Frjáls verslun - 01.07.2010, Page 31

F R J Á L S V E R S L U N • 7 . T B L . 2 0 1 0 31
hefðu staðið yfir í fimm og hálfan mánuð
og vandað hefði verið til verka við kaupin.
„Við erum sannfærðir um að kaupin í
Icelandair eigi eftir að skila góðri ávöxtun.
Þetta er gott fyrirtæki og árangur þess á
þessu ári er þegar yfir áætlunum þrátt fyrir
áföll sem fylgdu gosinu í Eyjafjallajökli
sl. vor,“ sagði Finnbogi. „Starfsmenn Ice­
landair hafa staðið sig mjög vel.“
Um það hvort Framtakssjóðurinn væri
ný viðskiptablokk eða valdablokk sagði
Finnbogi að vissulega væri sjóðurinn mikið
afl sem myndi láta að sér kveða. En þetta
væri tímabundinn sjóður sem yrði leystur
upp eftir sjö ár og markmiðið væri að vera
búinn að selja hlutina í fyrirtækjunum.
„Þetta er tímabundinn sjóður og við
stjórnendurnir eru allir launþegar og eigum
ekkert hlutafé í honum,“ sagði Finnbogi.
Eftir því var tekið þegar Finnbogi sagði
að sjóðurinn hefði gert tilraun til að bjóða
í Sjóvá, Securitas og Tal en ekki haft erindi
sem erfiði gagnvart öðrum fjárfestum.
Var skrafað við ýmis borð að það væri
skrítið að sjóðurinn hefði orðið undir við
tiltölulega litla fjárfestingu á borð við Securi­
tas, hefði hann í raun viljað það fyrirtæki.
Hallbjörn Karlsson sagði að sá grunur
læddist að sér að verið væri að velta vanda­
mál um Vestia af Landsbankanum yfir á
lífeyrissjóðina – fólkið í landinu.
Um fjárfestingar lífeyrissjóða almennt
sagði Hallbjörn að það væri erfitt fyrir líf­
eyrissjóði að kaupa í fyrirtækjum þar sem
þyrfti að grípa til erfiðra ákvarðana eins og
segja upp fólki.
Þá sagði Hallbjörn: „Mér finnst allt of
mikil áhersla lögð á það í stefnu Fram taks ­
sjóðsins að verið sé að endurreisa at vinnu lífið
fremur en verið sé að ná bestri ávöxtun.
Ég efast stórlega um að það fari saman
að leggja svo mikla áherslu á að endur­
reisa atvinnulífið og ná á sama tíma bestri
ávöxtun. Það er hætta á að það fé glatist.
ORÐRÉTT ÚR RÆÐU
MATTHÍASAR IMSLAND
1. Var Icelandair að missa flugið?
Icelandair var komið í veruleg vand-
ræði áður en Framtakssjóðurinn,
Lífeyrissjóður verslunarmanna, Íslands-
banki og stofnanafjárfestar komu að
málum. Félagið skilaði verulegu tapi.
Óefnislegar eignir (goodwill etc.) voru
181% af eigin fé félagsins. Félagið
hafði um 8,8 ma.kr. til að greiða um
22,7 milljarða kr. af lánum.
2. Svo kom Framtakssjóðurinn!
Fyrir aðgerðir var eigið fé að frádregn-
um óefnislegum eignum neikvætt um
10,6 ma.kr.
Svo kom Framtakssjóðurinn, Lífeyris-
sjóður verslunarmanna, aðrir
stofnana fjárfestar, Íslandsbanki með
skuldbreytingar og eiginfjárinnspýtingu
… og viti menn – eigið fé að frádregn-
um óefnislegum eignum rétt kíkir yfir
núllið!
3. Heildaraðkoma Íslandsbanka
Eigin fjárframlag – 3,6 milljarðar króna.
(þar af afskrift upp á 1,8 ma.kr.
Bankinn breytir skuldum í eigið fé á
genginu 5 en aðrir þ.m.t. lífeyris sjóð-
irnir kaupa á 2,5)
Yfirtaka eigna – 7,6 milljarðar króna.
Og ný lánveiting – 9,6 milljarðar króna.
4. „Don’t invest
in airlines.”
– Warren Buffett.