Frjáls verslun - 01.07.2010, Síða 16

16 F R J Á L S V E R S L U N • 7 . T B L . 2 0 1 0
Könnun meðal 1.500 starfsmanna í fyrirtækjum víða um heim tekur af öll tvímæli um hvað fólki mislíkar mest á vinnustað:
Óánægja á oftast upphaf sitt í samskiptum
starfsfólks og stjórnenda. Fólkið, sem á
að vinna sjálfa vinnuna, er óánægt með
framkomu, gerðir eða aðgerðaleysi yfir­
mann anna og segir heldur upp en að búa
við slíka óáran.
Í könnuninni voru gefnir upp nokkrir
möguleikar og spurt: Hvað gæti orðið til
þess að þú segðir upp vinnu þinni?
Svörin dreifðust að vonum svolítið er samt
komu fram skýrar línur. Sænska stjórn unar ­
tímaritið Chef hefur tekið saman lista yfir
þau fimm atriði sem valda mestum pirringi
á vinnustað. Þetta eru helstu ástæður þess að
fólk tekur pokann sinn í fússi og bara fer:
Boðleiðir milli yfirmanna og starfsfólks
virðast tepptar og stjórnendur fyrirtækisins
láta sér á sama standa. Alls gáfu 42%
að spurðra þetta upp sem fyrstu ástæðu þess
að þeir myndu leita sér að annarri vinnu.
Sambandsleysi af þessu tagi veldur óvissu og
óöryggi. Enginn vill áhugalausa og fjarlæga
stjórnendur.
Of mikið vinnuálag og yfirvinna. Þetta
reyndist umkvörtunarefni númer tvö.
Starfsfólki finnst sem yfirmennirnir hafi
engan skilning á hve mikið það geti unnið.
Fólkið vill fá aðeins meiri tíma til að ljúka
verkum sínum og vill ekki að vinnan éti upp
frítímann. 37% gáfu upp þessa ástæðu fyrir
að hætta.
Skortur á umbun fyrir vel unnin störf
veldur nagandi óánægju. Ólundin grefur um
sig í fyrirtækinu. Stundum er hrós nóg en
það hefur líka mikil áhrif ef stjórinn opnar
bæði munninn og budduna samtímis og
lætur launahækkun fylgja hrósinu. Skortur á
umbun var frágangssök fyrir 33% aðspurðra.
Stefnuleysi í störfum fyrirtækisins. Góðir
starfskraftar hverfa oft ef fyrirtækið virðist
ekki stefna að neinu sérstöku, það hefur
engar hugsjónir og engin markmið að keppa
að. Allir vilja vera í sigurliði en enginn
sigrar nema sækja að marki. 31% nefndi
markmiðin.
Leiðinlegir vinnufélagar. Auðvitað er
ástæða til að leita á ný mið ef fýlupoki situr
við hvert borð á skrifstofunni. Stundum er
baktal og rógur innan fyrirtækis ástæða þess
að fólk leitar burt út leiðindunum. Þarna
geta yfirmenn beitt sér og reynt að bæta
andrúmsloftið. 29% sögðust myndu flýja
leiðindi.
ÞAU HAFA ORÐIÐ
GRÆJUR011
SNJALL Í SPJALL
Páll Stefánsson, ljósmyndari:
Nokia, finnski farsímarisinn, er að koma með nýjan snjallsíma, Nokia N8, sem verður þeirra toppsími. Snjallsímar hafa
slegið í gegn á síðustu misserum, en á fyrsta
hálfa árinu 2010 seldust tæplega 50 milljónir
snjallsíma í heiminum. Nokia eru stærstir
með 41% markaðshlutdeild, næstir koma
Blackberry með 18% og síðan Apple með
14%, aðrir framleiðendur eru mun minni.
Hvað hefur N8 upp á að bjóða? Hann er
með GPS­ og Ovi­kort yfir mestallan hinn
byggilega heim. Það er rými fyrir hátt í
10.000 uppáhaldslög þín í símanum, hann
er með útvarpi, netvafra og myndavél sem
slær flestum venjulegum myndavélum við.
Hann er með stóra flögu, Carl Zeiss­linsu og
myndirnar eru 12 milljón pixlar.
Vídeóupptakan í símanum er í HD og með
GPS­hnitum eins og myndirnar. Skjárinn
er 3,5 tommu snertiskjár í sömu stærð og
keppinauturinn iPhone frá Apple.
En það sem N8 hefur fyrst og fremst fram­
yfir iPhoninn er alvöru myndavél og kort
sem eru svo nákvæm, að jafnvel minnstu
sumarbústaðarvegir eru merktir þar inn á.
Síðan er hægt að hringja og taka á móti
símtölum í snjallsímanum N­áttunni, það er
víst mikill kostur.
STJÓRNUN012
FLÝJA FÁLÆTI YFIRMANNA
Gísli kristjánsson blaðamaður í Ósló: