Frjáls verslun - 01.07.2010, Síða 26

26 F R J Á L S V E R S L U N • 7 . T B L . 2 0 1 0
1. Framtakssjóðurinn miðar við EBITDA í
Vestia-kaupunum upp á um 5,0 sem mörg-
um þykir hátt verð við þessar að stæður. Telja
margir að nær væri að miða við EBITDA
-margfaldara upp á 4,0 við verð mat á fyrir-
tækj unum.
2. Kaupverðið á Vestia er 19,5 milljarðar.
Auk þess skulda fyrirtækin sjö um 40
milljarða. Þetta er 60 milljarða pakki.
Framtakssjóðurinn miðar við að EBITDA
margfaldarinn sé 5,0. Það þýðir að
sjóðurinn gerir ráð fyrir að hagnaður
fyrir vexti, skatta og afskriftir sé um 12
milljarðar á ári hjá fyrirtækjunum.
3. Icelandic Group hefur ekki skilað
miklum hagnaði undanfarin ár. Hagnaður
Icelandic á þessu ári hefur braggast og
var hagnaður af reglulegri starfsemi fyrir
skatta rúmir tveir milljarðar króna á fyrri
hluta þessa árs. Um 35% af útflutningi
sjávarafurða Íslendinga fer í gegnum
Icelandic og á meðan það veiðist fiskur í
sjó við Ísland þá á þetta fyrirtæki framtíð
fyrir sér en það veltir um 150 milljörðum á
ári og skuldar um 25 milljarða króna.
4. Vodafone er talin góð fjárfesting og
hefur skilað ágætri framlegð undanfarin ár.
Ekki er talin hætta á að þessi fjárfesting
mistakist – svo ekki sé talað um að búið
var að afskrifa stórfé hjá Teymi áður en
félagið var sett inn í Vestia.
5. Kaupin á Vestia eru í áreiðanleika-
könnun og þar af leiðandi ekki frágengin.
Verðið gæti lækkað og hætt gæti verið við
kaupin í heild sinni eða ákveðin félög færð
aftur inn í bankann.
6. Fyrirtæki Framtakssjóðsins velta 300
milljörðum króna og hafa átta þúsund
starfsmenn innan sinna vébanda.
7. Vestia-fyrirtækin velta um 200 mill-
jörðum króna á ári. Skiptist það þannig
að Icelandic veltir 150 milljörðum, Teymi
40 milljörðum (Vodafone, Skýrr, EJS og
HugurAx), Húsasmiðjan um 12 milljörðum
og Plastprent veltir um 1,5 milljörðum.
8. Vestia er skuldlaust fyrirtæki. En fél ögin
sjö undir hatti þess skulda um 40 mill-
jarða króna í vaxtaberandi skuldir.
9. Landsbankinn afskrifaði hátt í 30
milljarða af skuldum Teymis og breytti
í hlutafé áður en félagið var sett inn í
Vestia. Teymi skuldaði í bankahruninu
yfir 42 milljarða en skuldirnar eru núna í
kringum 10 mill jarðar.
10. Kaup Framtakssjóðsins á Vestia
snúast fyrst og fremst um Icelandic Group
og Teymi (Vodafone, Skýrr, HugarAx og
EJS). Þar er veltan mest og skuldirnar
mestar. Icelandic Group skuldar 25
milljarða og Teymi um 12 milljarða.
Húsasmiðjan skuldar um þrjá milljarða.
11. Húsasmiðjan lenti í skuldavandræðum
eftir skuldsetta yfirtöku Pálma í Fons og
við ekkert varð ráðið. Í eðli sínu er alltaf
þörf fyrir viðhald hús næðis og byggingar.
En spurt er: Hvers vegna eru verslanir
Húsasmiðjunnar ekki seldar?
12. Framtakssjóðurinn á 100% í Icelandic
Group, 60% í Teymi (m.a. á móti lífeyris-
sjóðum) og 100% í Húsasmiðjunni og
Plastprenti.
13. Framtakssjóðurinn eignaðist í júní sl.
32% í Icelandair Group fyrir 3,0 milljarða
króna. Hlutafé félagsins var aukið úr 1
milljarði króna að nafnverði í 4 milljarða
kr. að nafnverði. Það verður aukið síðar á
árinu um 1 milljarð og gerir sjóðurinn ráð
fyrir að kaupa hlutafé fyrir 300 milljónir
að nafnverði til viðbótar á genginu 2,5
fyrir samtals 750 milljónir króna. Nafnverð
hlutafjár í Icelandair verður 5,0 milljarðar
króna í lok ársins en söluverð þess fjár er
um 12,5 milljarðar króna. Nota á féð til að
lækka skuldir um 10 milljarða.
14. Icelandair Group tapaði miklu fé á
árunum 2008 og 2009, mest vegna brúttó-
skulda sem námu um 74 milljörðum í lok
ársins 2009. Nettó-skuldir Icelandair við
kaup Framtakssjóðsins í félaginu voru um
40 milljarðar króna. Síðan hafa þær verið
lækk aðar niður í 30 milljarða (Íslandsbanki
tók bæði eignir og skuldir út). Loks á að nota
nýtt hlutafé til að koma vaxtaberandi skuld um
Icelandair niður í 20 milljarða króna.
TÖLURNAR Á BAK
VIÐ KAUPIN
nýtt. Fyrir vikið hafi skuldirnar þvælst fyrir í pípunum og staðið í
vegi fyrir vexti og samkeppnishæfni fyrirtækjanna.
En hvernig ætlar Framtakssjóðurinn út úr sínum fjárfestingum eftir
fjögur til sjö ár? Það er augljóst að horft er til hlutabréfamarkaðarins
og örugglega reynt að draga erlenda fjárfesta að borðinu til að kaupa.
Eitt er víst að Framtakssjóðurinn verður leystur upp innan sjö ára en
eftir að hámarki tíu ár. Hann er samlagshlutafélag og verður eign­
unum þá skipt upp til eigenda hans í réttum hlutföllum.
Umræður um Framtakssjóðinn og Vestia hafa ratað inn á Alþingi
þar sem Óli Björn Kárason þingmaður gagnrýndi mjög vinnu brögðin
við söluna á Vestia. Til þess var þá tekið hve varfærinn fjár málaráðherra
var í svörum, hann nánast leiddi málið hjá sér. En Óli Björn var ekki
að skafa af því og sagði að Landsbankinn hefði gengið gegn öllum
verk lags reglum sínum og brotið gegn loforði um jafn ræði í við skipt­
um með yfirtekin félög.
Þá hafa hagsmunasamtök og keppinautar tjáð sig og spurt þeirrar
eðlilegu spurningar hvort það sé sanngjarnt að lífeyrissjóðirnir séu
komnir í samkeppnisrekstur.
Hvað um það. Er betra fyrir viðskiptalífið að þessi fyrirtæki séu í
eigu lífeyrissjóðanna en Landsbankans? Það hlýtur að vera skárra.
Það er óþolandi að hafa þessi fyrirtæki á beinni bankalínu inn í
bank ana. Framtakssjóðurinn lýtur öðrum lögmálum en bankarnir
og það hlýtur að vera betra fyrir keppinautana.
Þetta er eldfimt mál og viðkvæmt.
KAUPIN Á VESTIA