Frjáls verslun - 01.07.2010, Side 44

44 F R J Á L S V E R S L U N • 7 . T B L . 2 0 1 0
Brúa bilið milli
nets og farsíma
Þórarinn Stefánsson hjá
Mobilitus:
Þetta er hluti af þróun netsins. Kannanir sýna að yngra fólk notar farsíma eins og tölvur. Það á að vera hægt að gera allt það í farsíma sem annars var upphaflega hugsað fyrir tölvur. Þarna reka vinsældir netsins á eftir.
Netsíður fyrir fjölmiðla, þjónustu og afþreyingu eru hannaðar á
breiddina og fyrir mun stærri skjái en eru á farsímum. Að auki krefj-
ast þessar síður oft hraðari tenginga en eru í farsímum.
Þórarinn Stefánsson hjá Mobilitus orðar stöðuna í þessari grein
svo að „gluggi tækifæranna sé þar galopinn“ og því að vonum mikil
tækifæri ef menn rata á snjalla lausn.
Það er hægt að nálgast vandamálið frá báðum endum. Annars
vegar að láta farsímana breyta síðunum og uppröðun á þeim þannig
að þær birtist aðgengilegar á litlum símaskjá. Hin aðferðin er að
send andi síðunnar breyti henni þannig að hún passi í farsíma. Þetta
er snúið mál því nú eru til 18.000 gerðir af farsímum og fjarri því að
hugbúnaður þeirra sé staðlaður.
Fótfesta í Bandaríkjunum
„Við bjóðum lausnir þar sem netfyrirtækin laga síðurnar að farsím-
unum,“ segir Þórarinn. Hugbúnaður Mobilitus er þegar kominn
á markað og stærsti notandi hans er bandaríska netmiðasalan
Ticket master, sem á dótturfyrirtæki um allan heim, og selur átta af
hverjum tíu miðum á tónleika í heiminum.
Þetta er dæmigerð þjónusta, sem yngra fólk leitar eftir í gegnum
farsíma. Mobilitus þjónustar einnig brandaravefinn CollegeHumor,
sem nýtur mestra vinsælda meðal skólafólks. Síðurnar verða að
passa bæði fyrir tölvur og farsíma. Og nú er æ algengara að fólk
leiti til dæmis uppi veitingahús í gegnum farsíma á netinu. Fyrir
veitingahús er mikilvægt að hafa síður sem opnast í farsímum.
Viðskiptahugmyndin að baki Mobilitus byggist á að bjóða upp á
létt kerfi sem breytir síðunum hratt. Einnig eru í þróun lausnir fyrir
smáfyrirtæki þar sem hver og einn getur sett upp síðu sjálfur.
„Farsímavefir þeir sem Mobilitus rekur eru nú umfangsmeiri en
nokkur íslenskur vefur,“ segir Þórarinn. Ríflega þrjár milljónir ein-
staklinga nýttu sér farsímavefi frá Mobilitus í ágústmánuði. Í byrjun
september kynnti tölvufyrirtækið Apple síðan nýja útgáfu af iTunes,
sem beintengir miðasölu innan iTunes í iPhone og iPod við kerfi
Mobilitus.
Erfitt á Íslandi
Þórarinn segir að fyrirtækið hafi verið stofnað árið 2007, í mestu
góðærisbólunni þegar vaxtarmöguleikar sprota voru verri en nú.
Núna sé mun auðveldara að fá hæft fólk. Fastráðnir starfsmenn eru
orðnir sjö, bæði tæknimenn og markaðsfólk.
Fjármagn var lengi vel aðeins sparifé eigendanna og launalaus
vinna áður en tekjur fóru að berast. Síðan hefur komið fé frá tækni-
þróunarsjóði til markaðssetningar, og hefur það komið í góðar þarfir
að sögn Þórarins.
Hins vegar segir hann að aðstæður á Íslandi séu ekki sérlega
hag stæðar fyrirtæki sem vill ná langt á erlendum mörkuðum. Þrátt
fyrir hrunið eru tölvufræðingar ekki á lausu og víða erlendis er fram-
boð af hæfu fólki miklu meira.
Gengi krónunnar og gjaldeyrishöft hafa ekki veruleg áhrif því tekj-
urnar eru allar í erlendri mynt.
„Til lengdar gengur auðvitað ekki að búa við ónýtan gjaldmiðil
og aðra aðstöðu en keppinautarnir,“ segir Þórarinn. „Það er hugs-
anlega enginn kostur við að vera á Íslandi og því fylgja aukaútgjöld
vegna ferðalaga.“
Hann leggur áherslu á mikilvægi þess að hitta viðskiptavinina aug-
litis til auglitis. Nýjasta tölvutækni leysir ekki þann vanda og það
kostar til dæmis tvö til þrjú hundruð þúsund krónur að fara á fund á
vesturströnd Bandaríkjanna.
„Mér kæmi ekki á óvart þótt mörg fyrirtæki færu úr landi einmitt
vegna þessara aðstæðna,“ segir Þórarinn.
„Til lengdar gengur auðvitað ekki að búa
við ónýtan gjaldmiðil og aðra aðstöðu en
keppinautarnir.“
Tölvuskjáir eru breiðir en farsímar á lengdina.
Þetta er vandamál þegar opna á netsíður í
farsímum. Það er hörð samkeppni milli tölvu fyrir-
tækja í heim inum um að brúa þetta bil. Íslenska
hug búnaðarfyrirtækið Mobilitus hefur hellt sér út í
þá samkeppni.
TEXTI: GÍSLI KRISTJÁNSSON
MYNDIR: GEIR ÓLAFSSON