Frjáls verslun - 01.05.2010, Blaðsíða 124
124 F R J Á L S V E R S L U N • 5 . T B L . 2 0 1 0
TEXTI: HILMAR KARLSSON
Kvik myndir
Frekar lítið hefur farið fyrir Juliu Roberts í kvikmyndum síðustu árin. Það er af sem áður var þegar hún var hæst launaða kvikmyndaleikkona heims og ofarlega á lista yfir áhrifamestu konur í heimi. Í stað þess að vera í sviðsljósinu hefur Julia Roberts gefið sér meiri tíma til
að sinna móðurhlutverkinu en að leika í kvikmyndum, en hún á
með eiginmanni sínum, kvikmyndatökumanninum Daniel Moder,
tvíburana Hazel og Phinnaeus, sem fæddust í nóvember 2004,
og soninn Henry Daniel, sem fæddist í júní 2007. Frá því hún
eignaðist tvíburana hefur hún aðeins leikið í fimm kvikmyndum;
Charlie Wilson’s War, Fireflies in the Garden, Duplicity, Valentine’s
Day og Eat Prey Love, sem verður frumsýnd vestanhafs í ágúst og í
október hér á landi. Af þessum kvikmyndum er það aðeins Eat Prey
Love sem stendur og fellur með túlkun hennar, en Roberts er nánast
í mynd allan tímann. Þess má þó geta að meðan á barneignum
stóð talaði hún inn á tvær vinsælar teiknimyndir, The Ant Bully og
Charlotte’s Web.
Eat Prey Love er byggð á einhverrri mest seldu bók síðari ára sem
var hátt í tvö hundruð vikur á metsölulista New York Times. Um er
að ræða endurminningar rithöfundarins Elizabeth Gilberts og vísar
nafn bókarinnar til þriggja áfanga í heimsreisu hennar eftir skilnað
við eiginmann sinn: Eat vísar til þess að njóta lífsins og borða á
Ítalíu; Prey er fjögurra mánaða dvöl hennar á Indlandi þar sem hún
stundaði jóga og hugleiðslu í leit að sjálfri sér og Love fjallar um veru
hennar á Balí þegar hún fann ástina aftur.
Julia Roberts tekur áhættuna í Eat Pray Love, skilur
við eigin manninn, fer í heimsreisu til að finna sjálfa sig,
borðar á Ítalíu, stundar hugleiðslu á Indlandi og finnur
ástina á Balí
Julia Roberts í hlutverki rithöfundarins Elizabeth Gilberts í Eat Prey Love.
BORÐA, BIÐJA, ELSKA
Spænski leikarinn Javier Bardem leikur hinn brasilíska Felipe sem
heillar Elizabeth á eyjunni Balí.