Frjáls verslun - 01.07.2010, Page 82

82 F R J Á L S V E R S L U N • 7 . T B L . 2 0 1 0
SIGRÚN KJARTANSDÓTTIR
framkvæmdastjóri NordicaSpa
NordicaSpa er heilsulind sem veitir fyrsta flokks þjónustu í rólegu og þægilegu umhverfi og er áhersla lögð á persónulegt viðmót, fallegt
og notalegt umhverfi og fagleg vinnubrögð.
„Ég tók við rekstri NordicaSpa 12. júlí sl.
og starfa með frábæru starfsfólki sem er
tilbúið að taka þátt í nýjungum og tekur
þátt í nýrri stefnumótun stöðvarinnar. Mitt
starf er fjölþætt rekstrarlega en stór hluti
af því er að sjá til þess að allir starfsmenn
hafi þau tæki, tól og aðstöðu sem þarf
ásamt réttri hvatningu og eftirfylgni. Ég er
jafnmikið að vinna fyrir þau eins og þau fyrir
mig. Yfirmaður/undirmaður á ekki heima
á NordicaSpa; þar vinnum við fyrst og
fremst saman og höfum gaman í vinnunni.
Við setjum viðskiptavininn í fyrsta sæti og
stefnum að því að vera besti valkostur bæði
viðskiptavina sem og starfsmanna þegar
líkamsrækt og heilsa er annars vegar.
Við erum nýfarin af stað með nýtt nám-
skeið sem heitir ZUMBA fitness og byggist
á auðveldum danssporum fyrir allan aldur.
Þetta námskeið hefur slegið í gegn og færri
komast að en vilja. Einnig fórum við af
stað með nýtt námskeið byggt á hreinsun
líkam ans með mataræði og hreyfingu. Þar
er unnið með aðallífsstílsvandamál þjóð -
ar innar sem er tengt meltingarfærunum
enda segjum við ekki að þú sért það sem
þú borðar heldur að þú sért það sem þú
meltir.“
Það kemur ekki á óvart að líkamsrækt
skuli vera eitt aðaláhugamál Sigrúnar. „Ég
spilaði í nokkur ár körfubolta með meistara -
flokki Fram sem unglingur og fannst alltaf
gaman í leikfimi í skóla. Fór reyndar ekki
að stunda reglulega líkamsrækt fyrr en um
tvítugt. Lengi vel stundaði ég líkamsrækt
inni á stöðvunum en upp úr 2005, í kjöl -
far þess að ég kláraði meistaranámið,
langaði mig að gera eitthvað sem reyndi
sér staklega mikið á mig og ákvað að hlaupa
hálft maraþon og síðan heilt. Í kjölfarið
hljóp ég oft hálft maraþon og nokkrum
sinn um heil, bæði hér heima og erlendis,
og hef alltaf tengt heilu maraþonhlaupin
við styrktarsöfnun. Hef hlaupið bæði fyrir
MS-félagið og Ljósið. Hlaup er partur af
minni líkamsrækt og ég hleyp oft í vinnuna.
Annað stórt og mikilvægt áhugamál mitt
og fjölskyldunnar hefur verið samkvæmis-
dans. Tvö börnin okkar voru í dansi og kepptu
í mörg ár, bæði hér heima og erl end is. Í kjöl-
farið fórum við hjónin að læra dans og svo
að keppa. Við tókum meira að segja þátt í
fjórum heimsmeistarakeppnum fyrir Íslands
hönd. Við eigum t.d. okkar bestu vini úr
dansinum og þessi vinahópur er okkur mjög
dýrmætur enda vorum við mikið saman. Við
dönsuðum og kepptum saman og fórum í
göngur, langar og stuttar, útilegur og gerðum
ýmislegt skemmtilegt annað. Þessi hópur
er að mestu hættur að dansa í dag en við
störfum mörg með Dansíþróttasambandi
Íslands, sérstaklega við keppnishaldið. Við
hjónin kepptum síð ast árið 2007 en það er
á dagskránni að dusta rykið af dansskónum
og byrja aftur að dansa og jafnvel keppa.
Annað mikilvægt að mínu mati er að finna
stundir þar sem öll fjölskyldan getur komið
saman. Það verður æ erfiðara eftir því
sem fjölskyldan stækkar en engu að síður
mikil vægt. Á tímabili, þegar öll börnin voru
við nám erlendis og við hjónin ferðuðumst
mikið í okkar fyrri störfum, þá hittist fjöl-
skyldan oft í smáfríi í London. Þá fannst
mér við vera orðin ansi alþjóðleg. Þetta var
skemmtilegur tími sem við eigum öll eftir að
minnast með gleði en nú eru nýir tímar sem
ég hlakka til að takast á við.“
Nafn: Sigrún Kjartansdóttir
Fæðingarstaður: Reykjavík, 8. júlí 1958
Foreldrar: Kjartan Sveinn Guðjónsson,
fv. skrifstofumaður hjá Skeljungi, og Lína
Guðlaug Þórðardóttir, fv. eigandi Upp setn­
ingarbúðarinnar. Bæði á lífi.
Maki: Eggert Claessen, framkvæmda stjóri
Frumtaks.
Börn: Ásdís, 35 ára, sálfræðingur; Anna,
24 ára, fjölmiðlafræðingur; Stefán, 22 ára,
nemi við Háskóla Íslands.
Menntun: Kennarapróf (B.Ed.)
frá Kennaraháskóla Íslands, 1983.
Meistara próf í viðskiptafræði (M.Sc.) og
meistarapróf í mannauðsstjórnun (MA) frá
Háskóla Íslands, 2004.
Sigrún Kjartansdóttir.
„Lengi vel stundaði
ég líkamsrækt inni á
stöðvunum en upp úr
2005, í kjölfar þess að ég
kláraði meistaranámið,
langaði mig að gera
eitthvað sem reyndi
sérstaklega mikið á mig
og ákvað að hlaupa
hálft maraþon og
síðan heilt.“
Fólk
Borgartúni 37 | 105 Reykjavík | Sími 516 1000 | skyggnir.is
ISO 27001
Umvafin þjónustu
Rekstrarþjónusta Skyggnis
Treystu okkur fyrir heildarrekstri tölvukerfa þinna og þú
getur áhyggjulaus tryggt viðskiptavinum þínum gæði og
framúrskarandi þjónustu.
Frá því að hýsa staka netþjóna og til þess að ráðleggja þér
um öryggi gagna, sinna þjónustu við útstöðvar, afrita eða
annast rekstur sýndarnetþjóna.
Við umvefjum þig þjónustu og pössum uppá að tölvukerfi
þín sé til reiðu þegar þú þarft að vinna og vökum yfir þeim
þegar þú sefur.
Skyggnir - Rekstrarþjónusta án aukareikninga.
Hafðu samband við söluráðgjafa Skyggnis til að fá
frekari upplýsingar um rekstrarþjónustu Skyggnis.
Síminn er 516 1000 og netfangið: sala@skyggnir.is
H
2
H
Ö
N
N
U
N