þess að ferðaskrifstofan er í miklum viðskiptum við
hó telin sem bjóða þá lægra samningsverð.
„Ég vinn ein hér hjá TMB Travel í augnablikinu en var með að stoðar-
stúlku í 10 ár. Ég veit ekki hvort ég fæ mér aftur aðstoð, það fer eftir
ástandinu, sem hefur breyst eftir að kreppan skall á, bæði hér og heima á
Íslandi. Breytingar hafa orðið á ferðamáta fólks sem horfir nú meira
í pen ingana en áður og bókar seinna en það gerði. Viðskiptaferðirnar
hafa þó ekki breyst mikið. Íslendingar fá mig mikið til að sjá um
siglingar í Karíbahafinu. Þar þekki ég vel til þar sem ég er búin
að vera í þessu svo lengi. Svo skipulegg ég einnig ferðir innan
Bandaríkjanna ef fólk óskar eftir því.“
Erfiðara að skipuleggja Íslandsferðir nú en áður
Kreppan á Íslandi og gosið í Eyjafjallajökli hafa haft einhver áhrif á
Íslands ferðir Bandaríkjamanna að mati Þórunnar. Verðlagið er ekki
eins lágt og menn bjuggust við í fyrstu og erfiðara að skipuleggja ferðir
hingað en áður þegar ekki er ljóst hvert helst eigi að beina ferða mönn-
unum vegna afleiðinga eldgossins.
Þórunn segir að lokum að það sé merkilegt að alltaf sé mest að
gera á mánudögum. Það sé eins og um helgar tali fólk sig saman um
að fara í ferðalag og svo hafa allir samband á mánudegi. Reyndar eru
föstu dagar líka erfiðir. Þá hringja sumir upp úr fimm og vilja hafa
allt klárt fyrir lokun! Þeir sem vilja hafa samband við Þórunni geta
sent henni tölvupóst á thorunn.bigler@protravelinc.com.
ÞÓRUNN MATTHÍASDÓTTIR BIGLER:
HÓF FERILINN Í AÐALSTRÆTI
– NÚNA Á 5TH AVENUE
Hún hóf ferilinn á ferðaskrifstofunni Lönd og leiðir í Aðalstræti. Núna er hún á 5th Avenue
og skipuleggur m.a. pakkaferðir fyrir Bandaríkjamenn til Íslands.
„Það er alltaf mest að gera á mánudögum. Það er eins og fólk ræði um það um helgar að fara í
ferðalög og hringi svo strax eftir helgina.“
Þórunn Matthíasdóttir fæddist í Reykjavík en ólst upp
á Hvolsvelli. Faðir hennar hét Matthías Jochumsson en
móðrin Margrét Hreinsdóttir.