Frjáls verslun - 01.07.2010, Qupperneq 68

68 F R J Á L S V E R S L U N • 7 . T B L . 2 0 1 0
Kröftugt mennta­ og nýsköp­un arstarf er forsenda framfara í iðnaði. Samtök iðnaðarins eiga í margþættu samstarfi við
innlenda og erlenda aðila á sviði mennt unar
og nýsköpunar. Að sögn Davíðs Lúðvíks­
sonar, forstöðumanns stefnumótunar og
nýsköpunar hjá SI, er unnið með félags­
mönn um í stefnumótunarstarfi um þarfir og
þróun starfsgreina í iðnaði.
Sprotafyrirtæki eru á allra vörum
„Samtök sprotafyrirtækja – SSP, sem starfa
sem starfsgreinarhópur innan SI, voru
stofnuð 2004 og í dag eru sprotafyrirtæki
á allra vörum sem einn helsti vonarneisti
framtíðarinnar. Á sjöunda tug fyrirtækja er
nú í Samtökum sprotafyrirtækja. Fyrirtækin
sem hafa aðgang að allri þjónustu SI og SA
geta að auki tekið þátt í ýmsum fagnefndum
og samtökum í tæknigreinum. Þar á meðal
eru Samtök upplýsingatæknifyrirtækja
(SUT), Samtök íslenskra líftæknifyrirtækja
(SÍL), Samtök leikjafyrirtækja (IGI), sem
halda upp á eins árs afmæli á árinu, og Sam ­
tök fyrirtækja í grænni tækni (CTI) sem
stofnuð voru fyrr á þessu ári.
Hátækni­ og sprotavettvangur er formleg
tengimiðstöð framangreindra samtaka við
þau ráðuneyti sem mest koma að mótun
starfsskilyrða þeirra, en þau eru auk iðnaðar­
ráðuneytis menntamála­, utanríkis­ og fjár­
málaráðuneytið.
Ár nýsköpunar
Ár nýsköpunar eru framundan. Í kjölfar
hruns fjármálakerfisins hafa orðið nokkrar
umbætur á starfsskilyrðum nýsköp unar fyrir ­
tækja. Markverðast í því sam bandi eru ný
lög um stuðning við nýsköp unarfyrirtæki
sem tóku gildi um síðustu ára mót. Þá er
gengi krónunnar orðið sam keppnishæfara og
auðveldara að fá fólk til starfa þótt róðurinn sé
að þyngjast með tækni fólk.
En betur má ef duga skal. Þrátt fyrir marg ­
víslegar umbætur þarf áfram að sækja fram á
völlinn í menntunar­ og nýsköpunarmálum.
Samtökin knýja líka á um rýmkun heimilda
í nýsköpunarlögunum til að auka slagkraft
þeirra. Auk þess er lögð áhersla á eflingu
tækni þróunarsjóðs og straumlínulögun stuðn ­
ingsumhverfisins, ekki síst á sviði út flutnings­
og markaðsmála, m.a. innan ný stofnaðrar
Íslandsstofu.
Ísland þarf á öllum kröftum að halda til
að hefja nýja framtíð á grunni nýsköpunar,
verðmætasköpunar og aukins útflutnings
þar sem frumkvæði, framkvæmd og farsæld
í fjárfestingum þurfa að vera leiðarljósið.
Þess vegna undirbúa Samtök iðnaðarins
núna átaksverkefni undir kjörorðinu ÁR
NÝSKÖPUNAR, sem lesa má bæði í ein ­
tölu og fleirtölu.“
„Kröftugt mennta­ og
nýsköpunarstarf er forsenda
framfara í iðnaði.“
SI – aflvaki kröftugs mennta- og nýsköpunarstarfs
SAMTÖK IÐNAÐARINS
Davíð Lúðvíksson, forstöðumaður stefnumótunar og nýsköpunar hjá SI.