Frjáls verslun - 01.07.2010, Qupperneq 75

traðkar á öllum í kringum sig og í besta falli sem
miskunn arlaust séní sem hefur einangrað sig frá
öðrum og tekur ekki eftir því hversu illa hann fer
með annað fólk.
Í myndinni er Zuckerberg ekki alveg eins neikvæð
persóna en þar sem Sorkin fékk ekki heldur að gang
að Zuckerberg til að segja sína útgáfu þarf eng um
að koma á óvart að Zuckerberg fær ekki silki mjúka
meðhöndlun. Margir bíða spenntir eftir við brögðum
Facebook við myndinni en þar á bæ er dagskipun
sögð sú að leiða myndina hjá sér og gefa ekki neinar
yfirlýsingar. Aðrar fréttir benda til að Zuckerberg
hafi verið í sambandi við Fincher til að fegra ímynd
sína en það hefur ekki verið staðfest og eina sem
hann hefur fengist til að segja um kvik myndina er
að hún sé skáldskapur. Eitt sem gefur myndinni
fyrirfram ekki trúverðugleika er að komið hefur í
ljós að hluti af bókinni The Accidental Billionaires
er ekki sannleikanum samkvæmt.
Handritshöfundurinn Aron Sorkin er best þekktur
fyrir að hafa skrifað megnið af sjónvarps seríunni West
Wing. Einnig skrifaði hann handritið að Charlie
Wilsons War með Tom Hanks og Juliu Roberts í
aðal hlutverkum, en sú kvikmynd var byggð á ævi
um deilds stjórn málamanns.
Einn af stofendum Propaganda
David Fincher er ekki afkastamikill leikstjóri,
hefur aðeins leikstýrt átta kvikmyndum í fullri
lengd, en myndir hans vekja alltaf athygli enda fer
hann yfirleitt ótroðnar slóðir. Fincher var einn af
stofnendum Propaganda ásamt Sigurjóni Sig hvats­
syni og fleirum og leikstýrði hann nokkrum vel
þekktum tónlistarmyndböndum og leik stýrir enn
af og til slíkum myndum. Fyrsta kvik mynd hans
í fullri lengd var Alien 3 (1992). Hann stimplaði sig
svo rækilega inn með næstu kvikmynd sinni Seven.
The Game fór fyrir ofan garð og neðan en Fight
Club, sem kom næst, er í hópi klassískra kvik mynda
í dag þótt dómar í upphafi hafi ekki verið góðir.
The Panic Room var hörkugóður tryllir með Jodie
Foster. Síðan kom Zodiac og síðasta kvikmynd
hans fyrir The Social Network var The Curious
Case of Benjamin Button sem fjallar um mann sem
fæðist gamall en yngist upp með árunum. Ljóst
er að næstu árin verður Fincher upptekinn við
Millennium­þríleikinn og verður spennandi að
sjá hvernig honum tekst upp og hvort hann nær
sömu gæðum og sænsku myndirnar.
KVIKMYNDAFRÉTTIR
Stone
Fyrir níu árum léku stórleikararnir
Robert DeNiro og Edward Norton saman
í sakamálamyndinni The Score. Þeir
hafa nú endurtekið leikinn í Stone,
annarri sakamálamynd sem frumsýnd
verður í október. Þeim til halds og traust
í The Score var Marlon Brando, sem nú
er horfinn til feðra sinna og DeNiro og
Norton geta því ekki treyst á hann. Í
Stone leikur Norton fanga sem ákærður
er fyrir að hafa verið minniháttar þátt-
takandi í morðum á afa sínum og
ömmu. Nú er komið að því að hann á
möguleika á náðun og til að tryggja að
slíkt gerist sendir hann fagra eiginkonu
sína á aldraðan lögregluforingja (DeNiro)
sem á að fara yfir mál hans. Eiginkonan
á að draga lögreglumanninn á tálar
og tryggja að hann verði hliðhollur í
um sögn sinni. Í hlutverki eiginkonunnar
er Milla Jovovich. Leikstjóri er John
Curran en hann leikstýrði Norton í The
Painted Veil fyrir þremur árum.
127 stundir
Hinn ágæti breski leikstjóri Danny
Boyle náði nýjum hæðum þegar hann
sendi frá sér hina margverðlaunuðu
Slumdog Millionaire. Eftir það voru
honum allar dyr opnar en í stað þess
að velja úr tilboðum stórfyrirtækjanna
fór hann eigin leiðir og er nú að senda
frá sér 127 Hours sem byggð er á
sönnum atburðum. Fjallar hún um
fjallgöngumanninn Aron Ralston (James
Franco) sem er einn í fjallgöngu í
einangruðum fjöllum í Utah þegar bjarg
fellur á aðra hönd hans og kremur
hana. Á fimm dögum fer hann í hug-
an um í gegnum líf sitt og uppgötvar
að hann hefur hugrekki til að bjarga
sér. Hann notar vasahníf til að skera
hluta af öðrum handleggnum til þess
að losna undan bjarginu, klífur 20
metra niður á jafnsléttu og gengur 10
kílómetra áður en hann hittir fyrir fólk
sem kemur honum undir læknishendur.
Ótrúlegt afrek sem vakti heimsathygli á
sínum tíma. 127 Hours verður frumsýnd
í byrjun nóvember.
Heiðarlegur leikur
Hver man ekki eftir fjaðrafokinu í kring -
um bandaríska kvennjósnarann Valerie
Plame Wilson, sem komst í frétt irnar
þegar stórblöð fóru að birta greinar
um feril hennar. Í ljós kom að æðstu
menn innan ríkisstjórnar Bush láku
upplýsingum til að hefna sín á eigin-
manni hennar, sendiherranum Joseph
Wilson, sem hafði skrifað grein þar sem
hann ásakaði Bush og hans menn um
gefa upp rangar upplýsingar um stríðið
í Írak. Leikar fóru svo að hjónin fóru í
einkamál við Dick Cheney, Karl Rove
og Lewis „Scooter“ Libby sem endaði
með því að Rove viðurkenndi að hafa
lekið upplýsingum og Libby var dæmdur
fyrir að ljúga að dómurum. Fair Game,
sem leikstýrt er af Doug Liman (Bourne
Identity, Mr. and Mrs. Smith), segir
frá atburðum þessum. Í hlutverkum
sendi herrahjónanna eru Naomi Watts
og Sean Penn. Fair Game var kynnt á
kvikmyndahátíðinni í Cannes í vor en fer í
almennar sýningar í byrjun nóvember.
Edward Norton leikur titilhlutverkið í
Stone, fanga sem beitir brögðum til að
fá náðun.
Naomi Watts og Sean Penn í hlutverkum sendiherrahjónanna,
Valerie Plame Wilson og Joseph Wilson.
F R J Á L S V E R S L U N • 7 . T B L . 2 0 1 0 75
Fincher var einn af stofnendum
Propaganda ásamt Sigurjóni Sig­
hvats syni og fleirum