Frjáls verslun - 01.07.2010, Blaðsíða 81

F R J Á L S V E R S L U N • 7 . T B L . 2 0 1 0 81
Fólk
GUNNHILDUR ARNARDÓTTIR
framkvæmdastjóri félagasamtakanna Stjórnvísi
Gunnhildur tók nýlega við fram-kvæmda stjórastarfi hjá Stjórnvísi sem er stærsta og öflugasta fagfélag um framsækna stjórnun
á Íslandi. Markmið félagsins er að stuðla
að umbótum í stjórnun íslenskra fyrirtækja
með miðlun þekkingar og reynslu meðal
stjórnenda. „Starf mitt felst aðallega í
að vera í góðu sambandi við félagsmenn
sem eru 800 talsins hjá 250 fyrirtækjum.
Kjarnastarfið fer fram í faghópum sem í
dag eru 16 talsins á jafnmörgum sviðum
stjórnunar. Hver hópur boðar til fundar að
jafnaði einu sinni í mánuði þar sem tiltekið
málefni er tekið til umfjöllunar í fyrirlestra-
og umræðuformi eða á annan hátt. Ég
að stoða hópana við að auglýsa fundina á
heima síðu félagsins og senda út fundarboð
ásamt því að hvetja þá til samstarfs og
aðstoða við ráðstefnur. Í starfi mínu felst
jafnframt almennur rekstur félagsins og nýt
ég stuðnings frábærrar stjórnar og félags -
manna. Þessa dagana er allt á fullu hjá
fag hópunum að undirbúa metnaðarfulla dag-
skrá vetrarins. Sumir hópanna auglýsa strax
alla fundi vetrarins á heimasíðu félagsins á
meðan aðrir kynna þá jafnóðum. Hin árlega
Haustráðstefna Stjórnvísi er í undirbúningi
og mun hún skarta frábærum fyrirlesurum
sem enginn ætti að missa af.“ Það þarf
engan að undra að Gunnhildur skyldi
veljast í framkvæmdastjórastarf Stjórnvísi.
„Félagsstarf hefur verið stór hluti af lífi
mínu alla tíð. Í dag er ég formaður Emblna
sem er félagsskapur MBA-kvenna sem eru
útskrifaðar frá HR. Einnig er ég í Advisory-
board fyrir MBA-námið í HR “
Gunnhildur er alin upp í veðursældinni í
Laugarnesinu og lék sér þar í fjörunni öllum
stundum. „Ég nýt mín hvergi eins vel og í
fjörum því þær eru svo fullar af lífi hvert
sem litið er. Þegar ég var að alast upp voru
sveitabæir í Laugardalnum og hesthús
Fáks. Í dag búum við á Seltjarnarnesi
sem er algjör náttúruparadís þar sem við
vökn um upp við fuglasöng á morgnana.
Þrjár ólíkar fjörur umkringja Nesið og ekkert
er eins endurnærandi og að ganga í fersku
sjávarloftinu í kringum Nesið eftir vinnudag.
Maðurinn minn Hafsteinn er mikil aflakló
hvort heldur er á fisk, fugl eða dýr. Hann
á bát með vinum sínum og sonurinn veit
ekkert skemmtilegra en sigla út á sjó
með pabba sínum, hann ætlar að verða
sjómaður þegar hann er orðinn stór. Meðan
eiginmaðurinn er við veiðar nýt ég þess að
fara í sund sem ég geri nær daglega og að
lesa góðar bækur.
Reyndar er ég mikill bókaormur, er
fastagestur á Bókasafni Seltjarnarness og
er líka dug leg að vera í leshringjum. Svo
legg ég stund á heimspeki í fimm vikur á
haustin með krökkunum sem ég var með í
barna skóla. Við hittumst í gamla skólanum
okkar, Laugalæk, og njótum handleiðslu
bekkjar félaga okkar Jóns Thoroddsen heim-
spekings. Þarna ræðum við tilgang lífsins,
og leitum svara við spurningum eins og:
Fylgir virðing valdi? Hvers vegna fylgir oft
leynd valdi? Með hverju hugsum við? Hvar
er ímyndunaraflið staðsett? – Einnig hittumt
við stundum á kaffihúsum og ræðum
undirbúnar „klípusögur“.
Haustið er tíminn sem ég nýt best því
ég er fædd í september, mánuðinum sem
náttúran skartar sinni fegurstu litadýrð og
uppskera sumarsins er færð í hús. Það
allra skemmtilegasta sem ég er að gera
þessa dagana fyrir utan að vera í Stjórnvísi,
heim speki og Emblum er að vinna með
vini mínum og viðskiptafélaga í nýstofnuðu
fyrirtæki okkar. Mér finnst ég einstaklega
heppin manneskja og legg mig fram við að
lifa lífinu lifandi. Mitt mottó í lífinu er að skilja
við fólk jákvæðara en ég kom að því.“
Nafn: Gunnhildur Arnardóttir
Fæðingarstaður: Reykjavík, 21.
september 1957
Foreldrar: Anna E. Elíasdóttir og
Örn Gunnarsson
Maki: Hafsteinn Jónsson
Börn: Hrafnhildur, 34 ára, Berglind, 29
ára, og Hafsteinn Ernir, 13 ára
Menntun: Lagði stund á stjórn mála­
fræði við HÍ og er með BSc og Master
in Business Administration frá
Háskólanum í Reykjavík.
„Haustið er tíminn
sem ég nýt best því ég
er fædd í september,
mánuðinum sem nátt-
úran skartar sinni
fegurstu lita dýrð og
upp skera sumarsins er
færð í hús.“